1 Yoano 2:3 - MUKANDA USANDU WA ZAMBI 1975

³ Ku chino tunase chinyingi ngwetu, tunamunyingika, kachi tunafungu shimbi jenyi.

Mukanda Wa Zambi 1970

³ Nyi twakufunga Shimbi ja Zambi, kachi mutusa chinyingi ngwetu, tunanyingika Zambi.

1 Yoano 2:3 Iomraidhean Croise

Miaso (Masamu) 119:32

Munguzombokela mu jila ya shimbi je muze yena mutohesa mbunge yami. He

Miaso (Masamu) 119:6

Nyi chocho chichi kwivwa sonyi muze mungulemesa shimbi je jeswe.

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Luka 6:46

Kuchi te nunanguvuluka ngwenu, Mwene, Mwene, alioze kunushi kulinga yuma yize ngunambe?

Yoano 14:15

Kachi nunanguzange, fungenu shimbi jami.

Yoano 15:10

Kachi munufunga shimbi jami kachi munukatwama mu zango liami; chizechene ngwe yami nafungile shimbi ja Tata, natwama mu zango lienyi.

Yoano 15:14

Yenu nuli tusendo twami, kachi munulinga cheswacho mungunwamba.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

2 Korintu 4:6

Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.

Hebreu 5:9

Mba se hanamupwisa mungunu iye kapwa mwe Kaputu ka ulamwino wa mutolo kuli waze eswe akumwononokena.

1 Yoano 2:13

Ngunasoneka kuli yenu, atata, mumu nunanyingika yoze wapwa chize ku uputukilo. Ngunasoneka kuli yenu, akweze, mumu hinunakumbu mwe chingulungulu. Ngunasoneka kuli yenu, ana, mumu nunanyingika mwe Tata.

1 Yoano 3:14

Tunanyingika hitunakatuka ku kufwa ndo ku mwono, mumu twakuzanga mandumbu. Yoze keshi kuzanga, kanatwama mu kufwa.

1 Yoano 3:19

Ku chino mutukanyingika tuli a ku umwenemwene, mutukakununa mbunge jetu kumeso jenyi.

1 Yoano 3:6

Mweswawo matwama muli iye, keshi kuvulumiona: mweswawo mavulumiona kamumwene, chipwe kamunyingikineko.

1 Yoano 4:13

Ku chino tunanyingika tuli muli iye, iye muli yetu, mumu hanatupangila Spiritu yenyi.

1 Yoano 4:7

Akwetu a zango, tulizangenu umwe ni mukwo ni mukwo: mumu zango lia kuli Zambi; ni mweswe mukwa kuzanga kanasemewa kuli Zambi, kananyingika Zambi.

1 Yoano 5:19

Tunanyingika yetu tuli a kuli Zambi, ni hashi heswe lukombo kuhakupomba mu chiyulo cha mwe chingulungulu.

1 Yoano 5:2

Ku chino tunanyingika tunazange ana a Zambi, muze tunazange Zambi, ni muze tunafungu shimbi jenyi.

1 Yoano 5:3

Mumu lino lie zango lia Zambi, ngwo, Tukafunge shimbi jenyi: ni shimbi jenyi hi jikalu ko.

Usolwelo 12:17

Ni ndragau watenukine ni pwo, wayile mukwasa jita ni masalila ja munyachi wenyi, waze akufunga shimbi ja Zambi, kanda waze ali ni Shindakenyo ya Yesu.

Usolwelo 14:12

Muno muchili kunyongonona cha asandu, waze akufunga maliji a shimbi a Zambi ni Ufulielo wa Yesu.

Usolwelo 22:14

Kawaha waze akukosa mazalo jo ja ngungu, hanga akapwe ni chiyulo ku mutondo wa mwono, hanga akanjile ku yikolo mu limbo.