2 Samuel 13:14 - MUKANDA USANDU WA ZAMBI 1975

¹⁴ Hindu kapanjikile liji lienyi alioze se wamuhianyine ni tachi yamukumba, yapomba nenyi.

Mukanda Wa Zambi 1970

¹⁴ Alioze katayile ko kumubanjika, yamukwata ni tachi, yalimona nenyi.

2 Samuel 13:14 Iomraidhean Croise

Ubutukilo 34:2

Mba Shekeme mwana wa Hamore Ka-Hevwe mwanangana wa chifuchi yamumona, yamwanda, yapomba nenyi nikumukolesa sonyi.

2 Samuel 12:11

Yehova kanambe ngwenyi, Mungukuvundwila yipi mwe mu zuwo lia yena mwene. Mungutambula mapwo je kumeso je nikwahana kuli akwenu, mba mapomba ni mapwo je, he ha mwalwa uno lume.

2 Samuel 13:15

Mba Amnone yamuvwila kupiha chahiana chikolo. Kupiha chize amuvwilile chahianyine zango lize amuzangile nalio hatangu. Amnone yamwamba ngwenyi, Katuka! Yako!

Estere 7:8

Mwanangana yakatuka ku jardine ya zuwo lia mwanangana yanjila nawa ku chiteleka cha vinyu. Kumanyi Hamane halimbilila ku muu haze Estere kanatwama. Kashika mwanangana yamba ngwenyi, Te kanafupu kulumbula mwazovu kwe kumeso jami mu zuwo nyi? Shimbu liji mulituhuka mu kanwa lia mwanangana afukile meso ja Hamane.

Alevi 18:9

Kanda ufukula ndumbwe, mwana wa tatenu, hanji mwana wa noko, apwe wa kusemuka mu zuwo, apwe wa kusemuka kweka.

Shimbi 27:22

Kashingiwa mutu yoze mapomba ni ndumbwenyi, mwana wa pwo wa tato, chipwe mwana wa pwo wa naye. Atu eswe até ngwo, Amene.

Akwa Kuyula 20:5

Malunga a Ngibia yangukatukila, yanguseleka mu zuwo ha ufuku. Yamba angushihe yami, *konkubina yami yamuvulumiona chocho hafwa.