2 Samuel 14:14 - MUKANDA USANDU WA ZAMBI 1975

¹⁴ Mumu chatutamba kufwa. Tuli ngwe meya aze anamwangana hashi keshi kuhasa kwaanda nawa. Chipwe Zambi keshi kuchiza mwono alioze kakululika shimbi, keshi kumbila liakulu yoze hamuhuma.

Mukanda Wa Zambi 1970

¹⁴ Yetu eswe mwane kumutufwa kwetu. Tuli ngwe meya waze haamwanganyina hashi, mutu keshi kuhasa kwaswita nawa. Chibwe Zambi keshi kuhasa kuhilwisa afu ku mwono wa hano hashi. Alioze mwanangana mahasa kuhilwisa mutu yoze ahumine.

2 Samuel 14:14 Iomraidhean Croise

2 Samuel 11:25

Mba David yamba kuli kanganda ngwenyi, Amba kuli Joabe ngwe, Chuma chino kanda chikupihila, mumu katana kakulia hanji au hanji mukwo. Kolesa jita ku chihunda ukachipupe. Ni yena umutakamise nawa.

2 Samuel 14:15

Kashika nezanga kuhanjika liji lino ni mwene wami mwanangana, mumu atu hananguvwisa woma. Ami kavumbi kenu nambanga ngwami, Munguhanjika haliapwila ni mwanangana. Hanji mwanangana malinga chize yami kavumbi kenyi mungwita.

1 Yitanga Ya Mianangana 11:39

Ha chikuma chino mungukayindamisa ana ja David alioze hi ku miaka yeswe ko.

Jobe 14:14

Nyi mutu mafwa matwama ni mwono nawa? Matangwa eswe a uvumbiko wami te mungutwaminyina, ndo mangutusula.

Jobe 30:23

Pundu, ngunanyingika kumukanguneha ku kufwa; kwe kuze hasela akwa mwono eswe.

Jobe 34:15

Atu eswe makakuwa hamuwika; mutu mahiluka cheka nawa ku fufuta.

Jobe 34:19

Iya keshi ni katonde kuli akwa kuyula? Iya kalemesene pichi kuhiana chiswale mumu eswe yitanga ya moko jenyi?

Miaso (Masamu) 22:14

Hinatehuka ngwe meya. Yifwaha yami yeswe hiyasengunuka. Mbunge yami yapwa ngwe sela, hiyasangunuka muchima lia jimo liami.

Miaso (Masamu) 22:15

Tachi jami jinomu ngwe chipalupalu cha ndeho; limi liami linalamata ku mbangachi jami; kuwanguneha mu fufuta ya kufwa.

Miaso (Masamu) 58:7

Ahuwe ngwe meya aze anahichi. Muze matondekeza mivu yenyi yikapwe ngwe ya kupatula.

Miaso (Masamu) 77:8

Utu wa zango lienyi hiwahwa ndo ku miaka ya mutolo, nyi? Chilakenyo chenyi muchifwa ndo ku miaka ya mutolo, nyi?

Miaso (Masamu) 79:3

Hanamwange manyinga jo ngwe meya ha kujingilika Yerusaleme, ni mukwa kwafunda wakuhi.

Miaso (Masamu) 90:10

Miaka yetu yapwa makumi shimbiali a miaka, hanji mumu ha tachi muyipwa makumi nake. Hindu kulenga chayo chinapu kuhondangana ni chinyengo wika, mumu yakuhwa nikawashi ni yetu mutuhumuka.

Miaso (Masamu) 90:3

Wakuhilwisa mutu ku fufuta. Wakwamba ngwe, Hilukenu ana ja atu.

Kutuhuka 21:13

Nyi mutu kechi kujikinyina mukwo alioze Zambi mamukunjika ku kwoko lienyi, yami mungukamusela chihela cha kuchinyinako.

Longeshi 9:5

Mumu amwono kananyingika ngwo, Mutukafwa, alioze afu kanyingikine nichimwe. Keshi nawa ni kwononona; keshi kwewuluka.

Lungungu 3:31

Mumu Mwene kechi kambila mutu ndo ku miaka yeswe.

Ezekiel 18:23

Mwene Yehova kanambe ngwenyi, Te nakuwahilila ni kufwa cha chingulungulu? Chazangile te akahichike ndako jenyi akatwame ni mwono?

Alevi 26:40

Alioze nyi mashikisa uhenge wo ni uhenge wa akako, ni mafwefwe aze alingile a kulimika ni yami, ni chize endele nikulimika ni yami,

Kwalula 35:15

Hali A-Izalele, ni hali chilambala, ni hali njize uli hakachi ko, membo aze asambano akapwe a uchinyino, hanga eswe makashiha mutu, kachihalile, akachinyinemo.

Kwalula 35:25

Chikungulwila chikapulule mukwa kushiha mutu ku kwoko lia mukwa kukala manyinga. Chikungulwila chikamuhilwise ku limbo lienyi lia uchinyino, kuze achi nyinyine, iye akatwamemo ndo ku kufwa cha sasendote wa lutwe, wa kuwayisa ni maji asandu.

Kwalula 35:28

Mumu kachi iye hasala mu limbo lienyi lia uchinyino ndo kufwa cha sasendote wa lutwe; kulutwe lia kufwa cha sasendote wa lutwe mukwa kushiha mutu akahiluke ku chifuchi chenyi.

Mateu 22:16

Atumine kuli iye tumbaji two, hamwe ni A-Heronde, ngwo, Longeshi, tunanyingika yena uli wamwenemwene, wakulongesa jila ya Zambi nikulita ni umwenemwene, kushi kuvwila woma niumwe: mumu kushi katonde kuli atu.

Yilinga 10:34

Mba Petulu Wapakwile kanwa lienyi, wambile ngwenyi, Chamwenemwene ngunamono Zambi keshi katonde:

A-ROMA 2:11

Mumu Zambi keshi katonde.

Shimbi 10:17

Mumu Yehova Zambi yenu iye Zambi ya tuzambi, Mwene wa ene, Zambi munene, mukwa ndundo, kole ni mwongo, keshi katonde, chipwe keshi kutambula chindo, ka.

Hebreu 9:27

Chizechene ngwe hanachitulikila atu eswe kufwa kamuwika, mba kulutwe lia chino upatwilo,

1 Petulu 1:17

Nyi kachi nwakumutongola ngwenu, tata yoze keshi katonde, kakupatula nikulita ni chitanga cha mutu ni mutu, endenu ni woma, wenyi wenu weswe: