2 Samuel 12:9 - MUKANDA USANDU WA ZAMBI 1975

⁹ Kuchi te hiwalelesa liji lia Yehova ukalinge chize chamupihila? Uriya Ka-Hete hiwamushihisa ni katana. Hiwatambula mukwo-pwo akapwe pwo lie. Iye te wamushihisa ni katana ka A-Amone.

Mukanda Wa Zambi 1970

⁹ Mba kuchi kevwe wakolema Shimbi jami? Mumu yika hiwalinga chibi chino? Hiwashiha Uria mu jita, hiwamukunjika kuli Aamone akamushihe, hiwatambula pwo lienyi.

2 Samuel 12:9 Iomraidhean Croise

2 Samuel 11:4

David yatuma tunganda, yamutambula, mba yanjila, yapomba nenyi (mumu pwo te halipemesa ku kupiha chenyi), mba yahiluka ku zuwo lienyi.

2 Samuel 12:10

Kashika, katana kechi kukatuka ku zuwo lie, mumu hiwangulelesa, hiwambata pwo lia Uriya Ka-Hete.

2 Samuel 16:7

Shimei yatukatuka David ngwenyi, Katukako! Katukako! Ena lunga wa manyinga; lunga wamokomoko.

1 Yitanga Ya Mianangana 15:5

mumu David walingile chipema kumeso ja Yehova. Kapiasukile ku shimbi niyimwe wamwambile miaka yeswe ya mwono wenyi, shina mu chikuma cha Ka-Hete Uriya.

1 Yitanga Ya Mianangana 21:19

Muwamba kuli iye ngwe, Yehova kanambe ngwenyi, Mba washiha, wazuka nyi? Mba muwamba nawa ngwe, Yehova kanambe ngwenyi, Kuma kuze kwene tuwa halesa manyinga a Nabote kwenako makalesa manyinga a yena mwene.

2 Sango Ja Mianangana 33:6

Wapalikishile ana jenyi mu kahia mu chikulo cha mwana wa Hinome. Walingile nawa yuma ya munanyi, ni ya umbanda, ni ya wanga; wayile kuli akwa mahamba ni akwa tufutafuta. Walingile yipi yinji kumeso ja Yehova kumwihia ku utenu.

Miaso (Masamu) 51:14

Zambi, Zambi ya ulamwino wami, ungupulule ku mutonga wa manyinga, mba limi liami mulikembila ululi we ni liji linene.

Miaso (Masamu) 51:16

Mumu kwawahililile ni yitapo, kachi yami nakwahayo. Kwevwile chiseke cha milambu ya kulumba.

Miaso (Masamu) 51:4

Yena, yena wika, nakuvulumwine, nikulinga chuma chino chipi kumeso je. Hanga ukasambe muze muhanjika; ukatome muze mupatula.

Miaso (Masamu) 90:8

Hiunase uhenge wetu kumeso je; milonga yetu ya kuhengama yinasoloka mu pangu lia meso je.

Yishima 14:2

Yoze wakwenda ni ululi wenyi kali ni woma wa Yehova; alioze mukwa kupiya mu ndako jenyi kakumulelesa.

Izaya 5:24

Kashika chizechene ngwe mulengi wa kahia kuwakulalisa mwambu umu, chizechene ngwe mwambu umu muunonga mu mulengi, chocho muji wo muupwa kupola, ni yitemo yo muyihehuka ngwe fufuta. Mumu hanalitunu shimbi ya Yehova-wa-Tujita, hanalelesa liji lia mwe Musandu wa Izalele.

Jeremia 18:10

nyi muulinga chipi kumeso jami kuwapanjikile ku liji liami, mba mungwalumuka ku chipema chize namba kuulinga.

Amose 2:4

Yehova kanambe ngwenyi, Mumu ha milonga yitatu ya Yunda hanji yiwana, chichi kahilwisa kastigu, mumu halituna shimbi ya Yehova kafungile yiyulo yenyi. Yuma yo ya kwonga hiyinaapiangula, yize tulamba two endele nayo.

1 Samuel 15:19

Kuchi te kwononokene ku liji lia Yehova? Kuchi te wapunjile upite nikulinga chuma cha kupihila Yehova?

1 Samuel 15:23

Mumu kukolema kuchapwa ngwe mulonga wa umbanda, ni upama kuwapwa ngwe uhenge ni kukombelela. Ena hiunalitunu liji lia Yehova; kashika aye hanalitunu yena. Kuchi kupwa mwanangana.

1 Samuel 15:26

Samuel yamba kuli Saulu ngwenyi, Chichi kuya ni yena se hiunalitunu liji lia Yehova, ni Yehova hanalitunu yena. Kuchi kupwa mwanangana wa Izalele.