2 Samuel 12:20 - MUKANDA USANDU WA ZAMBI 1975

²⁰ Mba David yakatuka ha mavu, yasana, yalikwita maji, yazala mazalo eka, yanjila mu zuwo lia Yehova yawayila. Mba yaya ku zuwo lienyi. Muze heta kuli ayo yamwaha kulia, yalia.

Mukanda Wa Zambi 1970

²⁰ Neye yahinduka hashi, yasana meya, yawaya maji, yazala mahina abema, mba yaya ni kuwayila mu zuwo lia Mwene Zambi. Muze hahiluka mu zuwo lienyi, yeta yakulia, muze haayilulika, yalia.

2 Samuel 12:20 Iomraidhean Croise

2 Samuel 12:19

David yamona tuvumbi twenyi kanaliswaswata hakachi ko, yanyingika ngwenyi, Mwana hafwa. Mba David yamba kuli tuvumbi twenyi ngwenyi, Mwana hafwa, nyi? O ngwo, Ewa, hafwa.

2 Samuel 12:21

Tuvumbi twenyi ambile kuli iye ngwo, Chuma chino nwalinga, kuchi chinalumbunuka? Nwalilile ni kulitwamina kulia mumu hali mwana shimbu achili ni mwono. Alioze muze hafwa hinwakatuka, hinwalia.

2 Samuel 14:2

Kashika Joabe yatuma ku Tekoa yasaka umwe pwo mukwa mana. Yamba kuli iye ngwenyi, Ulionge kama kupwa ngwe umwe wafwisa mutu. Zala kama mazalo a tuliwa. Kanda ulikwita maji alioze pwako ngwe umwe halinyengena mufu shimbu linene.

2 Samuel 19:24

Mefiposhete mwana Saulu Yapalumuka mukupatwiza mwanangana. Chize ku tangwa lize mwanangana wakatukile ndo tangwa lize ahilukile ni sambukila ku zuwo lienyi Mefiposhete kasanyine ku molu, chipwe wevu kaululikile, chipwe mazalo jenyi kaakosele.

2 Samuel 6:17

O yaneha mushete wa Yehova; yausa muma mwawo muchima lia mbalaka yize David hanautungila. David yalambula milambu ya kulumba ni milambu ya sambukila kumeso ja Yehova.

2 Samuel 7:18

Mba mwanangana David yanjila, yatwama kumeso ja Yehova. Yamba ngwenyi, Mwene Yehova kuchi napwa yami, hanji munyachi wami kuchi wapwa wanguneha ndo kuno?

Jobe 1:20

Aho Jo yakatuka; yapula mazalo jenyi; yalitewula kawewe; yafulamana hashi ni kuwayila ngwenyi,

Jobe 2:10

Alioze Jo yamba kuli iye ngwenyi, Unahanjika ngwe umwe hakachi ka yihepuke ja mapwo mahanjika. Te mututambula yipema ku kwoko lia Zambi, mba yipi kanda tuyitambula nyi? Mu yino yeswe Jo kavulumwine ni kanwa lienyi.

Miaso (Masamu) 103:1

Mbunge yami, fumanyisa Yehova. Yize yeswe yili muchima liami fumanyisa jina lienyi lisandu.

Miaso (Masamu) 103:8

Yehova kazala tò ni keke ni vumbi; iye makoke kutenuka, utu wa zango lienyi kuwalumbama.

Miaso (Masamu) 39:9

Napwile kamama, chapakwile kanwa liami mumu yena wachilingile.

Miaso (Masamu) 95:6

Tatuyenu tukawayile nikulihetamisa. Tukafukame kumeso ja Yehova Tangi yetu.

Yishima 3:7

Kanda ulimona mukwa mana kuhiana; pwako ni woma wa Yehova ukatewuluke ku yipi.

Longeshi 9:8

Mazalo je akatome matangwa eswe; kanda uhona maji ha mutwe we.

Mateu 6:17

Alioze yena muze mulitwamina kulia, wayisa mutwe we, usane ku meso je;

Luka 7:46

Mutwe wami ni yitumbo kwauwayishile, alioze iye hawayisa yiliato yami ni yitumbo.

Rute 3:3

Sana, ulikwichile maji ukazale mazalo je apema, ukaye ku chizungwilo alioze kanda ulisolola kuli mwe lunga ndo hamana kulia ni kunwa.

1 Samuel 15:25

Kashika, haliapwila ngunaliumbu nungukonekene mulonga wami nwize ni yami hanga ngukawayile Yehova.

1 Samuel 15:31

Kashika Samuel yakaula Saulu mba Saulu yawayila Yehova.