2 Samuel 13:12 - MUKANDA USANDU WA ZAMBI 1975

¹² Iye yamukumbulula ngwenyi, Hi chocho ko ndumbwami, kanda unguvulumuna ni tachi, mumu keshi kulinga chuma chipwa haha mu Izalele. Kanda ulinga uhepuke uno.

Mukanda Wa Zambi 1970

¹² Tamara ngwenyi: “Ka, ndumbwami, kanda ungukwata ni tachi! Mumu keeshi kuchilinga muno mu Israele! Kanda Ulinga uhepuke uno!

2 Samuel 13:12 Iomraidhean Croise

Ubutukilo 34:2

Mba Shekeme mwana wa Hamore Ka-Hevwe mwanangana wa chifuchi yamumona, yamwanda, yapomba nenyi nikumukolesa sonyi.

Ubutukilo 34:7

Ana ja Yakomba yakatuka mu yambu muze hachivwa. Hevwa wuli wunji, kanatenuka mumu halinga uhepuke mu Izalele ha kupomba ni mwana wa Yakomba, chumacho keshi kuchilinga.

Yishima 7:7

Namwene hakachi ka yizuzuke, natalile hakachi ka ana a malunga umwe mukweze keshi mbunge.

Jeremia 29:23

Mumu halinga uhepuke mu Izalele; halinga utanji ni mapwo ja akwo, hanahanjika mu jina liami maliji a mahuza aze chaatumine. Yami ngunachinyingika ni yami nguli chela. Chocho kanambe Yehova.

Alevi 18:11

Kanda ufukula mwana wa pwo wa pwo lia tatenu yoze hamusema kuli tatenu, se hapwa ndumbwe.

Alevi 18:9

Kanda ufukula ndumbwe, mwana wa tatenu, hanji mwana wa noko, apwe wa kusemuka mu zuwo, apwe wa kusemuka kweka.

Alevi 20:17

Nyi lunga manda ndumbwenyi, mwana wa tato, hanji mwana wa naye, akamone uselesele wenyi ni ndumbwenyi mamona uselesele wa lunga, acho chuma cha sonyi. Akaateteho kwe kumeso ja atu jo mumu hafukula uselesele wa ndumbwenyi. Kashika akambate uhenge wenyi.

Shimbi 22:21

ahetese mwana-pwo ku chikolo cha zuwo lia tato, malunga a limbo lienyi amwase mawe, hanga afwe, mumu te iye hanalingi uhepuke mu Izalele, hapwa chikoi mu zuwo lia tato. Chocho munukatwisa che chipi mukachi kenu.

Shimbi 22:29

mwe lunga wapomba nenyi ahane kuli tato ya mwana-pwo makumi atano a shekele ja prata, apwe mukwo-pwo, mumu te hamulelesa. Kanda akamwecha matangwa jenyi eswe.

Akwa Kuyula 19:23

Lunga, mwe mwata wa zuwo yatuhuka, yamba kuli ayo ngwenyi, Hi chocho ko akwetu, kanda nulinga ungulungulu upwa haha. Se hanjila mu zuwo liami kanda nulinga chuma chino chipi.

Akwa Kuyula 20:6

Ami nanjile *konkubina yami yingumuteta yipinji, yingumutuma ndusu chifuchi cheswe cha chihinga cha Izalele, mumu halinga luchisa ni uhulu mu Izalele.