1 Yoano 2:1 - MUKANDA USANDU WA ZAMBI 1975

¹ Anami akepe, yino yuma ngunasoneka kuli yenu, hanga kunuchi kuvulumuna, nyi kachi umwe mavulumuna, Hako tuli nenyi kumeso ja mwe Tata, Yesu Kristu, mwe mukwa ululi.

Mukanda Wa Zambi 1970

¹ Ana jami, ngunanusonekena yuma yino hanga kunuchi kuvulumuna. Alioze, nyi umwe mavulumuna, haku tuli nenyi ku meso ja Tata, mwe Yesu Kristu mukwa ululi.

1 Yoano 2:1 Iomraidhean Croise

Miaso (Masamu) 4:4

Ivwenu woma, kanda nuvulumuna. Lishimwinyenu ni mbunge ja yenwene ha mihela yenu nukahole.(Litulike.)

Ezekiel 3:21

Alioze nyi yena mukanjisa mukwa ululi kanda avulumuna, mba iye kavulumwine, kumakatwama ni mwono mumu hevwa kukanjisa che; ni yena hiwalamwina mwono we.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Luka 10:22

Kanangukunjika yuma yeswe kuli Tata; mba niumwe manyingika chize mwe Mwana apwa shina Tata; ni chize apwa Tata shina mwe Mwana, ni yoze mweswawo mwe Mwana mapala kumusolola.

Yoano 10:15

chizechene ngwe Tata kanangunyingika, ni yami ngunanyingika Tata; mungutumbika mwono wami hali mapanga.

Yoano 13:33

Ana akepe, shimbu likepe wika yami nguli hamwe ni yenu. Kumunukangufupa: chizechene ngwe nambile kuli A-Yunda ngwami, Kuze munguya yami, yenu kunwahashile kuyako: chocho ngunambe kuli yenu haliapwila.

Yoano 14:16

Mungukalemba kuli Tata, iye kumakanwaha Chikwashi mukwo, hanga akapwe hamwe ni yenu ndo ku miaka ya mutolo.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Yoano 21:5

Yesu kashika yamba kuli ayo ngwenyi, Ana, nuli ni chimwe cha kwelela nacho, nyi? Amukumbulwile ngwo, Ka.

Yoano 5:14

Kulutwe Yesu yamuwana mu tembele, yamba kuli iye ngwenyi, Tala, hiwapwa mungunu: kanda ukavulumuna nawa, kuchina chuma chipi chahiana muchikuwana.

Yoano 5:36

Alioze Shindakenyo yize nguli nayo yinahiana yize ya Yoano; mumu yitanga yize anguhele Tata, hanga ngukayimanunune, yitanga yiyene nakulinga, kuyakushindakenya hali yami ngwo, Tata hanangutumu.

Yoano 6:27

Kanda nukalinga milimo ha kulia chize cha kutoka, alioze nukalinge milimo ha kulia chize chili ni mwono wa mutolo, chenacho mwe Mwana Mutu makanwaha: mumu iye, Zambi mwe Tata hanamujiki ni Chijikilo.

Yoano 8:11

Iye wambile ngwenyi, Niumwe, Mwene. Yesu wambile kuli iye ngwenyi, Ni yami nawa chishi kukuhisa, yako kwe; chize ku haliapwila ndo ku miaka kanda ukavulumuna nawa.

Yilinga 7:52

Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe.

A-ROMA 5:10

Mumu kachi shimbu twapwile akwa kole, twawanyine ni Zambi ku kufwa cha Mwanenyi, Shinaho chikolo se hitunawane, makatulamwina ni mwono wenyi;

A-ROMA 6:15

Mba kuchi? Tuvulumune, mumu kutushi kushi lia shimbi, alioze kushi lia vumbi nyi? Ka, pundu.

A-ROMA 8:34

Iya yoze mahisa? Ngwetu, Kristu Yesu yoze wafwile hanji yoze amuhindwishile hakachi ka afu, nyi? Yoze uli ku kwoko lia chindume lia Zambi, yoze nawa wakutuhakwila, nyi?

1 Korintu 15:34

Lawilenu ku ululi, kanda nuvulumuna; mumu amwe keshi chinyingi cha Zambi: ngunahanjika chino hanga ngunukolese sonyi.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Galashia 4:19

Ana jami akepe, hali yenu nakwivwa yikola ya kusema cheka nawa ndo Kristu matengewa muli yenu;

Efesu 2:18

mumu muli iye yetu, eswe aali, unjililo tuli nawo muli Spiritu umuwika kuli mwe Tata.

Efesu 4:26

Tenukenu; kanda nuvulumuna; tangwa kanda Ukanjila ha utenu wenu;

1 Timoteu 2:5

Mumu kwali Zambi umuwika, ni chitakanyishi umuwika hakachi ka Zambi ni atu, iye mwe mutu Kristu Yesu,

1 Timoteu 3:14

Yino yuma ngunasoneka kuli yena, se ngunatatatata kwiza kuli yena nikawashi.

Hebreu 9:24

Mumu Kristu kanjililemo muma musandu mwa kutungiwa ni moko, te Chizulie cha muma musandu mwamwenemwene; aiioze mwilu mwene hanga akasoloke haliapwila kumeso ja Zambi hali yetu:

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.

Tiangu (Jake) 3:9

Twakufumanyisa nalio Mwene kanda Tata; twakushinga nalio atu aze aatangile mu kulifwa cha Zambi.

1 Petulu 2:22

Iye kavulumwineko, chipwe mu kanwa lienyi kawanyinemo kalimbalimba.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.

1 Yoano 3:18

Anami akepe, kanda tuzanga ni liji, chipwe ni limi; aiioze ni yitanga ni umwenemwene.

1 Yoano 3:5

Ni yenu nunanyingika hanamusolola hanga akachize milonga, ni muli iye shili yakuhi niyimwe.

1 Yoano 3:7

Yenu ana akepe, niumwe kanda akanwonga: yoze wakulingalinga ululi iye mukwa ululi, chizechene ngwe iye mukwa ululi.

1 Yoano 4:4

Yenu nuli a kuli Zambi, ana akepe, hinunaakumbu; mumu yoze uli muli yenu iye munene Wahiana yoze uli hano hashi.

1 Yoano 5:17

Uhenge weswe shili, aiioze kuuli mulonga hi wa kufwa ko.

1 Yoano 5:21

Ana akepe, lifungenu ku mahamba. Amene.

3 Yoano 1:4

Uwahililo wahiana uno chishi nawo shina kwivwa hali ana jami ngwo, Kanende mu umwenemwene.