2 Samuel 11:2 - MUKANDA USANDU WA ZAMBI 1975

² Ha ngoloshi David yakatuka ha muhela wenyi, yaya nikwolola molu ha fulumba lia zuwo lia mwanangana. Ku fulumba yamona pwo umwe kanasane. Mwe pwo te mupema chikolo ku meso.

Mukanda Wa Zambi 1970

² Limwe tangwa ha chingoloshi, mwanangana yakatuka ha muhela wenyi, yakanduka ha fulumba. Muze te anendangana ho, yamona umwe pwo kanasane. Te mubema kuhiana.

2 Samuel 11:2 Iomraidhean Croise

Ubutukilo 12:11

Mba muze te hakundama akanjile ku Engitu, yamba kuli mukwo-pwo Serai ngwenyi, Tala, ngunanyingika yena uli chileza ku meso.

Ubutukilo 3:6

Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia.

Ubutukilo 34:2

Mba Shekeme mwana wa Hamore Ka-Hevwe mwanangana wa chifuchi yamumona, yamwanda, yapomba nenyi nikumukolesa sonyi.

Ubutukilo 39:6

Mba Ka-Engitu yahichika yeswe mu kwoko lia José. Kanyingikine yize apwile nayo shina kulia chenyi wika. José wapwile ni mujimba upema, wapemenene ku meso.

Ubutukilo 6:2

ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

2 Samuel 13:1

Kulutwe lia yino yuma Absalome mwana David te kali ni umwe ndu mbwenyi mupema chikolo, jina lienyi Tama, ni Amnone mwana David wamuzangile.

2 Samuel 14:27

Absalome wasemene ana atatu a malunga, wa pwo umuwika, jina lienyi Tama, iye te chileza.

2 Samuel 4:5

Acho Rekabe ni Bana, ana ja Rimone Ka-Mberote, yakatuka, yaya. Mba ha chivukuminya cha tangwa yeza ku zuwo lia Isheboshete shimbu machihwima, tangwa ha muchima.

2 Samuel 4:7

Yanjila mu zuwo shimbu iye kanapombo ha muhela. Yamulamba nikumushiha. Yamutapa mutwe mba yanda we mutwe, yenda ufuku weswe ndusu mu Arapa.

Jobe 31:1

Nakolesele shingo ni meso jami; mba kuchi munguhasa kusa meso jami hali mwana-pwo?

Miaso (Masamu) 119:37

Tewulula kama meso jami, kanda atala yuma yamokomoko, unguhuzulule mu majila je.

Yishima 19:15

Uleya kuwakutwala mutu ku tulo anji; mweswe keshi milimo mevwa zala.

Yishima 31:30

Vumbi kuliakulionga, ni upeme wa kumeso wapwa wamokomoko, alioze pwo yoze wavwila woma Yehova, mamuhalisa.

Yishima 6:25

Kanda wivwa usolo wa kupema chenyi mu mbunge ye; kanda umutayiza kukukwata ni meso jenyi;

Yishima 7:8

Kanapalika ha tapalo hakamwihi ni malindalinda jenyi, mba yaya mu jila ya ku zuwo lienyi,

Jeremia 19:13

Mazuwo a Yerusaleme ni mazuwo ja mianangana ja Yunda maachisa ngwe chihela cha Tofete, mazuwo aze eswe ha mafulumba jo hochela insensu ku mbunga yeswe ya mwilu, ni kuzuza milambu ya kunwa ku mazambi akwo.

Mateu 10:27

Chize ngunambe kuli yenu mu milima, hanjikenu ha mwalwa; chize nunevu mu twitwi, ambujolenu ha mafulumba ja mazuwo.

Mateu 24:17

yoze mapwa helu lia zuwo, kanda akasunuka mukuchiza yuma yize yili mu zuwo lienyi:

Mateu 5:28

alioze yami ngunambe kuli yenu ngwami, Mweswawo matala pwo mukumuvwila usolo, halinga nenyi utanji kulu mu mbunge yenyi.

Yilinga 10:9

Muze hikwacha shimbu wano apwile mu jila, machikundama ku limbo, Petulu wakandukile helu lia zuwo mukulemba, ngwe ha ola amuchisambano:

Shimbi 22:8

Ha kutunga mazuwo aha, munutunga yisakala ha fulumba jenu, kuchina mununeha mutonga wa manyinga ha mazuwo jenu ha kuhotokaho mutu.

Shimbi 5:21

Kanda ukavwila chipululu pwo lia mukwenu, chipwe kanda ukazanga zuwo lia mukwenu, chipwe munda wenyi, chipwe ngamba yenyi wa lunga, chipwe ngamba yenyi wa pwo, chipwe ngombe yenyi, chipwe chimbulu chenyi, chipwe chuma chimwe cha mukwenu.

1 Petulu 4:7

Alioze songo lia yuma yeswe hilinakundama: pwenu ni mana kashika, keyelenu, nukalitumbikile ku kulemba.

1 Yoano 2:16

Mumu yize yeswe yili hano hashi, usolo wa musunya, ni usolo wa meso, ni kulizata cha mwono, hi ya kuli Tata ko, aiioze ya hano hashi.

1 Samuel 9:25

Muze hakatuka ku nangamo heza nawa mu chihunda, yalishimwinya ni Saulu helu lia zuwo.