2 Samuel 13:1 - MUKANDA USANDU WA ZAMBI 1975

¹ Kulutwe lia yino yuma Absalome mwana David te kali ni umwe ndu mbwenyi mupema chikolo, jina lienyi Tama, ni Amnone mwana David wamuzangile.

Mukanda Wa Zambi 1970

¹ Absalome, mwana wa mwanangana David, yabwa ni ndumbwenyi mubema kuhiana, Tamara, te kanda achiya ku ulo. Amnone, mwana mukwo wa mwanangana, yazanga Tamara kuhiana.

2 Samuel 13:1 Iomraidhean Croise

Ubutukilo 29:18

Yakomba wazangile Rakele. Yamba ngwenyi, Mungukulingila miaka shimbiali ukangwehe Rakele mwané wa kanuke.

Ubutukilo 29:20

Yakomba yalinga milimo miaka shimbiali akambate Rakele. Yapwile kuli iye ngwe matangwa akehe mumu ha zango amuvwilile.

Ubutukilo 34:3

Mbunge yenyi yalalaminyine kuli Ndina mwana wa Yakomba. Wazangile mwe mwana-pwo, wahanjikile ni vumbi kuli iye.

Ubutukilo 6:2

ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

2 Samuel 11:2

Ha ngoloshi David yakatuka ha muhela wenyi, yaya nikwolola molu ha fulumba lia zuwo lia mwanangana. Ku fulumba yamona pwo umwe kanasane. Mwe pwo te mupema chikolo ku meso.

2 Samuel 13:15

Mba Amnone yamuvwila kupiha chahiana chikolo. Kupiha chize amuvwilile chahianyine zango lize amuzangile nalio hatangu. Amnone yamwamba ngwenyi, Katuka! Yako!

2 Samuel 13:2

Ha kulifwita mu mbunge hali ndumbwenyi Tama, Amnone wayijile. Mumu chapwile chikalu kuli Amnone kumulinga chuma chipi se iye *virgem.

2 Samuel 14:27

Absalome wasemene ana atatu a malunga, wa pwo umuwika, jina lienyi Tama, iye te chileza.

1 Yitanga Ya Mianangana 11:1

Mwanangana Solomone wazangile mapwo anji eka ni eka, hamuwika ni mwana wa Falau. Mapwo ja A-Moape, ni A-Amone, ni A-Endome, ni A-Sendone, ni A-Hete.

1 Sango Ja Mianangana 3:2

wamuchitatu Absalome, mwana Maka, mwaha Talamai, mwanangana wa Ngeshure; wamuchiwana Adonija, mwana Hagita;

1 Sango Ja Mianangana 3:9

Wano eswe te ana a David a malunga helu lia ana ja *akonkubina; Tama ndumbwo.

Yishima 31:30

Vumbi kuliakulionga, ni upeme wa kumeso wapwa wamokomoko, alioze pwo yoze wavwila woma Yehova, mamuhalisa.

Yishima 6:25

Kanda wivwa usolo wa kupema chenyi mu mbunge ye; kanda umutayiza kukukwata ni meso jenyi;