2 Samuel 12:13 - MUKANDA USANDU WA ZAMBI 1975

¹³ David yamba kuli Natane ngwenyi, Yehova hinamuvulumuna. Natane yamba kuli David ngwenyi, Yehova hakuchiza mutonga we. Kuchi kutwa.

Mukanda Wa Zambi 1970

¹³ Mwanangana yamba ngwenyi: “havulumuna Mwene Zambi.” Mukwa munanyi yamukumbulula ngwenyi: “Mwene Zambi hakukonekena, kuuchi kufwa.

2 Samuel 12:13 Iomraidhean Croise

Ubutukilo 39:9

Niumwe wanguhiana mu zuwo, wakuhi. Kanguminyine nichimwe chuma shina yena wika, se uli pwo lienyi. Kuchi munguhasa kulinga ungulungulu upwa haha nikuvulumuna Zambi?

2 Samuel 24:10

Alioze muze hanalula atu mbunge ya David yiyimuhisa. David yamba kuli Yehova ngwenyi, Hinavulumuna chikolo ha kulinga chuma chino, alioze haliapwila ngunalembe, Yehova, Chiza uhenge wa yami kavumbi ke, mumu nalinga ni uhepuke wunji.

2 Samuel 24:17

Ha kumona mungelo yoze unalambe atu David yamba kuli Yehova ngwenyi, Hingunavulumuna! Hingunalingi ni kupiya. Alioze wano mapanga yika alingile? Ngunalembe, kwoko lie likalimike ni yami ni munyachi wa tata.

1 Yitanga Ya Mianangana 13:4

Ha kwivwa liji lia mwe mutu wa Zambi lize ambile lia kulimika ni chilumbilo mu Mbetele mwanangana Jeroboame yazoza kwoko lienyi ku chilumbilo ngwenyi, Mukwatenu! Alioze kwoko lienyi lize azozele yilisosewa, kahashile kulihilwisa nawa.

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

1 Yitanga Ya Mianangana 22:8

Mwanangana wa Izalele yamba kuli Yehosofate ngwenyi, Kwali mutu umuwika mutuhasa kumuhula liji lia Yehova, Mikaia mwana Imala alioze kole ngunamuvwila mumu kakuprofeteza chipi hali yami hi chipema ko. Yehosofate ngwenyi, Kanda wambamo mwanangana.

1 MIANANGANA 1:9

Henaho mwanangana yatuma kuli iye kapitau ka makumi atano ni makumi jenyi atano. Yaya kuli iye, yamuwana hatwama ha mulundu. Yamba kuli iye ngwenyi, Ena mutu wa Zambi, mwanangana ngwenyi, Palumukako.

1 Sango Ja Mianangana 21:8

Mba David yamba kuli Zambi ngwenyi, Mulonga unene hinavulumuna ha kulinga chuma chino. Kashika ngunalembelela Uchize kama uhenge wa yami kavumbi ke mumu hinalinga uhepuke.

2 Sango Ja Mianangana 16:10

Asa yatenuka ni mwe mukwa kumona, yamusa mu zuwo lia ususu. Wamuvwilile ufwatulo ha chikuma chino. Asa yapinjisa amwe hakachi ka e atu nawa ha matangwa aze.

2 Sango Ja Mianangana 25:16

Shimbu machihanjika nenyi, mwanangana yamba kuli iye ngwenyi, Te hitwakupwisa kaliamanga ka mwanangana? Holako! Nyi unazange akulambe? Kashika profeta yahola. Yamba ngwenyi, Ngunanyingika Zambi kanapale kukwonwona mumu hiwalinga chino, kusolo kupanjika ku chiyulo chami.

Jobe 33:27

Memba kumeso ja atu ngwenyi, Navulumwine; nahengesele chize Chinalulama, alioze kangufweteselelecho.

Miaso (Masamu) 103:12

Chize wapwa usuku wa Chivumbuko ndo ku Chitokelo, chocho wahandununa kuli yetu Utanguko wetu.

