1 Yoano 2:9 - MUKANDA USANDU WA ZAMBI 1975

⁹ Yoze mamba ngwenyi, Nguli mu pangu, mba mavwila kole ndumbwenyi, mu milima ali ndo haliapwila.

Mukanda Wa Zambi 1970

⁹ Yoze wakwamba ngwenyi: “Nguli mu pangu,” hindu kakuvutwokela mukwo, mutu yoze uchili mu milima ndoo haliabwila.

1 Yoano 2:9 Iomraidhean Croise

2 Samuel 13:22

Absalome aye kahanjikile kuli Amnone chipwe chipema chipwe chipi. Mumu Absalome wavwilile kole Amnone mumu havulumuna ndumbwenyi Tama ni tachi.

Miaso (Masamu) 82:5

Kanyingikine. Kuchaalumbunukine. Kahulihiza mu milima. Fundamentu jeswe ja hashi jinanyiki.

Alevi 19:17

Kanda uswekela mukwenu kole mu mbunge ye, alioze hanjika nenyi kuchina musala ni mulonga mumu hali iye.

Yoano 9:41

Yesu wambile kuli ayo ngwenyi, Kachi nuli tupuputa, kachi kunushi mulonga: alioze haliapwila nunambe ngwenu, Tunamono: kashika mulonga wenu kuunasala.

Yilinga 1:15

Ha matangwa aze, Petulu wamanyine mukachi ka mandumbu, (achi, mbunga ya atu a kukunguluka hamuwika apwile ngwe kulakaji ni makumi aali), wambile ngwenyi,

2 Petulu 1:9

Mumu yoze wakuhona yino yuma iye kapuputa, chitalawili, se hanavulama chize amupemesene ku milonga yenyi yikulu.

1 Yoano 1:6

Kachi mutwamba ngwetu, Tunalikundu nenyi, hindu mutwenda mu milima, kachi mutuhanjika mahuza, kutushi kulinga umwenemwene.

1 Yoano 2:11

Alioze yoze mavwila kole ndumbwenyi mu milima ali, kakwenda mu milima, kanyingikine kuze maya, mumu milima hiyinapupuchisa meso jenyi.

1 Yoano 2:4

Yoze mamba ngwenyi, Ngunamunyingika, aiioze keshi kufunga shimbi jenyi, iye mukwa mahuza, ni umwenemwene kuushimo muli iye;

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.

1 Yoano 4:20

Kachi umwe mamba ngwenyi, Ngunazange Zambi, hindu mapwa ni kole ni ndumbwenyi, iye mukwa mahuza; mumu yoze keshi kuzanga ndumbwenyi yoze hanamumono, ngwe kuchi mahasa kuzanga Zambi yoze kamumweneko.