2 Samuel 13:3 - MUKANDA USANDU WA ZAMBI 1975

³ Alioze te kali ni umwe sepa, jina lienyi Jonadabe mwana wa Shimea, yayo ya David. Yono Jonadabe mukwa malinjekela anji.

Mukanda Wa Zambi 1970

³ Alioze Amnone yabwa ni umwe sepa lienyi, mukwa malinjekela kuhiana, jina lienyi Jonadabe, mwana wa Shama, mwanakwo ya mwanangana.

2 Samuel 13:3 Iomraidhean Croise

Ubutukilo 3:1

Achi kapela wakanyamine kuhiana tushitu eswe a mu yambu aze Yehova Zambi yatanga. Iye yamba kuli pwo ngwenyi, Kuma, Zambi hanambe ngwenyi, Kanda nukalia ku mitondo yeswe ya mu munda nyi?

Ubutukilo 38:1

Ha matangwa aze Yunda yahichika ana-akwo, yaya kuli umwe Ka-Ndu lame jina lienyi Hira.

Ubutukilo 38:20

Yunda yatuma sepa lienyi Ka-Ndulame ni mwana-pembe, akatambule mwivu ku kwoko lia pwo, alioze kamuwanyine.

2 Samuel 13:2

Ha kulifwita mu mbunge hali ndumbwenyi Tama, Amnone wayijile. Mumu chapwile chikalu kuli Amnone kumulinga chuma chipi se iye *virgem.

2 Samuel 13:32

Alioze Jonadabe, mwana Shimea yayo ya David, yakumbulula ngwenyi, Mwene wami kanda nunyonga ngwe hashiha akweze ana a malunga eswe a mwanangana. Amnone wika hafwa. Mumu ku shimbi ya Absalome hahala chuma chino chize ku tangwa avulumwine ni tachi ndumbwenyi Tama.

2 Samuel 13:4

Yamba kuli iye ngwenyi, Ena mwana wa mwanangana kuchi te unayi nikuwangama chocho tangwa ha tangwa? Kuchi te kwangulwezele? Amnone wamulwezele ngwenyi, Mumu ha zango lia Tama ndumbwa mwanakwetu Absalome.

2 Samuel 14:2

Kashika Joabe yatuma ku Tekoa yasaka umwe pwo mukwa mana. Yamba kuli iye ngwenyi, Ulionge kama kupwa ngwe umwe wafwisa mutu. Zala kama mazalo a tuliwa. Kanda ulikwita maji alioze pwako ngwe umwe halinyengena mufu shimbu linene.

2 Samuel 21:21

Ha kutomba A-Izalele, Jonatas mwana wa Shimei yayo ya David yamushiha.

1 Sango Ja Mianangana 2:13

Yese yasema mwanenyi mutangu Eliape, ni wamuchiali Abinadambe, ni wamuchitatu Shima,

1 Sango Ja Mianangana 27:32

Jonatas natu ya David wapwile kaliamanga. Aye mukwa mana ni mukwa kusonyeka. Jehiele mwana Hakamoni wapwile ni ana ja mwanangana.

Estere 5:10

Hindu Hamane yasula; yaya ku zuwo lienyi. Yasaka masepa jenyi ni pwo lienyi Zereshe.

Estere 5:14

Pwo lienyi Zereshe ni masepa jenyi eswe yamba kuli iye ngwo, Lulika mutondo wa makumi atano a mbandu, mba hamene chimene hanjika ni mwanangana akasukikeho Mordekai; mba muhasa kunjila ni chiseke hamwe ni mwanangana ku chiteleka. Che chuma yichiwahila Hamane, mba yatalikisa mutondo.

Estere 6:13

Hamane yambulwila pwo lienyi Zereshe ni masepa jenyi eswe yuma yize yeswe yamuwana. Mba akwa mana jenyi ni pwo lienyi Zereshe yamba kuli iye ngwo, Nyi Mordekai, yono haputuka kukulimbula, wapwa wa vungu lia A-Yunda kuchi kuhasa kumukumba. Pundu mulimbuka kumeso jenyi.

Yishima 19:6

Anji mafupa vumbi lia chihanyi; atu eswe mazanga kupwa masepa a mukwa kuhana yawana.

Jeremia 4:22

Mumu atu jami kanahepuka, kangunyingikine, yelo ja ana keshi yinyingi. Mana a kulinga yipi kali no, alioze kanyingikine kulinga yipema.

1 Korintu 3:19

Mumu mana ja hano hashi kanapu uhepuke kuli Zambi. Mumu chinasonewa ngwo, Kakukwata akwa mana ni kalimbavuli ko ene.

Tiangu (Jake) 3:15

Mana ano hi mana a kuhulumuka kwilu ko, aiioze a hashi, a musunya, a Ndiapu.

Akwa Kuyula 14:20

Pwo lia Samasone ahanyine kuli mukwo, yoze wapwile Sepa lienyi.

1 Samuel 16:11

Samuel yamba kuli Yese ngwenyi, Ana je eswe, waene nyi? Iye yamba ngwenyi, Kwasala mwe kasulasongo, kanafungu mapanga. Samuel yamba kuli Yese ngwenyi, Tuma amusake, mumu kutuchi kutwama ndo heza.

1 Samuel 16:9

Mba Yese yapalikisa Shama. Alioze yamba ngwenyi, Chipwe yono, Yehova kamutongwele.