1 Yoano 1:9 - MUKANDA USANDU WA ZAMBI 1975

⁹ Kachi mutushikisa milonga yetu, kachi iye wamwenemwene, iye mukwa ululi kutukonekena milonga yetu, ni kutupemesa ku uhenge weswe.

Mukanda Wa Zambi 1970

⁹ Alioze, nyi twakushikisa milonga yetu, iye kali mukwa kushishika ni mukwa ululi ha kutukonekena milonga yetu, ni kutubemesa ku uhenge weswe.

1 Yoano 1:9 Iomraidhean Croise

1 Yitanga Ya Mianangana 8:30

Panjika ku kuliumba cha kavumbi ke ni ku kuliumba cha atu je A-Izalele muze matemba nikutalikisa kuno. Panjika muze mwilu watwama, ni ha kupanjika, utokonekene kama.

1 Yitanga Ya Mianangana 8:47

chipwe chocho, nyi manyonga mu chifuchi kuze haatwala funge, akatewuluke akaliumbe mu chifuchi cha waze haatwala funge ngwo, Hitwavulumuna, hitwalinga nikupiya, hitwalinga ungulungulu.

Nehemia 1:6

Matwi je akapanjike; meso je akatale, wivwe kulemba cha yami kavumbi ke, chino ngunalembe kumeso je haliapwila, mwalwa ni ufuku, hali tuvumbi twe A-Izalele, shimbu ngunashikisa milonga ya A-Izalele yize hitwakuvulumuna; ewa, ni yami ni munyachi wa tata hitwavulumuna.

Miaso (Masamu) 19:12

Iya manyingika kupianguka chenyi? Ngupemese kama ku tupalia twa kusweka.

Miaso (Masamu) 32:5

Natayile shili yami kuli yena, uhenge wami chauswekele. Nambile ngwami, Mungushikisa uvulumunyi wami kuli Yehova mba yena wakonekenene uhenge wa shili yami.(Litulike.)

Kutuhuka 34:7

Kakufunga utu wa zango hali tununu twa atu, kakukonekena uhenge ni uvulumunyi ni shili. Keshi kusambisa nichimwe yoze wahia. Kakufwetesa uhenge wa yisemi hali ana jo ni hali ajikulu, ha chisemuko chamuchitatu ni ha chisemuko chamuchiwana.

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Izaya 45:21

Ambululenu chikuma chenu nukachilumbunune. Atwame punga. Yoze walwezele chuma chino kulu, iya? Yoze wachambulwilile ku miaka ya kushi, iya? Hi yami ko, Yehova? Kukushi nawa zambi mukwo shina yami mwene, Zambi ya ululi, Chilamwina; kukushi mukwo shina yami mwene.

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Jeremia 33:8

Mungukaapemesa ku uhie wa kunguvulumuna; mungukakonekena uhie wa kunguvulumuna ni kungukatukila.

Lungungu 3:23

Yakupwa yaha tangwa ha tangwa; uli wa jika liakulu.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Ezekiel 37:23

Kechi kalichisa nawa ni mahamba jo ni yuma yo ya kuvwisa kupiha, hanji Utanguko wo weswawo, alioze mungukaalamwina ku kukokoloka cho kuze havulumuna. Mungukaapemesa, mba kumakapwa atu jami, ni yami mungukapwa Zambi yo.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Mateu 3:6

waapapachishile mu lwiji Yordau, o nikushikisa milonga yo.

Marku 1:5

Kwatuhukile kuli iye akwa chifuchi cheswe cha Yundeya, ni waze eswe a ku Yerusaleme, iye waapapachishile mu lwiji Yordau, o nikushikisa milonga yo.

Luka 22:57

Alioze walikalile, ngwenyi, Pwo, chamunyingikine.

Yoano 17:25

A Tata, mukwa ululi, akwa hashi kakunyingikineko, alioze yami nakunyingikine; ni wano anyingikine ngwe wangutumine;

Yilinga 19:18

Anji a kuli waze afulielele, ejile nikushikisa, nikwambulula yitanga yo.

A-ROMA 3:26

Ha kusolola chinyingi cha ululi wenyi ha mwaka uno haliapwila: hanga akasambe, akapwe mukwa kusambisa yoze uli ni Ufulielo muli Yesu.

1 Korintu 1:9

Zambi keshi kwalumuka, kuli iye hananutambika ku kuliendela cha Mwanenyi Yesu Kristu Mwene wetu.

1 Korintu 6:11

Ngwe wano amwe a kuli yenu nwapwile: alioze hananusanyisa, alioze hananusela ku usandu, alioze hananusambisa mu jina lia Mwene Yesu Kristu, muli Spiritu ya Zambi yetu.

Efesu 5:26

hanga akachisele chisandu, akachipemese ku kusanyisa cha meya ni tachi ja liji,

Shimbi 7:9

Kashika, nyingikenu ngwami, Yehova Zambi yenu, iye Zambi, Zambi mukwa jika, wakufunga usendo ni utu wa zango ku kanunu ka yisemuko, kuli waze eswe akumuzanga, te waze akufunga maliji jenyi a shimbi,

1 Timoteu 1:15

Liji lino liatela kufuliela, linatambe kutá cheswe, ngwo, Kristu Yesu wejile hano hashi mukulamwina yivulumunyi; hakachi ko, yami nahiana.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 10:23

Tulalaminyenu ku kutayiza cha kutalatala chetu, nikulihiza ka; mumu yoze walakenyene iye mukwa jika.

Hebreu 11:11

Ku Ufulielo chipwe Sara mwene watambwile tachi ja kuseseka ufumba muze te hapalika mwaka, se wamunyongene wamwenemwene yoze walakenyene:

Hebreu 6:10

Mumu Zambi hi chihenge ko, akavulame milimo yenu ni zango lize nwalwezele ku jina lienyi, se nwavumbikile asandu, se nuchili ni kwavumbika.

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

Usolwelo 15:3

O yemba mwaso wa Mose, ndungo ya Zambi, ni mwaso wa mwe Mwana-panga, ngwo, Yitanga ye yinene ni ya ku komwesa, Mwene Zambi ya Ndundo-Jeswe! Majila je amwenemwene ni a ululi, Mwanangana wa mavungu!