2 Korintu 1:3 - MUKANDA USANDU WA ZAMBI 1975

³ Zambi kanda Tato ya Mwene wetu Yesu Kristu akafumane, Tato ya keke, kanda Zambi ya kulembejeka cheswe;

Mukanda Wa Zambi 1970

³ Tusakwilenu Zambi kanda Tato ya Mwene wetu Yesu Kristu. Mwe Tata wakutuvwila keke ni kutulembejeka chikolo.

2 Korintu 1:3 Iomraidhean Croise

Ubutukilo 14:20

Chikwo nawa, Zambi Chitunda akafumane, Iye hanakunjika akwa kole je mu kwoko lie. Mba Apalama yamwaha chihanda chimuwika ha yihanda kumi ya ku yuma yeswe.

1 Sango Ja Mianangana 29:10

Kashika David yahalisa Yehova kumeso ja chikungulwila nikwamba ngwenyi, Ufumane, Yehova Zambi ya kalamba ketu Izalele ndo ku miaka yeswe ya mutolo.

Nehemia 9:5

Mba A-Levi, Yeshua, ni Kamiele, ni Mbani, ni Hashabania, ni Sherebia, ni Hodia, ni Shebania, ni Petahia yamba ngwo, Manenu nukafumanyise Yehova Zambi yenu chize ku miaka yeswe ndo ku miaka yeswe. Jina lie lia uhenya, lize liatunda helu lia ulemeso weswe ni uhaliso weswe, likafumane.

Jobe 1:21

Uselesele natuhukile mu jimo lia mama; uselesele munguhiluka. Yehova wapele; Yehova hachiza—jina lia Yehova likafumane.

Miaso (Masamu) 18:46

Yehova katwama ni mwono; liwe liami, afumane. Zambi ya ulamwino wami anangame.

Miaso (Masamu) 68:35

Zambi, uli kole ni woma kuma kwe kusandu. Mwe Zambi ya Izalele kakuhana tachi ni ngolo kuli atu jenyi. Zambi afumane!

Miaso (Masamu) 72:19

Jina lienyi lilemu likafumane ku miaka ya mutolo. Hashi heswe hakazale tò ni ulemu wenyi. Amene ni Amene.

Miaso (Masamu) 86:15

Alioze yena Mwene uli Zambi wa tò ni keke ni vumbi. Kushi kutenuka nikawashi; utu wa zango lie ni umwenemwene we kuyalumbama.

Miaso (Masamu) 86:5

Mumu yena Mwene uli mupema, uli mukwa kukonekena. Utu we wa zango kuwakulumbama kuli waze eswe masanyika kuli yena.

Izaya 66:13

Ngwe mwana wa kuwumbikiza kuli naye, chocho mungunuwumbikiza; mwe mu Yerusaleme manuwumbikiza.

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Daniel 9:9

Kuli Mwene Zambi yetu kwatwama keke ni ukonekeno, mumu yetu hitwamukatukila.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Yoano 10:30

Yami ni Tata tuli umuwika.

Yoano 20:17

Yesu yamba kuli iye ngwenyi, Kanda ungukwata; mumu kanda nguchizezuka kuli mwe Tata: alioze yako kuli mandumbu jami, ukambe kuli ayo ngwe, Munguzezuka kuli Tata kanda Tatenu, ni Zambi yami kanda Zambi yenu.

2 Korintu 11:31

Zambi kanda Tato ya Mwene Yesu Kristu, yoze wafumuna ndo ku miaka ya mutolo, kananyingika chishi kuhanjika mahuza.

2 Korintu 7:6

Hindu Zambi yoze wakulembejeka akwa kulikehesa, watulembejekele ha kuheta cha Titu;

Efesu 1:17

hanga Zambi ya Mwene wetu Yesu Kristu, Tato ya uhenya, akanwehe spiritu ya mana ni usolwelo mu yinyingi yeswe ya iye;

Efesu 1:3

Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

Filipu 2:11

hanga malimi eswe akatayize ngwo, Yesu Kristu iye mwe Mwene, akachichimieke Zambi Tata.

Kolosu 1:3

Twakusakwila kuli Zambi Tato ya Mwene wetu Yesu Kristu, matangwa eswe ha kulemba hali yenu,

1 Petulu 1:3

Zambi kanda Tato ya Mwene wetu Yesu Kristu afumane, yoze nikulita ni keke yenyi yinji hanatuseme chaha, tukapwe ni kutalatala cha mwono, ku Uhindukilo wa Yesu Kristu hakachi ka afu,

2 Yoano 1:4

Nakuwahilila chikolo ha kuwana amwe a kuli ana je akwenda mu umwenemwene, ngwe hitunatambula shimbi kuli Tata.

2 Yoano 1:9

Mweswe matanguka, keshi kutwama mu longeso lia Kristu, iye keshi ni Zambi; yoze matwama mu longeso lia Kristu, kali ni eswe aali, ni mwe Tata ni mwe Mwana.