1 Yoano 3:4 - MUKANDA USANDU WA ZAMBI 1975

⁴ Mweswawo mavulumiona, iye chihulia nawa; ni shili we uhulia.

Mukanda Wa Zambi 1970

⁴ Yoze wakuvulumuna, kakutangula Shimbi ja Zambi, mumu uvulumwino uli kutangula cha Shimbi.

1 Yoano 3:4 Iomraidhean Croise

1 Yitanga Ya Mianangana 8:47

chipwe chocho, nyi manyonga mu chifuchi kuze haatwala funge, akatewuluke akaliumbe mu chifuchi cha waze haatwala funge ngwo, Hitwavulumuna, hitwalinga nikupiya, hitwalinga ungulungulu.

1 Sango Ja Mianangana 10:13

Chocho yafwa Saulu ha mukunda wa Utanguko wenyi wavulumwine ni kulimika ni Yehova, mumu kafungile liji lia Yehova. Chikwo nawa wahulile chiyulo kuli mukwa mahamba;

2 Sango Ja Mianangana 24:20

Spiritu ya Zambi yeza hali Zekaria mwana sasendote Jehoiada. Aye yamana helu lia atu nikwamba kuli ayo ngwenyi, Zambi kanambe ngwenyi, Kuchi te nunatangula maliji a Yehova? Kashika kunwahashile kuwaha. Iye hananwehuka mumu ni yenu hinunamwehuka.

Izaya 53:8

Amushihile ni yihungumiona ni upatwilo; mba hakachi ka akwa chisemuko chenyi iya wachizewile ngwenyi, Amusutwile ku chifuchi cha akwa mwono, amulambile mumu ha Utanguko wa atu jami?

Daniel 9:11

A-Izalele eswe Hahambuluka, hatangula shimbi je, kasolo kupanjika ku liji lie. Kashika lie shingo ni che chilakenyo asonekene mu shimbi ja kavumbi ka Zambi Mose, hanayizukula hali yetu, mumu hitwamuvulumuna.

Kwalula 15:31

Mumu te iye halelesa liji lia Yehova, hatangula liji lia shimbi yenyi, auze mutu akamutete liakulu; uhenge wenyi ukamushate.

Mateu 5:19

Kashika mweswawo matangula limuwika lia ku maliji ano akepe ahiana eswe a shimbi, malongesa atu chocho, kumakamuvuluka ngwo, Mukepe Wahiana eswe mu wanangana wa malilu: alioze mweswawo nwalinga, nikwalongesa, mwenawo kumakamuvuluka ngwo, Munene mu wanangana wa malilu.

Yilinga 23:3

Hohene Paulu wambile kuli iye ngwenyi, Zambi kumakakulamba, yena unapu ngwe yishimi ya kutomesa ni pemba; yena kumanyi, unatwama ukangusopese nikulita ni shimbi, mba nikutangula shimbi unambe angulambe, nyi?

A-ROMA 3:20

mumu ku yitanga ya shimbi kechi kasambisa mutu niumwe kumeso jenyi; mumu ku shimbi, chinyingi cha shili muchiza.

A-ROMA 4:15

mumu shimbi kuyakulinga utenu; alioze kuze kukushi shimbi, kuze Utanguko nawa kuushiko.

2 Korintu 12:21

Kuchina cheka nawa muze mungwiza, Zambi yami mangulelesa kumeso jenu, mungunenganyana hali anji a kuli waze hanavulumuna kunyima, ngwe kalikonyekeneko ha luchisa ni utanji ni upangala uze alingile.

Tiangu (Jake) 5:15

Kulemba cha Ufulielo kumuchilamwina mukwa kuyiza, ni Mwene kumamuhindwisa; nyi kachi hanavulumuna milonga, mamukonekenayo.

1 Yoano 5:17

Uhenge weswe shili, aiioze kuuli mulonga hi wa kufwa ko.

1 Samuel 15:24

Saulu yamba kuli Samuel ngwenyi, Hingunavulumuna, mumu hinatangula shimbi ja Yehova ni maliji jenu nawa, mumu nevwilile woma e atu nikupanjika ku liji lio.