1 Yoano 3:2 - MUKANDA USANDU WA ZAMBI 1975

² Akwetu a zango, tuli ana a Zambi kulu, ni chize mutukapwa kanda chisoloka, aiioze tunanyingika muze mamusolola iye, yetu mutukalifwa nenyi, mumu mutukamumona ngwe chize apwa.

Mukanda Wa Zambi 1970

² Akwetu, haliabwila tuli ana ja Zambi. Kutwanyingikine kanawa chize mutukabwa kulutwe, alioze tunanyingika chino ngwetu, muze Kristu makasoloka, mutukalifwa nenyi, mumu mutukamumona chize abwa.

1 Yoano 3:2 Iomraidhean Croise

Jobe 19:26

Mba chipwe kowa lino lia yami hiliahwa, hindu mu musunya wami mungukamona Zambi.

Miaso (Masamu) 16:11

Mukangulweza ye jila ya mwono. Kumeso je kwatwama chiseke cheswe. Ku chindume che kwatwama yiwape ya mutolo. Kulemba cha David.

Miaso (Masamu) 17:15

Alioze ha kutwala kuli yami, mungumona meso je ni ululi. Kumungukayuka muze mungulaula mu kulifwa cha yena. Kuli Njimba mukwa lutwe. Samu lia David kavumbi ka Yehova. Iye wahanjikile kuli Yehova maliji a mwaso uno ha tangwa lize Yehova wamupulwile ku moko ja akwa kole jenyi eswe ni ku kwoko lia Saulu: ngwenyi,

Miaso (Masamu) 31:19

Utu we walumbama, uze hiwatulikila waze akukuvwila woma. Wenawo hiwalingila atu aze aswama muli yena kumeso ja ana ja atu.

Izaya 56:5

mungwaaha mwe mu zuwo liami muchima lia yishimi yami, Chiwulwiso ni jina kuhiana ana a malunga ni a mapwo. Mungwaaha jina lia mutolo lize kulichi kajimuka.

Malaki 3:2

Alioze iya mahasa kumana ha tangwa lia kwiza chenyi? Iya mahasa kujikiza ha kusoloka chenyi? Mumu iye kapwa ngwe kahia ka mukwa kupemesa oru; ngwe sabau ya kutomesa.

Mateu 5:8

Kawaha akwa kupema mu mbunge, mumu kumakamona Zambi.

Luka 17:30

chizechene muchikapwa ha tangwa lize masolola mwe Mwana Mutu.

Luka 20:36

mumu chipwe kahashile kufwa nawa: mumu kanalite ni angelo; kanapu ana ja Zambi, se ana ja uhindukilo.

Yoano 1:12

alioze kuli waze eswe amutambwile wahanyine chiyulo cha kupwa ana a Zambi, te kuli waze akufuliela ku jina lienyi;

Yoano 11:52

ni hi vungu wika ko, alioze hanga akakungulule nawa kuli umuwika ana a Zambi waze anamwangana.

Yoano 17:24

Tata, ngunazange waze nawa hiunangwehe akapwe hamwe ni yami kuze nguli, hanga akatale uhenya wami, uze wanguhele; mumu wanguzangile shimbu kanda asela fundamentu ya hashi.

A-ROMA 8:16

Spiritu iye mwene kakushindakenya hamwe ni Spiritu yetu, ngwenyi, Nuli ana a Zambi.

A-ROMA 8:18

Mumu nakunyonga ngwami, Lamba lia mwakono kuliatelele kulieseka ni uhenya uze makausolola muli yetu.

A-ROMA 8:19

Mumu kutalatala cha yeswe ya hashi kuchakulawoka usolwelo wa ana a Zambi.

A-ROMA 8:29

Mumu waze waanyingikine Shimbu-kanda, waafunjikile Shimbu-kanda nawa, hanga akaatese ni kulifwa cha Mwanenyi, hanga iye akapwe mutangu hakachi ka ana akwo anji:

1 Korintu 13:12

Mumu haliapwila twakumona mu katalilo ngwe chijimbikilo; alioze ha tangwa lize meso ni meso; haliapwila ngunanyingika ha chihanda; alioze ha tangwa lize mungukanyingika liakulu, chizechene ngwe nawa hanangunyingika liakulu.

1 Korintu 15:49

Chizechene ngwe twapwile mu kulifwa cha mukwa mavu, chocho nawa mutukapwa mu kulifwa cha mukwa mwilu.

1 Korintu 2:9

Alioze nikulita ngwe chinasonewa ngwo, Yuma yize meso kayimwene, ni matwi kayivwile, kuyanjilile mu mbunge ya mutu, yuma yize hanalulika Zambi hali waze akumuzanga.

2 Korintu 3:18

Alioze yetu eswe, ni meso a kufukuka nikunwina uhenya wa Mwene, ngwe katalilo wa kupeyima, kakutwalumuna mu kulifwa chimuwika, chize ku uhenya ndo ku uhenya, chizechene ngwe cha kuli Mwene Spiritu.

2 Korintu 4:17

Mumu luyinda wetu mulelu, wa kashimbu kano kakepekepe, kakulinga hali yetu kulumbama chahiana cha uhenya wa mutolo;

Galashia 3:26

Mumu yenu eswe muli Kristu nuli ana a Zambi ku Ufulielo.

Galashia 4:6

Mba se nuli ana, Zambi hanatumu Spiritu ya Mwanenyi mu mbunge jetu, kanatambika ngwenyi, Ta-ta, Tata.

Filipu 3:21

Mwenawo kumakalumuna mujimba wetu wa ulelu hanga ukalifwe ni mujimba wa uhenya wenyi, nikulita ni kulinga chize kanahase nacho kuzeyesa chipwe yuma yeswe kuli iye mwene.

Kolosu 3:4

Muze makasolola Kristu, iye mwono wetu, hohene ni yenu nawa makanusolola hamwe nenyi mu uhenya.

Hebreu 9:28

chocho Kristu nawa, se hanamulambula kamuwika hanga akambate milonga ya anji, kumakamoneka chisuho chamuchiali, hi ha kutwala ku shili ko, kuli waze akumutalatala ha ulamwino.

2 Petulu 1:4

Ku yino hanatwehe yilakenyo yenyi yilemu ni yinene yahiana; hanga ku yino, nukapwe akwa kulianyina ha chisemewa cha Zambi, se hinunapuluka ku kupola chize chili hano hashi ku usolo.

1 Yoano 2:28

Haliapwila, ana akepe, twamenu muli iye; hanga muze makamusolola, tukapwe ni hamu, kutuchi kevwa sonyi kumeso jenyi ha kuheta chenyi.

1 Yoano 2:7

Akwetu a zango, shimbi yaha Chasonekene kuli yenu, aiioze shimbi yikulu yize nwapwile nayo chize ku uputukilo: shimbi yikulu lie liji lize nwevwile.

1 Yoano 3:1

Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye.

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.

1 Yoano 3:21

Akwetu a zango, kachi mbunge jetu kujishi kutuhisa, kachi hamu tuli nalio kuli Zambi;

1 Yoano 5:1

Mweswawo mafuliela ngwenyi, Yesu iye mwe Kristu, kanasemuka kuli Zambi; ni mweswe mazanga yoze wasemene, mazanga nawa yoze wasemuka kuli iye.

Usolwelo 2:28

Mba mungukamwaha mutumbu.

Usolwelo 22:4

O kumakamona meso jenyi; ni jina lienyi kumulikapwa ha mahuma jo.