2 Samuel 10:18 - MUKANDA USANDU WA ZAMBI 1975

¹⁸ A-Seria yachina kumeso ja A-Izalele, mba David yashiha malunga a mu kulakaji shimbiali a matemba-a-jita hakachi ka A-Seria, ni makumi awana a tununu a maswalale a tuvwalu. Yalamba mwe Shobake kapitau ka tujita two, mba iye nawa wafwileko.

Mukanda Wa Zambi 1970

¹⁸ Asiria yaachina. Mwanangana ni tujita twenyi yaashiha tujita 700 waze te akwenda ha matemba, ni 40,000 waze akwenda ha tuvwalu, Yaalemeka mwata wa tujita, Shobake, neye yafwila mu jita.

2 Samuel 10:18 Iomraidhean Croise

2 Samuel 10:17

Yalweza David mba iye yakungulula A-Izalele eswe, yazauka Yordau, yeza ku Helame. A-Seria yalulika mikana yo ya kulimika ni David, yasa nenyi jita.

2 Samuel 8:4

David yatambula kuli iye kanunu ka akwa tuvwalu ni kulakaji shimbiali a akwa tuvwalu, ni makumi aali a tununu a maswalale a kwenda hashi. Tuvwalu eswe a matemba-a-jita David yaateta mijipa, yafunga tuvwalu kukoka kulakaji lia matemba-a-jita.

1 Yitanga Ya Mianangana 11:24

Yakungulula malunga mba iye wapwile kapitau ka mbunga muze David washihile akwa Zoba. Yaya ku Ndamaseku kutwama. Wayulile mu Ndamaseku.

1 Sango Ja Mianangana 19:18

A-Seria yachina kumeso ja A-Izalele, mba David yashiha malunga a mu tununu shimbiali a matemba-a-jita hakachi ka A-Seria, ni makumi awana a tununu a akwa kwenda hashi. Yashiha mwe Shofake kapitau ka tujita.

Miaso (Masamu) 18:38

Mungwatuwa ndusu, kechi kuhasa kuhinduka. Kumalimbuka kushi lia yiliato yami.

Miaso (Masamu) 46:11

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.) Kuli Njimba mukwa lutwe. Samu lia ana a Kora.

Miaso (Masamu) 68:2

Ngwe mwishi muuhungumuka, chocho ukaahume. Ngwe seta yakusangunuka chocho nawa yingulungulu akakuwe kumeso ja Zambi.

Akwa Kuyula 4:2

Kashika Yehova yaalanjisa ku kwoko Ha Jabini, mwanangana wa Kanana, yoze wayulile mu Hazore. Mwe kapitau wa tujita twenyi iye Sisera, Watwamine mu Harosete-Hagoimi.

Akwa Kuyula 4:22

Shimbu Mbarake machikaula Sisera, Jaele yatuhuka mukumupatwiza. Yamba kuli iye ngwenyi, Tweya ngukulweze yoze unafupu. Chocho yamutwala mu mbalaka yenyi yamona Sisera kanapombo ni lumbambo ndusu mu mbalangwe; hafwa.

Akwa Kuyula 5:26

Yasa kwoko lienyi ku lumbambo wa mbalaka. Kwoko henyi lia chindume yilikwata muhato wa mukwa milimo. Yalamba Sisera, yawonda mutwe wenyi. Yatuwa mbalangwe yenyi nikuyilokola.