Miaso (Masamu) 51:16

Mumu kwawahililile ni yitapo, kachi yami nakwahayo. Kwevwile chiseke cha milambu ya kulumba.

Miaso (Masamu) 51:4

Yena, yena wika, nakuvulumwine, nikulinga chuma chino chipi kumeso je. Hanga ukasambe muze muhanjika; ukatome muze mupatula.

Miaso (Masamu) 51:6

Pundu yena wakuzanga umwenemwene mu michima. Mukangulongesa mana muze mwahengama.

Kutuhuka 9:27

Falau yatuma, yasanyika Mose ni Arone, yamba kuli ayo ngwenyi, Musono navulumuna. Yehova iye mukwa ululi. Yami ni atu jami tuli yingulungulu.

Yishima 25:12

Mukwa mana yoze mahana liji lia kukanjisa mu twitwi lia kwononoka kapwa ngwe kazeya ka oru, hanji chuma cha uhenya cha oru yipema.

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Izaya 38:17

Kumanyi usasu wami wapwile wa kungukwasa. Ena hiwapulula mwono wami ku jondo ya kwonwona, mumu hiwambila milonga yami kunyima ye.

Izaya 43:24

Kunwangulanjilile ni mbongo mishachi yiyema. Kunwangukuchishile ni maji a milambu yenu. Alioze enu nwanguvwisa kulema ni milonga yenu, nwangukatalisa ni uhenge wenu.

Izaya 44:22

Hinajimuna utanguko we ngwe lelwa. Hinajimuna milonga ye ngwe mbundu. Hiluka kuli yami mumu nakukulile.

Lungungu 3:32

Chipwe mavwisa chinyengo, hindu mapwa ni keke nikulita ni kulumbama cha utu wenyi wa zango.

Alevi 20:10

Nyi umwe lunga malinga utanji ni pwo lia mukwo, eswe ni aali, lunga ni pwo, akaashihe.

Alevi 24:17

Yoze mashiha mutu, neye akamushihe,

Zakaria 3:4

Mungelo yamba kuli waze anamana kumeso jenyi ngwenyi, Muzulenu mazalo wano a luchisa. Mba yamba kuli iye ngwenyi, Tala hinakuchiza uhenge we; mungukujika ni mazalo a ndando yinene.

Mateu 14:10

Kashika watumine akatape Yoano mu zuwo lia ususu.

Luka 15:21

Mba mwanenyi wambile kuli iye ngwenyi, Tata, hingunavulumuna mwilu, ni kumeso je; kuchatele nawa kunguvuluka mwané.

Luka 18:13

Alioze mukwa kufwetesa lijimu kanamana kusuku, katayile chipwe kuhetula meso jenyi kwilu, alioze walambile ha pambo lienyi, nikupihilila, ngwenyi, Zambi, nguvwile kama keke, yami mwe chivulumunyi.

Yilinga 2:37

Achi, muze evwile chino alichokele mu mbunge, o ambile kuli Petulu ni apostolo ngwo, Mandumbu, kuchi mutulinga?

Hebreu 9:26

Nyi chocho, chamutamba kwivwa lamba kanji kanji chize ku kusela cha fundamentu ya hashi: aiioze haliapwila kamuwika ha kumanunuka cha miaka hanamusolola hanga akachize shili ha kulihana chitapo iye mwene.

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

1 Samuel 15:20

Saulu yamba kuli Samuel ngwenyi, Alioze hinononoka ku liji lia Yehova. Hinenda mu jita yize Yehova wangutumine. Hinaneha Agage mwanangana wa A-Amaleke, nikunongesa liakulu A-Amaleke.

1 Samuel 15:30

Mba Saulu yamba ngwenyi, Hingunavulumuna, hindu, nungulemese kama haliapwila kumeso ja makulwana a atu jami ni kumeso ja A-Izalele. Hilukenu nwize ni yami ngukawayile Yehova Zambi yenu.