2 Samuel 11:11 - MUKANDA USANDU WA ZAMBI 1975

¹¹ Uriya yamba kuli David ngwenyi, We mushete, ni A-Izalele, ni A-Yunda, eswe mu yisakila anapombo. Ni mwene wami Joabe ni atu eswe a mwene wami hanase yilombo yo mu yambu, mba yami te munguya ku zuwo liami mukulia ni kunwa ni kupomba ni pwo liami nyi? Ni mwono wenu, ni mwono wa mbunge yenu, chichi kuchilinga.

Mukanda Wa Zambi 1970

¹¹ Uria ngwenyi: “Vulie mwane! Tujita twa Israele ni Yuda kaali mu jita, ni mushete wa Usendo wa Zambi uli hamwe no. Mwene wami Joabe ni tujita twenyi ka eswe kaali haze ha musumba. Kuchi mwane, yami munguhasa kuya ku zuwo liami ni kulia ni kunwa ni kulimona ni pwo liami? Ngunalishingi ni jina lienu ngwami, chahashile kulinga Chuma chize nihakepe!”

2 Samuel 11:11 Iomraidhean Croise

2 Samuel 11:10

Muze hachilweza David ngwo, Uriya kayile ku zuwo lienyi, David yamba kuli Uriya ngwenyi, Ngwami, ku wenyi unakatuka. Kuchi te kwayile ku zuwo lie?

2 Samuel 14:19

Mwanangana yamba ngwenyi, Ngwami, kwoko lia Joabe lili hamwe ni yena mu pande jino jeswe nyi? Pwo yakumbulula ngwenyi, Ni mwono wenu, mwene wami mwanangana, niumwe mahasa kupiasukila ku chindume hanji ku chimeso ku chimwe chuma mwene wami mwanangana hanahanjika. Pundu kavumbi kenu Joabe iye wangutumanga, ni iye nawa wasanga maliji wano eswe mu kanwa lia yami kavumbi kenu.

2 Samuel 20:6

David yamba kuli Abishai ngwenyi, Haliapwila Shipa mwana Mbikiri matupinjisa kuhiana Absalome. Anda atu ja mwene we ukamuhange kuchina manjila mu yihunda ya kukolesa ni yipanga, akomboke kumeso jetu.

2 Samuel 7:2

mwanangana yamba kuli profeta Natane ngwenyi. Tala yami natwama mu zuwo lia sedru alioze mushete wa Zambi watwama mu mbalaka.

2 Samuel 7:6

Chize ku tangwa lize nachijile A-Izalele ku Engitu ndo musono kanda nguchitwama mu zuwo, alioze hinatutujoka mu mbalaka ni mu tabernakulu.

Kwalula 32:6

Mose yamba kuli A-Ngate ni kuli A Rupene ngwenyi, Kuma, usoko wenu maya ku jita nyi, mba yenu munutwama kuno?

Yoano 13:14

Kachi yami, mwe Mwene kanda Longeshi, hinasanyisa yiliato yenu; kachi ni yenu nawa Chanutamba kulisanyisa yiliato ya umwe ni mukwo ni mukwo.

2 Timoteu 2:12

Kachi mutunyongonona mu lamba kachi mutukayula hamwe nenyi nawa: kachi mutulikala iye, kachi iye nawa makalikala yetu.

1 Samuel 1:26

Pwo yamba ngwenyi, Mwata, ni mwono we mwata, yami mwe pwo yoze wamanyine kuno kwene ni yena, nikulemba kuli Yehova.

1 Samuel 14:18

Saulu yamba kuli Ahija ngwenyi, Neha mushete wa Zambi. Mumu mushete wa Zambi ha matangwa aze wapwile hamwe ni A-Izalele.

1 Samuel 17:55

Muze Saulu yamona David kanayi kulimika ni Ka-Filistea yamba kuli Abenere kapitau ka yizavu ngwenyi, Auze mukweze mwana waya? Abenere ngwenyi,. Mwanangana, ni mwono wenu Chanyingikine.

1 Samuel 20:3

Alioze David yalishinga ngwenyi, Tatenu kananyingika kanawa hinawana vumbi kumeso je kashika kananyongo ngwenyi, Jonatas kanda anyingika chino, kuchina mevwa kupiha. Alioze pundu, ni mwono wa Yehova ni mwono wa yena shimbo yimuwika yili hakachi ka yami ni kufwa.

1 Samuel 25:26

Kashika, mwene wami, ni mwono wa Yehova ni mwono wa yenu nawa, se Yehova hananukwika ku uhie wa manyinga nukalikale ni kwoko lia yenu mwene, kashika akwa kole jenu ni waze eswe anazange kulinga chipi kuli yenu mwene wami, akapwe ngwe Nabale.

1 Samuel 4:4

Kashika atumine ku Shilo anehe mushete wa usendo wa Yehova-wa-Tujita yoze watwama hakachi ka akerupimi. Ana aali a Eli, Hofni ni Finehase apwileko hamwe ni mushete wa usendo wa Zambi.