2 Samuel 11:1 - MUKANDA USANDU WA ZAMBI 1975

¹ Mba ha kupalika cha mwaka, ha kakweji wa kuya mianangana ku jita David yatuma Joabe hamuwika ni atu jenyi ni A-Izalele eswe. Yonwona A-Amone mba yaseleka Raba. Alioze David wanamine ku Yerusaleme.

Mukanda Wa Zambi 1970

¹ Ha kakweji wa kunake, muze mianangana akuya ku jita, mwanangana David yatuma mwata Joabe hamwe ni miata a tujita ni e tujita twa Aisraele. No yaakumba Aamone, mba yaalimika ni akwa limbo lia Raba. Alioze mwanangana iye mwene yasala mu Yerusaleme.

2 Samuel 11:1 Iomraidhean Croise

2 Samuel 10:14

Muze A-Amone amwene ngwo, A-Seria hachina, no nawa yachina kumeso ja Abishai, yanjila mu chihunda. Mba Joabe yahichika A-Amone, yahiluka ku Yerusaleme.

1 Yitanga Ya Mianangana 20:22

Mba profeta yakundama kuli mwanangana wa Izalele ngwenyi, Yako ukalitakamise, ukanyame kanawa ni chize mulinga mumu ha kuputuka nawa mwaka mwanangana wa Seria meza nawa kulimika ni yena.

1 Yitanga Ya Mianangana 20:26

Kashika ha kuputuka nawa mwaka Mbene-Hadade yakungulula A-Seria yeza ku Afeke akase jita ni A-Izalele.

1 Sango Ja Mianangana 20:1

Chapwile ha kangonde wa kwalumuka mwaka, haze mianangana ka-kuya ku jita, mba Joabe yatwala tujita nikwenyeka chifuchi cha A-Amone. Yaheta ku Raba; yayiseleka, alioze David yatwama ku Yerusaleme. Joabe yapupa Raba ni kuyikumba.

2 Sango Ja Mianangana 36:10

Ha kwalumuka cha mwaka mwanangana Nabukanezore yatuma, yamutwala ku Babilonia, hamuwika ni yikwachilo yipema ya zuwo lia Yehova. Yapwisa yayo Zedekia mwanangana wa Yunda ni Yerusaleme.

Miaso (Masamu) 60:9

Iya manguneha ku chihunda cha ngolo? Iya mangutwala ku Endome?

Longeshi 3:8

tangwa lia kuzanga, ni tangwa lia kuvwila kole; tangwa lia jita, ni tangwa lia sambukila.

Jeremia 49:2

Kashika Yehova kanambe ngwenyi, Matangwa kaneza muze munguneha mutambi wa jita mu matwi, wa kulimika ni Raba ya A-Amone. Muyalumuka mulumba wa hululu, ni tuyihunda twako matwocha ni kahia, mba henaho Izalele makasalakana waze amusalakanyine. Chocho kanambe Yehova.

Jeremia 49:3

Ena Heshebone, lila mbimbi, mumu Ayi hayenyeka! Litetwokenu, enu mapwo a ku Raba! Zalenu yikeleyi, lishimwoke, ni kulihiza hakachi ka yiputa! Mumu Milikome makaya ku unjize hamwe ni asasendote jenyi ni alemu jenyi.

Ezekiel 21:20

Funjika jila ya kwiza katana ku Raba ya A-Amone, ni ku Yunda, ni ku Yerusaleme, chihunda cha kukolesa.

Amose 1:14

Chocho mungukawika kahia mu chipanga cha Raba, mukalalisa mbonge jenyi, ni kulikumbukila ha tangwa lia jita, ni kangonga ha tangwa lia chijimbi.

Zakaria 14:3

Mba Yehova makatuhuka mukwasa jita ni mavungu aze ngwe akulinga ha tangwa lia jita.

Shimbi 3:11

Mumu Oge Mwanangana wa Mbashane wika ukawenyi wasalile wa ku masalilo ja A-Refane. Kutala! Muhela wenyi wapwile wa utale; uli mu Raba lia kuli A-Amone. Usuhe wawo te mbandu livwa, utohe wawo ngwe mbandu jiwana, nikulita ni cheseko cha mutu.

1 Samuel 18:30

Mianangana ja A-Filistea matuhwokatuhwoka alioze jila yeswe atuhukile David walingile ni mana kuhiana atu eswe a Saulu. Kashika jina lienyi liafumanyine.