2 Samuel 14:12 - MUKANDA USANDU WA ZAMBI 1975

¹² Pwo yamba ngwenyi, Tayizenu kama kavumbi kenu kuhanjika limwe liji kuli yenu mwene wami mwanangana. Iye ngwenyi, Hanjika.

Mukanda Wa Zambi 1970

¹² Pwo yamba nawa ngwenyi: “Vulie mwanangana! Ngutayizenu kama nguhanjike nawa liji likwo.” Mwanangana ngwenyi: “Hanjika.”

2 Samuel 14:12 Iomraidhean Croise

Ubutukilo 18:27

Apalahama yakumbulula ngwenyi, Haliapwila hinahamuka kuhanjika ni Mwene, yami nguli fufuta ni uto wika.

Ubutukilo 18:32

Ngwenyi, Mala! Mwene kanda utenuka, nguhanjike kamuwika nawa kunahu. Hanji mawanamo kumi. Iye ngwenyi, Chipwe ha kumi chichi kuchilinga.

Ubutukilo 44:18

Aho Yunda yakundama kuli iye, yamba ngwenyi, Mwata wami, ngutayize kama kuhanjika liji limuwika mu matwi ja yenu mwata, yami nguli ngamba yenu. Utenu wenu kanda usasaminya hali yami ngamba yenu, mumu yenu chimuwika wapwa ni Falau.

2 Samuel 14:11

Pwo yamba ngwenyi, Ngunaliumbu kuli yenu mwanangana, Iwulukenu Yehova Zambi yenu hanga mukwa kukala manyinga kanda ashiha nawa, kuchina mashiha mwanami. Iye yamba ngwenyi, Ni mwono wa Yehova, chipwe lukambu umuwika wa mwané kechi kaholoka hashi.

2 Samuel 14:13

Pwo ngwenyi, Nyi chocho, kuchi te hinwahala chuma chino cha kulimika ni atu a Zambi? Mumu ha kuhanjika liji lino yenu mwanangana nuli ngwe umwe chivulumunyi se mwe mwanangana katumine kusaka mwanenyi yoze wahumine.

2 Samuel 20:17

Iye wakundamine, mba pwo yamba ngwenyi, Mwe Joabe yena? Iye ngwenyi, Yami. Yamba kuli iye ngwenyi, Panjika ku maliji a yami kavumbi ke. Iye ngwenyi, Ngunapanjika.

1 Yitanga Ya Mianangana 2:14

Yawezaho ngwenyi, Chuma nguli nacho kuhanjika ni yenu. Yakumbulula ngwenyi, Hanjika.

Jeremia 12:1

Ena Yehova uli mukwa ululi, muze nakunenganyana kuli yena, hindu ngunazange kulumbununa chikuma chami kumeso je. Kuchi te jila ya chingulungulu yakuwaha? Kuchi te akwa mafwefwe eswe kakutatuka?

Yilinga 26:1

Ni Akripa wambile kuli Paulu ngwenyi, Kanakutayiza ulihanjikile yena mwene. Hohene Paulu wolwele kwoko lienyi, walisambishile ngwenyi,

1 Samuel 25:24

Yafulamana ku yiliato yenyi nikwamba ngwenyi, Mwene wami, we uhenge ukapwe hali yami wika. Ngutayize kama, yami kavumbi kenu, nguhanjike mu matwi jenu. Panjikenu kama ku maliji a yami kavumbi kenu.