2 Samuel 12:22 - MUKANDA USANDU WA ZAMBI 1975

²² Iye yamba ngwenyi, Shimbu mwana achili ni mwono nalilile ni kulitwamina kulia mumu nambile ngwami, Kwiji, hanji Yehova manguvwila vumbi, mwana atwame ni mwono.

Mukanda Wa Zambi 1970

²² Mwanangana ngwenyi: “Chenacho, nalilile ni kujila kulia muze te mwana uchili ni mwono. Yingunyonga ngwami, hanji Mwene Zambi manguvwila kama keke, mwana kechi kufwa,

2 Samuel 12:22 Iomraidhean Croise

2 Samuel 12:21

Tuvumbi twenyi ambile kuli iye ngwo, Chuma chino nwalinga, kuchi chinalumbunuka? Nwalilile ni kulitwamina kulia mumu hali mwana shimbu achili ni mwono. Alioze muze hafwa hinwakatuka, hinwalia.

1 MIANANGANA 20:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

Izaya 38:5

Hiluka nawa wambe kuli Hezekia ngwe, Yehova kanambe, mwe Zambi ya kalamba ke David ngwenyi, Hinevwa kulemba che, hinamona masoji je, munguweza ku matangwa je kumi lia miaka ni miaka yitano.

Joele 1:14

Liselenu tangwa lisandu lia kulitwamina kulia. Tambikenu chikungulwila chilemu. Kungululenu makulwana ni akwa chifuchi eswe ku zuwo lia Yehova Zambi yenu, nukatete kuli Yehova.

Joele 2:14

Iya kananyingika? Hanji malumuka nikulikonyeka, nikuhichika chiwape chimwe kunyima yenyi; chipwe mulambu wa wunga, hanji mulambu wa kunwa kuli Yehova Zambi yenu.

Amose 5:15

Vwilenu lwaji yuma yipi; zangenu yuma yipema kolesenu upatwilo wa ululi mu chota. Hanji Yehova Zambi-ya-Tujita mavwila vumbi masalila ja José.

Yona 1:6

Kashika mwata wa wato yeza kuli iye, yamba kuli iye ngwenyi, Ena mukwa tulo, kuchi unevu? Katuka utambike kuli Zambi ye. Hanji Zambi matunyonga kutuchi kutoka.