2 Samuel 13:21 - MUKANDA USANDU WA ZAMBI 1975

²¹ Alioze muze mwanangana David wevwile yuma yino yeswe yatenuka chikolo.

Mukanda Wa Zambi 1970

²¹ Mwanangana David, muze hevwa sango jino, yevwa kubiha kuhiana.

2 Samuel 13:21 Iomraidhean Croise

Ubutukilo 34:7

Ana ja Yakomba yakatuka mu yambu muze hachivwa. Hevwa wuli wunji, kanatenuka mumu halinga uhepuke mu Izalele ha kupomba ni mwana wa Yakomba, chumacho keshi kuchilinga.

Ubutukilo 35:22

Kwapwile shimbu Izalele Watwamine mu chifuchi chize Rupene yaya, yapomba ni Mbila *konkubina ya tato, mba Izalele yachivwa. Mba ana ja Yakomba te kumi ni aali.

2 Samuel 12:10

Kashika, katana kechi kukatuka ku zuwo lie, mumu hiwangulelesa, hiwambata pwo lia Uriya Ka-Hete.

2 Samuel 12:5

Utenu wa David yiukasumukina yoze lunga. Yamba kuli Natane ngwenyi, Ni mwono wa Yehova, yono lunga halinga chuma chino katela kufwa.

2 Samuel 13:20

Ndumbwenyi Absalome yamba kuli iye ngwenyi, Ndumbwe Amnone kapwanga ni yena nyi? Hola ndumbwami. Iye ndumbwe, kashika kanda upinda nacho mu mbunge. Chocho Tama watwamine utwamishi mu zuwo lia ndumbwenyi Absalome.

2 Samuel 13:22

Absalome aye kahanjikile kuli Amnone chipwe chipema chipwe chipi. Mumu Absalome wavwilile kole Amnone mumu havulumuna ndumbwenyi Tama ni tachi.

Miaso (Masamu) 101:8

Tangwa ha tangwa ha chimenemene mungwonwona yingulungulu mu chifuchi, ngukatete akwa kulinga uhenge kwimbo lia Yehova.

1 Samuel 2:29

Kuchi te wakuliataliata ha chitapo chami ni ha mulambu wami nakolesele ni shimbi mu zuwo liami? Kuchi te wakulemesa ana je helu lia yami nikulitohesa ni yeswe yahiana kupema hakachi ka milambu ya atu jami A-Izalele?