2 Samuel 14:11 - MUKANDA USANDU WA ZAMBI 1975

¹¹ Pwo yamba ngwenyi, Ngunaliumbu kuli yenu mwanangana, Iwulukenu Yehova Zambi yenu hanga mukwa kukala manyinga kanda ashiha nawa, kuchina mashiha mwanami. Iye yamba ngwenyi, Ni mwono wa Yehova, chipwe lukambu umuwika wa mwané kechi kaholoka hashi.

Mukanda Wa Zambi 1970

¹¹ Pwo ngwenyi: “Vulie mwanangana! Ngunaliumbu nulembe kuli Mwene Zambi yenu, hanga usoko wami waze anambe kukala mwanami, kanda alinga chibi chino chahiana ni kushiha nawa mwanami mukwo.” Mwanangana yamukumbulula nawa ngwenyi: “Nyi mwe Zambi, mwane mukwo kechi kufwa nichimwe.”

2 Samuel 14:11 Iomraidhean Croise

Ubutukilo 14:22

Apalama yakumbulula kuli mwanangana wa Sondome ngwenyi, Hinazundula kwoko liami kuli Yehova mwe Chitunda, mwenya malilu ni hashi ngwami,

Ubutukilo 31:50

Nyi mupinjisa anami a mapwo, hanji muhalika nawa mapwo akwo hamwe no, lunga kutushi nenyi; alioze Zambi akapwe chela hakachi ka yami ni yena.

2 Samuel 14:10

Mwanangana ngwenyi, Mweswawo makwamba chimwe chuma, umunehe kuli yami mba kechi kukusunga nawa.

2 Samuel 14:12

Pwo yamba ngwenyi, Tayizenu kama kavumbi kenu kuhanjika limwe liji kuli yenu mwene wami mwanangana. Iye ngwenyi, Hanjika.

2 Samuel 14:21

Mwanangana yamba kuli Joabe ngwenyi, Tala, hinalinga chuma chino. Kashika yako unehe mukweze Absalome nawa.

1 Yitanga Ya Mianangana 1:52

Solomone ngwenyi, Nyi masoloka mutu wamwenemwene chipwe lukambu wenyi umuwika kechi kuholoka hashi. Alioze nyi mawana ungulungulu muli iye kumafwa.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Kwalula 35:19

Mukwa kukala manyinga iye mwene akashihe chingalwe. Ha kutakana nenyi, akamushihe.

Kwalula 35:21

hanji mumu ha kole mamulamba ni kwoko lienyi, mba mafwa, mukwa kumulamba chamwenemwene nukamushihe, iye chingalwe. Mukwa kukala manyinga akashihe chingalwe ha kutakana nenyi.

Kwalula 35:27

kachi mukwa kukala manyinga mamuwana mu sali lia njiza ja limbo lienyi lia uchinyino, mba mukwa kukala manyinga mamushiha, kechi kupwa ni mulonga wa manyinga.

Mateu 10:30

alioze chipwe je kambu ja ha mitwe yenu hanajalula jeswe.

Yilinga 27:34

Kashika ngunaliumbu kuli yenu, nulie: hanga nukahinduke: mumu lukambu niumwe kechi katoka ku mutwe wa niumwe wa yenu.

1 Samuel 14:45

Atu yamba kuli Saulu ngwo, Te Jonatas mafwa nyi? Iye halamwina Izalele Chichize? Hi chocho ko. Ni mwono wa Yehova, chipwe lukambu umuwika wa ha mutwe wenyi kechi kaholoka hashi mumu hanalingi hamuwika ni Zambi tangwa lia musono. Chocho atu apulwile Jonatas, kafwile.

1 Samuel 20:42

Jonatas yamba kuli David ngwenyi, Uye kanawa, se etu eswe ni aali hitwalishinga ni jina lia Yehova ngwetu, Yehova mapwa hakachi ka yami ni yena ni hakachi ka chisemuko cha yami ni chisemuko cha yena ndo ku miaka ya mutolo. David yakatuka yaya. Jonatas wayile mu limbo.

1 Samuel 28:10

Alioze Saulu yalishinga ni Yehova ngwenyi, Ni mwono wa Yehova kechi kukufwetesa chuma chino.