1 Yoano 4:1 - MUKANDA USANDU WA ZAMBI 1975

¹ Akwetu a zango, kanda nufuliela maspiritu eswe, aiioze esekenu maspiritu, kachi mapwa maspiritu a kuli Zambi; mumu aprofeta a kwonga anji haneza hano hashi.

Mukanda Wa Zambi 1970

¹ Akwetu, kanda nufuliela eswe waze akwamba ngwo, Mwiku wa Zambi akwete, alioze esekenu ha kumona nyi Mwiku uze ali nawo kuuli wa kuli Zambi, nyi ka. Mumu akwa munanyi a mahuza anji haanamwangana hashi heswe.

1 Yoano 4:1 Iomraidhean Croise

1 Yitanga Ya Mianangana 13:18

Iye yamukumbulula ngwenyi, Ni yami nawa nguli profeta ngwe yena, mba umwe mungelo hangwamba ni liji lia Yehova ngwenyi, Munehe hamwe ni yena ku zuwo lie akalie mbolo akanwe meya. Alioze te kanamwongo.

Yishima 14:15

Chizuzuke kakufuliela maliji eswe; alioze chikanyame kakutala kanawa ku kwenda chenyi.

Jeremia 14:14

Yehova yamba kuli yami ngwenyi, Aprofeta anaprofeteza mahuza mu jina liami. Ami chaatumine, chipwe kwaaha liji chipwe kuhanjika no. Kanaprofeteza kuli yenu usolwelo wa mahuza, ngombo yamokomoko, ni kwonga cha mu manyonga jo ene.

Jeremia 23:16

Yehova-wa-Tujita kanambe ngwenyi, Kanda nupanjika ku maliji ja aprofeta waze akuprofeteza kuli yenu nikunuzalisa ni kutalatala chamokomoko. Kakuhanjika yilota ya mu manyonga jo ene; kahanjikile ni kanwa lia Yehova.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Marku 13:21

Hohene kachi umwe mamba kuli yenu ngwenyi, Talenu, kuno kwali mwe Kristu! hanji ngwo, Talenu, kuze ali! kanda nukachifuliela:

Luka 12:57

Kuchi te chipwe kuli yenwene kunushi kupatula chize cha kululika.

Luka 21:8

Iye wambile ngwenyi, Kanyamenu kanda akanupiangula, mumu anji kumakeza mu jina liami, ngwo, Yami Kristu, ni mwaka hiwakundama: kanda nwakaula.

Yilinga 17:11

Wano apemene kuhiana hi waze ko a mu Tesalonika, se atambwile liji ni mbunge yeswe, nikuhengula mu yisoneko tangwa ha tangwa akamone kachi yino yuma yapwile chocho.

Yilinga 20:29

Mumu ngunanyingika muze hinaya yami, tungunga asasu makanjila hakachi kenu, waze kechi kavwila keke mbunga ya mapanga.

1 Korintu 12:10

kuli mukwo, kulinga cha yipupu; kuli mukwo, uprofeto: kuli mukwo, kusa chinyingi hakachi ka maspiritu; kuli mukwo, malimi eka ni eka; kuli mukwo, ulumbunwiso wa malimi:

1 Korintu 14:29

Aprofeta ahanjike aali, hanji atatu; akwo apatwile.

1 Tesalonika 5:20

Kanda nupwisa wamokomoko uprofeto;

1 Tesalonika 5:21

alioze esekenu yuma yeswe; kakaminyenu ku yize yinapeme.

2 A-TESALONIKA 2:2

kanda nukalihiza nikawashi mu kunyonga chenu, chipwe kanda nukasungalala, chipwe ku Spiritu, chipwe ku liji, chipwe ku mukanda ngwe unakatuka kuli yetu, ngwe tangwa lia Mwene hiliaheta.

1 Timoteu 4:1

Alioze Spiritu kanambe pundu ngwenyi, Ha miaka ya kusuta, amwe makakatuka ku Ufulielo, nikupanjika kuli maspiritu a kupiangula, ni longeso lia andemoniu,

2 Timoteu 3:13

Alioze yingulungulu ni akwa kwonga kumakapiha kuhiana, nikupiangula, nikupianguka.

2 Petulu 2:1

Alioze kwapwile aprofeta a kwonga nawa hakachi ka atu, chizechene ngwe hakachi kenu nawa kumukukapwa alongeshi a kwonga, ku tenga kumakaneha longeso lia kuhandununa lia kwonwona, nikulikala chipwe Mwata yoze waalanjile, ni kuneha hali ayo ene kwonwona cha susumuku.

1 Yoano 2:18

Yenu ana, haliapwila ye ola ya kusula: ngwe nwevwile ngwo, Mukwa kulimika ni Kristu kumeza, chipwe haliapwila akwa kulimika ni Kristu anji haneza; ku chino tunanyingika haliapwila ye ola ya kusula.

1 Yoano 2:7

Akwetu a zango, shimbi yaha Chasonekene kuli yenu, aiioze shimbi yikulu yize nwapwile nayo chize ku uputukilo: shimbi yikulu lie liji lize nwevwile.

2 Yoano 1:7

Mumu akwa kupiangula anji haneza hano hashi, waze keshi kutayiza mwe Yesu Kristu heza mu musunya, mwe mukwa kupiangula yono, mwe mukwa kulimika ni Kristu.

3 Yoano 1:11

Mukwetu wa zango, kanda wimbulula yipi aiioze imbulula yipema. Yoze wakulinga yipema iye wa kuli Zambi; aiioze yoze wakulinga yipi kamweneko Zambi.

Usolwelo 2:2

Ngunanyingika yitanga ye, ni kukilikita che, ni kunyongonona che, kwahashile kutayiza atu api, hiuneseka waze alitayilile kupwa apostolo, ni hi apostolo ko, hiunaawane akwa mahuza;