2 Samuel 12:31 - MUKANDA USANDU WA ZAMBI 1975

³¹ Yachizamo atu aze apwilemo nikwasela ku selalo, ni ku yikungo ya kulima nayo, ni ku njimbu ja utale, nikwalingisa ku utengelo wa tijolo. Chocho walingile ku yihunda yeswe ya A-Amone. Mba David ni atu eswe yahiluka ku Yerusaleme.

Mukanda Wa Zambi 1970

³¹ Yanda akwa limbo, yaashinjika ni tachi kulinga milimo ni poko ja mabaya, ni matemo, ni njimbu, yaashinjika ni tachi kulinga briki (tujolo). Mwanangana yalinga nawa chizechene ni atu a mu membo akwo ja Aamone. Mba yahiluka ni tujita twenyi ku Yerusaleme.

2 Samuel 12:31 Iomraidhean Croise

2 Samuel 8:2

Yalamba A-Moape. Yaapombesa hashi nikwafunjikila mufunda. Yafunjika mifunda yiali ya kushiha, ni mufunda wa muwundu wa kufunga ni mwono. A-Moape yalumuka ngamba kuli David. Yamunehena milambu.

1 Sango Ja Mianangana 20:2

David yachiza chipangula ku mutwe wa mwanangana wo; kuma, chapwile cha *talentu yimuwika ya oru ni mawe a ndando yilemu apwilemo nawa. Yachisa ha mutwe wa David mba iye yachiza upite ku chihunda, chahiana kulumbama.

1 Sango Ja Mianangana 20:3

Yachiza nawa atu aze apwilemo nikwasela ku selalo, ni sharua, ni njimbu. Chocho David yalinga ku yihunda yeswe ya A-Amone. Mba David ni atu eswe yahiluka ku Yerusaleme.

Jeremia 43:9

ngwenyi, Anda mu moko je mawe anene, ukaavumbike mu ndambo ya mawe ku unjililo wa zuwo lia Falau mu Tafane, kumeso ja malunga ja A-Yunda.

Amose 1:13

Yehova kanambe ngwenyi, Mumu ha milonga yitatu ya A-Amone hanji yiwana, chichi kahilwisa kastigu, mumu yahangula mapwo tufumba mu Ngiliate hanga akatohese manjiza jo.

Amose 1:14

Chocho mungukawika kahia mu chipanga cha Raba, mukalalisa mbonge jenyi, ni kulikumbukila ha tangwa lia jita, ni kangonga ha tangwa lia chijimbi.

Amose 1:3

Yehova kanambe ngwenyi, Mumu ha milonga yitatu ya Ndamaseku, hanji yiwana, chichi kahilwisa kastigu, mumu hanazungula Ngiliate ni chikungo cha utale.

Hebreu 11:37

aashile mawe, aaselalile mukachi, aazezele, aashihile ni katana; endanganyine mu malambu ja mapanga, mu malambu ja pembe, akwa kuhona, aapinjishile, aalingile chipi,

Yoshua 10:15

Henaho Yoshua yahiluka, yeza ku chilombo ku Ngilingali ni A-Izalele eswe hamwe nenyi.