2 Samuel 1:10 - MUKANDA USANDU WA ZAMBI 1975

¹⁰ Chocho yingumanako; yingumushiha, mumu hinasa chinyingi ngwami, kechi kuhasa kumona mwono muze halimbuka. Yingumuchiza chipangula chapwanga ha mutwe wenyi ni lukano wapwanga ku kwoko lienyi. Nayineha kuno kuli yenu mwene wami.

Mukanda Wa Zambi 1970

¹⁰ Chenacho yingumukundama, yingumumanuna, mumu yingunyingika ngwami, muze malimbuka kumafwa. Mba yinguzula chipangula ku mutwe wenyi ni lukanda ku kwoko lienyi, hinakunehena yo, mwanangana.”

2 Samuel 1:10 Iomraidhean Croise

2 Samuel 1:16

David yamba kuli iye ngwenyi, Manyinga je akapwile ha mutwe wa yena mwene, se kanwa lie hiliakushindakenya ngwe, Hinashiha yoze amuwayishile kuli Yehova.

2 Samuel 1:9

Iye yangwamba ngwenyi, Mana kuno ku lumbu liami ungushihe mumu ngunapinji chikolo, hindu mwono kuusolo kusutuka.

2 Samuel 12:30

Yachiza chipangula ku mutwe wa mwanangana wo. Pezu yacho te *talentu yimuwika ya oru, ni mawe anji a ndando yilemu apwileko. Yachisa ha mutwe wa David. Mba iye yatuhwisa upite wa kupupa ku chihunda, wunji kuhiana.

1 MIANANGANA 11:12

Mba yatuhwisa mwana wa mwanangana; yamusa chipangula; yamukunjika ye Shindakenyo. Yamupwisa mwanangana; yamuwayisa ni maji, mba yasakwila koshi nikwamba ngwo, Vulie mwanangana!

Lungungu 5:16

Chipangula hichaholoka ku mutwe wetu. Lamba lietu mumu hitwavulumuna!

Mateu 7:2

Mumu upatwilo uze munupatula nawo akwenu, kumanupatwila: ni cheseko chize munweseka nacho, kumanwesekela.

Akwa Kuyula 1:7

Adonibezeke yamba ngwenyi, Makumi shimbiali a mianangana naatetele minwe yo ya shina ku moko ni ku molu, anjile yifwenyufwenyu kushi ha mesa yami. Chize nalingile Zambi hananguhilwisacho. Chocho amunehene ku Yerusaleme, yafwilako.

Akwa Kuyula 9:54

Iye yatambika fujifuji kuli mukweze wenyi wakumumbachila yitwa yenyi ngwenyi, Tomona katana ke ungushihe, kuchina mamba ngwo, Amushihile kuli pwo. Chocho mukweze wenyi yamutuwa ndusu; yafwa.

1 Samuel 22:18

Mba mwanangana yamba kuli Doege ngwenyi, Tewuluka yena Ushihe asasendote. Doege Ka-Endome yatewuluka yashiha asasendote. Ha tangwa lize yashiha makumi nake a atu ni atu atano, eswe te akwa kuzala efode ya hina litoma lipema.