2 Samuel 12:24 - MUKANDA USANDU WA ZAMBI 1975

²⁴ David yalembejeka mukwo-pwo Bate-Shipa, yanjila kuli iye, yapomba nenyi, yasema mwana wa lunga. Iye yamuluka ngwenyi, Solomone. Yehova wamuzangile,

Mukanda Wa Zambi 1970

²⁴ Mwanangana David yalembejeka mukwo pwo Batsheba. Yalimona nenyi, neye yasema mwana wa lunga. Yamuluka jina ngwenyi, Solomone. Mwene Zambi yazanga mwe mwana,

2 Samuel 12:24 Iomraidhean Croise

2 Samuel 12:25

mba watumine ku kwoko lia Natane mwe profeta, yamuluka Jededia mumu ha mukunda wa Yehova.

2 Samuel 5:14

Majina ja waze asemene mu Yerusaleme wano: Shamua, ni Shobabe, ni Natane, ni Solomone,

2 Samuel 7:12

Muze matangwa je hamanunuka hiwaya tulo, hiwaya kuli tulamba twe, kulutwe mungukakolesa mukwa munyachi we yoze wamusema, mungukakolesa wanangana wenyi.

1 Yitanga Ya Mianangana 1:10

Ahoze kalakenyene profeta Natane, ni Benaia, ni malunga a ndundo, ni mwanakwo Solomone.

1 Yitanga Ya Mianangana 1:11

Mba Natane yamba kuli Bate-Shipa naye ya Solomone ngwenyi, Kanda uchivwa ngwo Adonija, mwana Hagita, hapwa mwanangana ni mwene wetu David kachinyingikine?

1 Sango Ja Mianangana 29:1

Mwanangana David yamba ku chikungulwila cheswe ngwenyi, Mwanami Solomone, wa kutongola ukawenyi kuli Zambi achili mukweze, kanda akola, ni milimo yino yinene chikolo mumu zuwo lino hi lia mutu ko alioze lia Yehova Zambi.

1 Sango Ja Mianangana 3:5

David wasemene wano mu Yerusaleme: Shimea, ni Shobabe, ni Natane, ni Solomone, awana, ana a Mbate-Shua, mwana Amiele;

Nehemia 13:26

Ngwami, Solomone mwanangana wa Izalele wavulumwine ni wano. Hakachi ka mavungu anji kukwapwile mwanangana walita nenyi. Zambi yenyi wamuzangile, ni Zambi wamupwishile mwanangana wa A-Izalele eswe. Hindu chipwe chocho mapwo yilambala amuvulumwishine.

Yishima 4:3

Napwile nguli mwana kuli tata. Napwile mwovu, ni yami wika anguzangile kuli mama.

Mateu 1:6

Yese wasemene mwanangana David. Mwanangana David wasemene Solomone kuli yoze wapwile kunyima pwo lia Uriya;

Shimbi 33:12

Ha kutwala kuli Mbenjamine yamba ngwenyi, Iye kamuzanga kuli Yehova, hakamwihi nenyi makatwama kawape. Makamufuka tangwa lieswe nganganga. Iye makatwama hakachi ka yipaya yenyi.