2 Samuel 1:2 - MUKANDA USANDU WA ZAMBI 1975

² Ha tangwa liamuchitatu umwe lunga yakatuka ku chilombo cha Saulu, kali ni mazalo jenyi a kusonya ni mavu ha mutwe wenyi. Ha kuheta kuli David yafulamana hashi nikumuwayila.

Mukanda Wa Zambi 1970

² Muze hikwacha umwe mukweze yaheta ko, te kanakatuka ku musumba wa mwanangana Saulu. Hatanuna mahina jenyi ni kulimwangina mavu ha mutwe ni chinyengo. Yafulamana hashi ku meso ja David nikumuwayila.

2 Samuel 1:2 Iomraidhean Croise

Ubutukilo 22:4

Ha tangwa liamuchitatu yahetula meso jenyi, yamona kuma kuze kusuku.

Ubutukilo 37:29

Rupene yaya nawa ku wina, kuwana José keshimo. Kashika yapula mazalo jenyi.

Ubutukilo 37:34

Yakomba yapula mazalo jenyi, yalijichika chikeleyi, walishimwokene matangwa anji hali mwanenyi.

Ubutukilo 43:28

O ngwo, Ngamba yenu tata kanahinduka, kali ni mwono. Yahetamisa mitwe yo, yamuwayila.

2 Samuel 1:3

David yamuhula ngwenyi, Kulihi unakatuka? Iye yakumbulula ngwenyi, Nachinyine ku chilombo cha A-Izalele.

2 Samuel 13:19

Tama yasa uto ha mutwe wenyi, yasonya uzalo wenyi wa ulombo weka ni weka uze azalile, yalikwata suswa mutwe, yaya kwenyi nikulila mbimbi.

2 Samuel 14:4

Muze pwo wa ku Tekoa wahanjikile ni mwanangana yafulamana hashi nikumuwayila, ngwenyi, Mwanangana, ngukwasenu kama.

2 Samuel 15:32

Chapwile muze te David haheta helu lia mulundu kuze akuwayila Zambi, kumanyi Hushai Ka-Arke yamupatwiza ni chikuto chenyi cha kusonya, ni mavu ha mutwe wenyi.

2 Samuel 24:20

Arauna yatala, yamona David ni tuvumbi twenyi kaneza kuli iye. Arauna yatuhuka yahetamina hashi kumeso ja mwanangana.

2 Samuel 4:10

muze umwe wangulwezele ngwenyi, Saulu hanafu, nikunyonga ngwenyi, Lusango mupema kuli iye, namukwachile nikumushiha ku Zikalage mumu ha lusango wenyi.

Estere 4:16

Yako ukungulule A-Yunda eswe a mu Shushane alitwamine kulia hali yami. Kanda alia, kanda anwa matangwa atatu chipwe ufuku chipwe mwalwa. Ni yami ni tuvumbi twami twa mapwo mutulitwamina kulia chizechene mba chocho mungunjila kuli mwanangana. Acho kuchalitele ni shimbi, alioze nyi mungufwa, mungufwa, kwahwa.

Estere 5:1

Ha tangwa liamuchitatu Estere yazala mazalo jenyi a wanangana; yamana mu yize ya muchima ya zuwo lia mwanangana hatalanganyi ni zuwo lia mwanangana. Mwanangana aye te kanatwama ha ngunja yenyi ya wanangana mu zuwo lia wanangana hatalanganyi ni chikolo cha zuwo.

Miaso (Masamu) 66:3

Ambenu kuli Yehova ngwenu, Yitanga ye kuyakukolesa woma! Akwa kole je kumakakuzeyela mumu ha unene wa ndundo je.

Ezekiel 27:30

nikulila mbimbi mumu hali yena ni muteto usasu. Kanakuwu fufuta ha mitwe yo ni kulilangumuna mu uto.

Hosea 6:2

Kulutwe lia matangwa aali matuhuzulula; ha tangwa liamuchitatu matuhindwisa, hanga tukende kumeso jenyi.

Joele 2:13

Sonyenu mbunge jenu, hi mazalo jenu ko. Tewulukilenu kuli Yehova Zambi yenu, mumu iye mukwa vumbi, wa tò ni keke, makoke kutenuka, mukwa kulumbamisa utu wa zango, kakulikonyeka ha chuma chikalu.

Mateu 12:40

mumu chizechene ngwe Yona wapwile matangwa atatu ni ufuku utatu mu jimo lia yishi munene; chocho mwe Mwana Mutu kumakapwa mushi lia mavu matangwa atatu ni ufuku utatu.

Mateu 16:21

Chize ku mwaka uze Yesu waputukile kulweza kuli tumbaji twenyi, ngwe chamutamba kuya ku Yerusaleme, nikwivwa lamba linji kuli makulwana ni asasendote akwa lutwe ni akwa kusonyeka, akamushihe, ni ha tangwa liamuchitatu akamuhindwise.

Yoshua 7:6

Mba Yoshua yasonya mazalo jenyi, yafulamana hashi kumeso ja mushete wa Yehova ndo chingoloshi, ni iye ni makulwana a Izalele. Yasa nawa mavu ha mitwe yo.

Usolwelo 3:9

Mungukahana waze a ku sunangonga ya Satana, waze akwamba ngwo, Yetu tuli A-Yunda, ni hi A-Yunda ko, aiioze kanahanjika mahuza; mungulinga hanga akeze, akawayile kulutwe lia yiliato ye, makanyingika hingunakuzange.

1 Samuel 20:41

Muze mukweze haya David yakatuka ku liwe sali lia ku Sule, yafulamana hashi nikuhetama katatu. Yalimbeja, nikulila umwe ni mukwo alioze David wahianyine.

1 Samuel 25:23

Ha kumona David Abigale yalipupwisa kusunuka ha chimbulu. Yafulamana kumeso ja David nikuhetamina hashi.

1 Samuel 4:12

Umwe kajita, lunga wa ku Mbenjamine, wazombokele, yeza ku Shilo tangwa lioliene ni mazalo jenyi a kusonya, ni mavu ha mutwe.

1 Samuel 4:16

Mwe lunga yamba kuli Eli ngwenyi, Yami mwene nakatukanga ku jita, lie lia musono nachinanga hakachi ka tujita. Eli ngwenyi, Yuma kuchi yapwa mwanami?