2 Korintu 10:3 - MUKANDA USANDU WA ZAMBI 1975

³ Mumu chipwe twakwenda mu musunya, kutushi kwasa jita nikulita ni musunya.

Mukanda Wa Zambi 1970

³ Chamwenemwene, tuli mu mujimba wa uutu, hindu kutushi kwasa jita nikulita ni ndako yibi ya uutu.

2 Korintu 10:3 Iomraidhean Croise

A-ROMA 7:5

Mumu muze twapwile mu musunya, usolo uze ye shimbi yaukasumwine walingile mu yihanda yetu, hanga yikeme mihuko ya kufwa.

A-ROMA 8:13

mumu kachi munukenda nikulita ni musunya, kachi munukafwa; alioze kachi ku Spiritu munushiha tachi ja yilinga ya mujimba, kachi munukapwa ni mwono.

A-ROMA 8:4

Hanga ululi wa shimbi ukamanunuke muli yetu, kutushi kwenda nikulita ni musunya, alioze twakwenda nikulita ni Spiritu.

2 Korintu 1:17

Kashika muze nahalile chocho, nalingile ni lwelia, nyi? Hanji yuma yize mungupala, munguyipala nikulita ni musunya, hanga kuli yami yikapwe ewa, ewa, ni ka, ka, nyi?

2 Korintu 10:4

(Mumu yitwa yetu ya jita hi ya musunya ko, alioze ya tachi nikulita ni Zambi ya kupupa yuma ya tachi;)

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.

1 Timoteu 1:18

Shimbi yino ngunakukunjikayo, mwanami Timoteu, nikulita ni uprofeto wa kutwala kuli yena, hanga ukase nawo jita yipema.

2 Timoteu 4:7

Hingunalitachika kulitachika chipema, hingunamanununa kuma kwami kwa kuzomboka, hingunafungu Ufulielo.

Hebreu 12:1

Kashika, se kanatuseleka ni mbunga yinene yipwa haha ya yela, tumbilenu milalu yeswe ni shili yize ya kutulimbalimba chashi chichize, tunyongononenu kuzombokela jila yize hanase kulutwe lietu.