2 Korintu 3:3 - MUKANDA USANDU WA ZAMBI 1975

³ chinasoloka ngwe nuli mukanda wa Kristu, wa kulinga kuli yetu, kuunasonewa hi ni ulombo ko, alioze ni Spiritu ya Zambi ya mwono; hi ha mawe ko, alioze ha mbunge ja musunya.

Mukanda Wa Zambi 1970

³ Chinasoloka pundu ngwo, Kristu iye mwene hanasoneka mukanda uze. Hanaukunjika ku moko jetu. Kausonekene ko ni ulombo alioze ni Mwiku wa Zambi ya mwono. Kausonekene ko ha liwe, alioze mu mbunge ja atu.

2 Korintu 3:3 Iomraidhean Croise

Miaso (Masamu) 40:8

Ngunawahilila kulinga upale we, Zambi yami. Ewa, shimbi je jinasonewa muchima lia mbunge yami.

Miaso (Masamu) 42:2

Mbunge yami kuyakwivwa pwila ya Zambi, mwe Zambi ya mwono. Tangwa lika munguheta ngukasoloke kumeso ja Zambi?

Miaso (Masamu) 84:2

Mbunge yami kuyakuvwila usona yize ya Yehova, chipwe kulezumuka kuyakulezumuka. Ni mbunge yami ni musunya wami kuyakuteta kuli mwe Zambi ya mwono.

Kutuhuka 24:12

Yehova yamba kuli Mose ngwenyi, Kanduka ha mulundu ndo kuli yami, utwameko. Mungukwaha mawe ni shimbi ni maliji a shimbi, yize hingunasoneka, ukayilongese.

Kutuhuka 31:18

Muze Yehova hamana kulishimwinya nenyi ha mulundu wa Sinai, yahana kuli Mose mikanda yiali ya Shindakenyo, te mikanda ya mawe ya kusoneka ni munwe wa Zambi.

Kutuhuka 32:15

Mose yalumuka, yapalumuka ku mulundu kanambata mu moko jenyi mikanda yiali ya mawe ya Shindakenyo; mawe a kusoneka sali ni sali. Ha sali limwe ha kusoneka, ni ha sali likwo nawa.

Kutuhuka 34:1

Yehova yamba kuli Mose ngwenyi, Ulitotele mawe aali a kulifwa ni atangu. Mungusoneka ha e mawe maliji aze apwile ha mawe atangu aze unakashiha.

Yishima 3:3

Kanda utayiza utu wa zango ni umwenemwene kukukatuka. Ukayikashile ku kota ye, nikuyisoneka ha mbunge ye.

Yishima 7:3

Uyikashile ha minwe ye; uyisonekene ha mbunge ye.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Jeremia 17:1

Shili ya A-Yunda hanayisoneka ni chisonekeso cha utale. Hanayolo ni songo lia diamante ha mbunge jo, ni ha mbinga ja yilumbilo yo,

Jeremia 31:33

Alioze Yehova kanambe ngwenyi, Usendo mungukolesa ni munyachi wa Izalele kulutwe lia matangwa aze uno, Mungukasa shimbi yami muchima lio, ni kuyisoneka ha mbunge jo. Mungukapwa Zambi yo, no makapwa atu jami.

Ezekiel 11:19

Mba mungukaaha mbunge yaha; mungukasa Spiritu yaha muli ayo. Mungukachiza ku musunya wo mbunge jo ja mawe, mungukaaha mbunge ja musunya,

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Mateu 16:16

Semone Petulu wamukumbulwile ngwenyi, Yena uli mwe Kristu, mwe Mwana wa Zambi ya mwono.

1 Korintu 3:5

Paulu kuchi apwa? Ni Apolu kuchi apwa? Tuvumbi waze ku liji lio nwafulielele kuli Mwene; ni eswe nikulita ngwe amuhele Mwene.

2 Korintu 3:6

Iye Mwene hanatuhashisha ngwe tuvumbi twa usendo waha; hi wa ku lusona ko, alioze wa kuli Spiritu: mumu lusona kakushiha, alioze Spiritu kakupwisa ni mwono.

