2 Samuel 1:23 - MUKANDA USANDU WA ZAMBI 1975

²³ Saulu ni Jonatas aazangile, apwile apema mu mwono wo, ni mu kufwa kaahandunwine. Tambu jo jahianyine ja pupa, tachi jo jahianyine ja ndumba.

Mukanda Wa Zambi 1970

²³ “Mwanangana Saulu ni Jonatane, atu te kaakwazanga kuhiana, kaalihandunwine ko mu mwono, chibwe mu kufwa. Tambu lio ngwe lia tela, tachi jo ngwe ja tambwe.

2 Samuel 1:23 Iomraidhean Croise

2 Samuel 1:24

Mapwo A-Izalele, lililenu Saulu, wanujikile kanawa ni mahina a ngengu, wanuselele yuma ya oru ya uhenya ha mazalo jenu.

2 Samuel 2:18

Acho e ana atatu a malunga a Zeluia apwileko, Joabe, ni Abishai, ni Asahele. Asahele aye kuzomboka chenyi chapwile ngwe cha kai.

2 Samuel 23:20

Benaia mwana Jehoiada mwana wa umwe mukwa hamu wa ku Kabzele te hanalingi yuma yinji ya ndundo. Washihile ana aali a malunga a Ariele Ka-Moape. Ha mwaka wa neve yanjila mu wina nikushiha ndumba.

1 Sango Ja Mianangana 12:8

Amwe A-Ngate alihandunwine eze kuli David mu chivwenge mu puya, akwa ndundo ni hamu, akwa kujama ha jita kanahase kulinga ni kepwe ni makunga, meso jo ngwe meso ja ndumba ni tambu jo ngwe a kai ha milundu.

Jobe 9:26

Kakuya ngwe mato a mbungu; ngwe pupa kakuhulumukina ha kulia chenyi.

Yishima 30:30

ngwami, Ndumba mukwa kuhiana tushitu eswe ni tachi; keshi kukondoloka hali niumwe.

Mwaso Ubema Wahiana 5:16

Kuhanjika chenyi chinawaha chikolo, ni mwene mweswe te wa kuzanga. Mwenawo mukwa zango liami, mwe mukwetu, enu ana-mapwo a Yerusaleme.

Jeremia 4:13

Talenu, kaneza ngwe malelwa, ni matemba jenyi ngwe chijimbi, tuvwalu twenyi kali ni tambu kuhiana pupa— lamba lietu, hitwanonga!

Lungungu 4:19

Akwa kutuhanga atambikile kuhiana mapupa mwilu. Yatuhanga ha milundu, yatujikinyina mu puya.

Shimbi 28:49

Yehova makahetesa vungu limwe Unakatuka kusuku kulimika ni yenu, ku songo lia hashi, ngwe pupa wakuhumuka, vungu Umwe limi lialio enu kunuchi kulivwa,

Akwa Kuyula 14:18

Mba malunga a chihunda ambile kuli iye ha tangwa liamuchishimbiali shimbu tangwa kanda Unjila ngwo, Chimwe chayema kuhiana wuchi nyi? Hanji kwali umwe Wahiana tachi ja ndumba? Mba iye yakumbulula ngwenyi, Nyi kachi kunwalimine ni ngombe yami Kachi chijimbikilo chami kunwachihashile.

1 Samuel 18:1

Muze iye hamana kuhanjika ni Saulu, mbunge ya Jonatas yiyilinunga ni mbunge ya David. Jonatas yamuzanga ngwe mbunge yenyi mwene.

1 Samuel 20:2

Iye yamukumbulula ngwenyi, Hi chocho ko. Kuchi kufwa. Tata kechi kulinga nichimwe, chipwe chinene chipwe chikepe, ndo mangulweza. Kuchi te tata manguswekela chuma chino? Kuchapwile chocho.