2 Samuel 13:29 - MUKANDA USANDU WA ZAMBI 1975

²⁹ Ngamba ja Absalome yalinga kuli Amnone nikulita ni shimbi ya Absalome. Mba ana eswe a mwanangana yakatuka, yanyina mutu mweswe ha mula wenyi, yachina.

Mukanda Wa Zambi 1970

²⁹ Chenacho ngamba alingile chize Absalome aalwezele, yaashiha Amnone. Ana ja David a malunga waze asalile ho yaanyina mutu ni mutu ha chimbulu chenyi, yaachina.

2 Samuel 13:29 Iomraidhean Croise

Ubutukilo 36:24

Ni ana ja Zepeone, wano; ni Aya ni Hana. Yono Hana awanyine mafuji a meya a kahia mu puya shimbu alishile yimbulu a tato Zepeone.

2 Samuel 12:10

Kashika, katana kechi kukatuka ku zuwo lie, mumu hiwangulelesa, hiwambata pwo lia Uriya Ka-Hete.

2 Samuel 13:30

Shimbu achili mu jila lusango yaheta kuli David ngwo, Absalome hashiha ana a malunga eswe a mwanangana. Kukwasalile chipwe umuwika.

2 Samuel 14:6

Ami kavumbi kenu napwile ni ana aali a malunga. Yalitachika mu yambu mba kukwapwule niumwe kuakandunwina, kashika umwe yalamba mukwo; yamushiha.

2 Samuel 18:9

Absalome yatakana chitakanyina ni atu a David. Absalome te kanende ha mula mba mula yenyi yapalika mushi lia mitango yinji ya umwe mutondo unene wa carvalho. Mutwe wenyi yiusakaminya mu mitango ya carvalho, yazezala mu tetela, mba mula yoze anendesa yaya lume.

1 Yitanga Ya Mianangana 1:33

Mwanangana yamba kuli ayo ngwenyi, Twalenu tuvumbi twa mwene wenu nukendese mwanami Solomone ha mula wa yami mwene akamupalumwise ku Ngehone.

1 Yitanga Ya Mianangana 1:38

Chocho sasendote Zadoke, ni profeta Natane ni Benaia mwana Jehoiada hamwe ni A-Cherete ni A-Pelete yaya yendesa Solomone ha mula wa mwanangana David, yamutwala ku Ngehone.

Yishima 29:12

Nyi mukwa kuyula mapanjika ku mahuza, akwa kumulingila eswe kapwa yingulungulu.

Alevi 19:19

Fungenu yiyulo yami. Kanda nutayiza yimuna jenu kusema ni vungu lieka. Kanda nukuwa mbuto jiali munda umuwika. Kanda nuzala mazalo a mahina aali alipwila.

Mika 7:3

Moko jo kakukwata ku chuma chipi achilinge ni mbunge yeswe. Ni mulemu ni ngaji eswe kakwita chindo; ni mutu munene kakwamba usolo upi wa muchima wenyi. Chocho kakuyiseleka yeswe hamuwika.