2 Samuel 10:12 - MUKANDA USANDU WA ZAMBI 1975

¹² Tuhamukenu; tupwenu tuli malunga mumu hali atu jetu ni ha yihunda ya Zambi yetu. Yehova akalinge chize chamupemena.

Mukanda Wa Zambi 1970

¹² Tuhamukenu, tubwe malunga! Twasenu jita ni tachi, mumu hali atu jetu ni mumu ha membo ja Zambi yetu. Mwene Zambi alinge chize anazange.”

2 Samuel 10:12 Iomraidhean Croise

2 Samuel 10:11

Ngwenyi, Nyi A-Seria mangukumba ni tachi, ena mukangukwasa. Alioze nyi A-Amone makukumba yena ni tachi, mba yami mungwiza mukukukwasa.

2 Samuel 15:26

Alioze nyi mamba ngwenyi, Chawahililile ni yena, mba yami uno akangulinge chize chamupemena.

1 Sango Ja Mianangana 19:13

Tuhamukenu; tupwenu tuli malunga mumu hali atu jetu ni ha yihunda ya Zambi yetu. Yehova akalinge chize chamupemena.

2 Sango Ja Mianangana 32:7

Takamenu ni hamu, kanda nwivwa woma hanji mwongo wa mwanangana wa Asuria chipwe wa mbunga yize ali nayo: mumu yetu tuli ni umwe munene Wahiana, iye keshi nenyi.

Nehemia 4:14

Natalile, mba yingukatuka yingwamba kuli alemu, ni kuli akwa kuyula, ni kuli atu akwo, ngwami, Kanda nwavwila woma. Iwulukenu Mwene, mwe munene kole ni woma, nukase jita hali akwenu, ni ana jenu a malunga ni a mapwo, ni mapwo jenu, ni mazuwo jenu.

Nehemia 4:8

Yatwama punga eswe hamuwika eze akase jita ni A-Yerusaleme akaapinjise.

Estere 4:16

Yako ukungulule A-Yunda eswe a mu Shushane alitwamine kulia hali yami. Kanda alia, kanda anwa matangwa atatu chipwe ufuku chipwe mwalwa. Ni yami ni tuvumbi twami twa mapwo mutulitwamina kulia chizechene mba chocho mungunjila kuli mwanangana. Acho kuchalitele ni shimbi, alioze nyi mungufwa, mungufwa, kwahwa.

Jobe 1:21

Uselesele natuhukile mu jimo lia mama; uselesele munguhiluka. Yehova wapele; Yehova hachiza—jina lia Yehova likafumane.

Kwalula 13:20

Ni chize chipwa chifuchi, nyi shina mavu jacho anawaha, nyi shina haseka; kutala nyi mitondo yilimo nyi ka. Hamukenu, nunehe mihuko yimwe ya mu chifuchi. Mwaka wacho te mwaka wa kuhela uva yitangu kuhia.

1 Korintu 16:13

Lenu, jikizenu mu Ufulielo, lingenu ngwe malunga, fundulenu.

Shimbi 31:6

Takamenu, hamukenu, kanda nwivwa woma, kanda nususamiana mumu hali ayo, mumu Yehova Zambi yenu iye kanayi hamwe ni yenu; kechi kanuhichika, chipwe kunwehuka, ka.

Shimbi 31:7

Mose yasanyika Yoshua, yamba kuli iye kumeso ja A-Izalele eswe ngwenyi, Takama, uhamuke; mumu kumukaya ni wano atu ku chifuchi Yehova walishingile kuli tulamba two mukwaahacho, mukaatungisamo.

Hebreu 11:33

waze ku Ufulielo akanganyine mawanangana, alingile ululi, azukile yilakenyo, ajikile makanwa ja ndumba,

Hebreu 13:6

Chocho ni kuhamuka tunambe ngwetu, Mwene iye chikwashi chami; chichi kevwa woma. Atu yika mangulinga?

Yoshua 1:18

Mweswawo makolema shimbi je, hanji kechi kwononoka ku maliji je cheswacho mumutumina mutumushiha. Chino wika, takama, hamuka.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Akwa Kuyula 10:15

Alioze A-Izalele ambile kuli Yehova ngwo, Hitwavulumuna. Nutulinge cheswacho chanupemena alioze nutupulule kama musono.

1 Samuel 14:12

Maswalale yamba kuli Jonatas ni mukwa kumumbachila yitwa yenyi ngwo, Tweyenu kuno kuli yetu tunulweze chimwe. Jonatas yamba kuli mukwa kumumbachila yitwa ngwenyi, Kaula kunyima yami mumu Yehova hanaakunjika mu moko ja A-Izalele.

1 Samuel 14:6

Jonatas yamba kuli kambaji kenyi yoze wambachile yitwa yenyi ngwenyi, Tuye ku chilombo cha wano yilima. Hanji Yehova matukwasa mumu hi chikalu ko kuli Yehova kulamwina atu chipwe ni anji chipwe ni akehe.

1 Samuel 17:32

David yamba kuli Saulu ngwenyi, Niumwe kanda alezumuka mu mbunge mumu hali yono. Yami kavumbi kenu munguya nikwasa jita ni yono Ka-Filistea.

1 Samuel 3:18

Kashika Samuel yamulweza ye yeswe. Kamuswekelele nichimwe. Eli ngwenyi, Iye Yehova, akalinge chize chamupemena.

1 Samuel 4:9

Enu A-Filistea! Takamenu, pwenu malunga kuchina munupwa ngamba kuli A-Hepreu chizechene ngwe ayo hapwa kuli yenu. Asenu jita ngwe nuli malunga.