2 Samuel 1:7 - MUKANDA USANDU WA ZAMBI 1975

⁷ Ha kutala kunyima yangumona, yangusanyika. Mba nakumbulula ngwami, Yami uno.

Mukanda Wa Zambi 1970

⁷ Mba mwanangana Saulu yatewuluka, yangumona, yangutambika. Yingutaa ngwami: ‘Vulie mwanangana!’

2 Samuel 1:7 Iomraidhean Croise

2 Samuel 1:6

Mba mukweze yoze wamunehenene liji yamba ngwenyi, Napalikanga chipalikila lume ha mulundu wa Ngilboa, kumanyi Saulu yeu, kanajikijila ha kunga lienyi, ni matemba-a-jita ni akwa tuvwalu kanamuhete.

2 Samuel 1:8

Iye yanguhula ngwenyi, Yena iya? Namukumbulula ngwami, Nguli Ka-Amaleke.

2 Samuel 9:6

Mefiposhete, mwana Jonatas, mwana Saulu, yeza kuli David, yafulamana hashi, yamuwayila. David yamba ngwenyi, Mefiposhete. Iye yakumbulula ngwenyi, Yami kavumbi kenu.

Izaya 6:8

Yingwivwa liji lia Mwene ngwenyi, Iya mungutuma? Yoze matuyilako iya? Mba yingwamba ngwami, Yami uno; ngutume yami.

Izaya 65:1

Ami te nazangile angufupe kuli waze kahulile hali yami. Ami te nazangile anguwane kuli waze kangufupile. Ku vungu lia waze kangutambikile nambile ngwami, Yami uno, yami uno.

Akwa Kuyula 9:54

Iye yatambika fujifuji kuli mukweze wenyi wakumumbachila yitwa yenyi ngwenyi, Tomona katana ke ungushihe, kuchina mamba ngwo, Amushihile kuli pwo. Chocho mukweze wenyi yamutuwa ndusu; yafwa.

1 Samuel 22:12

Saulu yamba ngwenyi, Panjika ena mwana Ahitube. Iye yamba ngwenyi, Yami uno mwane.