2 Samuel 12:1 - MUKANDA USANDU WA ZAMBI 1975

¹ Yehova watumine Natane kuli David. Iye yaheta, yamba ngwenyi, Kwapwile malunga aali mu chihunda chimuwika; mukwo pichi, mukwo chiswale.

Mukanda Wa Zambi 1970

¹ Mwene Zambi yatuma mukwa munanyi Natane kuli mwanangana David. Yamwamba ngwenyi: “Mu chihunda chimwe mwabwile amwe malunga aali, umwe pichi, mukwo chiswale.

2 Samuel 12:1 Iomraidhean Croise

2 Samuel 11:25

Mba David yamba kuli kanganda ngwenyi, Amba kuli Joabe ngwe, Chuma chino kanda chikupihila, mumu katana kakulia hanji au hanji mukwo. Kolesa jita ku chihunda ukachipupe. Ni yena umutakamise nawa.

2 Samuel 12:2

Pichi te kali ni mapanga, ni pembe, ni ngombe.

2 Samuel 14:14

Mumu chatutamba kufwa. Tuli ngwe meya aze anamwangana hashi keshi kuhasa kwaanda nawa. Chipwe Zambi keshi kuchiza mwono alioze kakululika shimbi, keshi kumbila liakulu yoze hamuhuma.

2 Samuel 7:17

Natane yahanjika maliji wano eswe kuli David nikulita ni usolwelo uno weswe.

1 Yitanga Ya Mianangana 1:8

Alioze sasendote Zadoke, ni Benaia mwana Jehoiada, ni profeta Natane, ni Shimei, ni Rei, ni malunga a ndundo a David kapwile hamwe ni Adonija.

1 Yitanga Ya Mianangana 13:1

Umwe mutu wa Zambi yakatuka ku Yunda eze ku Mbetele nikulita ni liji lia Yehova. Jeroboame te kanamana ku chilumbilo mukwocha insensu.

1 Yitanga Ya Mianangana 18:1

Kulutwe lia matangwa anji liji lia Yehova yiliza kuli Eliya mu mwaka wamuchitatu ngwenyi, Yako usoloke kuli Ahabe mba mungutuma vula hashi.

1 Yitanga Ya Mianangana 21:18

Katuka upatwize Ahabe mwanangana wa Izalele yoze uli ni zuwo lienyi mu Samaria. Mu munda wa uva wa Nabote ali hanayi kuutambula.

1 Yitanga Ya Mianangana 4:5

Azaria mwana Natane aye helu lia tupita. Zabude mwana Natane aye sasendote ni chikwo nawa sepa lia mwanangana.

1 MIANANGANA 1:3

Alioze mungelo wa Yehova yamba kuli Eliya Ka-Tishibe ngwenyi, Katuka upatwize mikeji ja mwanangana wa Samaria wambe kuli ayo ngwe, Nunayi kuli Mbale-Zepupe, zambi ya Ekrone, mumu mwe Zambi wakuhi mu Izalele, nyi kuchi?

1 Sango Ja Mianangana 29:29

Yitanga ya mwanangana David yitangu ni yasula hanayisoneka mu mukanda wa mukwa kumona Samuel, ni mu mukanda wa profeta Natane, ni mu mukanda wa mukwa kumona Ngate,

Izaya 39:3

Henaho profeta Izaia yeza kuli mwanangana Hezekia ngwenyi, Wano malunga yika ambile? Kulihi akatukile heza kuli yena? Hezekia yamba ngwenyi, Akatukile ku chifuchi kusuku, ku Babilonia.