2 Samuel 12:16 - MUKANDA USANDU WA ZAMBI 1975

¹⁶ David walembelele mwana kuli Zambi. David kalile. Wanjilile nikupomba ha mavu ufuku weswe.

Mukanda Wa Zambi 1970

¹⁶ Mwanangana yalemba kuli Zambi hanga mwana ahinduke. Yajila kulia, matangwa eswe ufuku yanjila mu zuwo lienyi, yabomba hashi.

2 Samuel 12:16 Iomraidhean Croise

2 Samuel 12:15

Mba Natane yaya ku zuwo lienyi. Yehova walambile mwana yoze David wasemene ni pwo lia Uriya. Wayijile chikolo.

2 Samuel 12:22

Iye yamba ngwenyi, Shimbu mwana achili ni mwono nalilile ni kulitwamina kulia mumu nambile ngwami, Kwiji, hanji Yehova manguvwila vumbi, mwana atwame ni mwono.

2 Samuel 13:31

Mwanangana yakatuka, yasonya mazalo jenyi, yapomba mu mavu. Ngamba jenyi eswe amanyineko ni mazalo a kusonya.

1 Yitanga Ya Mianangana 21:27

Muze Ahabe wevwile maliji wano yasonya mazalo jenyi, yazala chikeleyi ha mujimba wenyi, yalitwamina kulia, yapomba mu chikeleyi ni kwenda ni vumbi.

Nehemia 1:4

Ha kwivwa maliji ano natwamine hashi nikulila nikulinyenga matangwa lume. Chatambwile kulia; nalembele kumeso ja Zambi ya mwilu,

Estere 4:16

Yako ukungulule A-Yunda eswe a mu Shushane alitwamine kulia hali yami. Kanda alia, kanda anwa matangwa atatu chipwe ufuku chipwe mwalwa. Ni yami ni tuvumbi twami twa mapwo mutulitwamina kulia chizechene mba chocho mungunjila kuli mwanangana. Acho kuchalitele ni shimbi, alioze nyi mungufwa, mungufwa, kwahwa.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 69:10

Muze nalilile, nikufumba mbunge yami nikulitwamina kulia, acho chapwile nawa cha kunguchoka.

Izaya 22:12

Ha tangwa lize Mwene Yehova-wa-Tujita yatambika mutambi wa kulila ni kulishimwoka, ni kulitewula ni kuzala chikeleyi;

Izaya 26:16

Mu lamba lio akufupile yena Yehova, alembelelele ni tachi muze te yena unaafumbu.

Daniel 6:18

Mba mwanangana yaya ku zuwo lienyi, yapalikisa ufuku weswe ni kulitwamina kulia; kamunehenene yisaji ya miaso; tulo kaamwene.

Daniel 9:3

Mba natalikishile meso jami kuli Mwene Zambi kumufupa ha kulemba ni kuliumba hamwe ni kulitwamina kulia ni yikeleyi ni uto.

Yona 3:9

Iya unanyingika? Hanji Zambi malumuka alikonyeke, atewuluke ku utenu wenyi usasu, ni yetu kutuchi kukuwa.

Yilinga 9:9

Iye wapwile matangwa atatu keshi meso, kalileko, chipwe kanwineko.

Yoshua 7:6

Mba Yoshua yasonya mazalo jenyi, yafulamana hashi kumeso ja mushete wa Yehova ndo chingoloshi, ni iye ni makulwana a Izalele. Yasa nawa mavu ha mitwe yo.