2 Korintu 3:7

Alioze kachi uvumbiko wa kufwa, ni sona ja kwola ha mawe, wejile ni uhenya, chocho ana a Izalele kahashile kuhulikila meso kuli Mose, mumu ha uhenya wa ku meso jenyi, uhenya uze te unahu.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

1 Tesalonika 1:9

Mumu ayo ene kakwambujola ha kutwala kuli yetu, kunjila chize twapwile nacho kuli yenu; ni ngwe chize nwatewulukilile kuli Zambi nikwehuka mahamba, mukulingila Zambi ya mwono, wamwenemwene,

Hebreu 10:16

Mwene kanambe ngwenyi, Uno usendo uze mungukakwata no kulutwe lia matangwa aze: Mungukasa shimbi jami ha mbunge jo, ni ha kunyonga cho nawa mungukajisoneka.

Hebreu 8:10

Mumu uno we usendo mungukakwata ni akwa zuwo lia Izalele kulutwe lia matangwa aze, chocho anambe Mwene ngwenyi, Mungukasa shimbi jami mu kunyonga cho, ni ha mbunge jo nawa mungukajisoneka: mungukapwa kuli ayo Zambi, o kumakapwa kuli yami atu jami.

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?

Yoshua 3:10

Yoshua yamba ngwenyi, Ha chikuma chino mununyingika ngwenu, Zambi ya mwono hwali hakachi ka yetu, mba iye kechi kuhona kuhuma A-Kanana, ni A-Hete, ni A-Hevwe, ni A-Perize, ni A-Ngikashe, ni A-Amore, ni A-Yepushe kumeso jetu.

Usolwelo 2:1

Kuli mungelo wa chikungulwila cha ku Efwesu Soneka ngwe, Yino yuma kanambe yoze wakukwata matongonoshi shimbiali mu kwoko lienyi lia chindume, yoze wakwenda mukachi ka yikwachilo shimbiali ya ndeya ya oru, ngwenyi,

Usolwelo 2:12

Ni kuli mungelo wa chikungulwila cha ku Perekamu Soneka ngwe, Yino yuma kanambe yoze uli ni katana wa mukwale kanambuka, ngwenyi,

Usolwelo 2:18

Kuli mungelo wa chikungulwila cha ku Tayatera Soneka ngwe, Yino yuma kanambe mwe Mwana Zambi, yoze ukwete meso jenyi ngwe mulengi wa kahia, ni yiliato yenyi ya kulifwa ni kengelia ja kulejima, ngwenyi,

Usolwelo 2:8

Kuli mungelo wa chikungulwila cha ku Semina Soneka ngwe, Yino yuma kanambe mwe mutangu, mwe kasula-songo, yoze wapwile mufu wahindukile ni mwono cheka nawa, ngwenyi,

Usolwelo 3:1

Kuli mungelo wa chikungulwila cha ku Sarte Soneka ngwe, Yino yuma kanambe yoze uli ni maspiritu shimbiali a Zambi, ni matongonoshi shimbiali ngwenyi, Ngunanyingika yitanga ye, jina uli nalio ngwe, mwono ukwete, aiioze kuunafu.

Usolwelo 3:14

Kuli mungelo wa chikungulwila cha ku Laotisea Soneka ngwe, Yino yuma kanambe mwe Amene, chela wamwenemwene keshi mahuza, we uputukilo wa kutanga cha Zambi ngwenyi,

Usolwelo 3:22

Yoze uli ni matwi, evwe chize anambe Spiritu ku yikungulwila.

Usolwelo 3:7

Kuli mungelo wa chikungulwila cha ku Filadelfia Soneka ngwe, Yino yuma kanambe mwe musandu, mukwa umwenemwene, yoze uli ni sapi ya David, yoze wakwazulula mba niumwe kechi kájila, wakwájila mba niumwe kechi kázulula, ngwenyi:

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.