1 Yoano 1:3 - MUKANDA USANDU WA ZAMBI 1975

³ yoze hitunamumono, Hitunamwivu, tunanwambulwilaye, hanga ni yenu nawa nukalikunde hamwe ni yetu; ni kulikunda chetu chamwenemwene chili hamwe ni mwe Tata, ni hamwe ni Mwanenyi Yesu Kristu:

Mukanda Wa Zambi 1970

³ Yize twamwene ni twevwile, tunanwambulwila yo yenu nawa, hanga nulinunge ni yetu mu kuliendela chize tuli nacho hamwe ni Tata ni Mwanenyi Yesu Kristu.

1 Yoano 1:3 Iomraidhean Croise

Jobe 13:1

Meso jami hamona yino yuma yeswe, matwi jami hayivwa, hayisa chinyingi.

Miaso (Masamu) 2:7

Kumungwambulula ye shimbi: Yehova hanambe kuli yami ngwenyi, Yena uli mwanami; tangwa lino hinakusema.

Miaso (Masamu) 22:22

Mungwambujola jina lie kuli mandumbu jami. Hakachi ka chikungulwila mungukuhalisa.

Izaya 66:19

Mungukamika chilayi hakachi ko. Waze malisalaho hakachi ko mungukatuma ku mavungu ku Tashi ni ku Pule, ni ku Lutu, akwa kunana uta, ni ku Tupale ni Yavwane ni ku mbaka jize ja kusuku, kuze kanda achivwa lufuma wami, hanji kumona uhenya wami; mba mambujola uhenya wami hakachi ka mavungu.

Kwalula 10:32

Muchikapwa, nyi yenu munuya hamwe ni yetu, ngwami, yuma yipema Yehova makatulinga yetu, yiyene kumutukanulinga yenu.

Yoano 17:11

Ni yami chishi nawa hano hashi, ni wano hwali hano hashi, yami mungwiza kuli yena. Tata Musandu, uafunge kama mu jina lia yena mwene, waze hiunangwehe, hanga akapwe umuwika, chizechene ngwe yetu.

Yoano 17:21

hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

Yoano 17:25

A Tata, mukwa ululi, akwa hashi kakunyingikineko, alioze yami nakunyingikine; ni wano anyingikine ngwe wangutumine;

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 19:35

Yoze hanachimono hanashindakenya, ni Shindakenyo yenyi yamwenemwene: neye kananyingika kanambe chamwenemwene, hanga ni yenu nawa nukafulile.

Yilinga 13:32

Mba yetu tunanwambulwila sango lipema lia chilakenyo chize alakenyene kuli tulamba,

Yilinga 13:41

Talenu, yenu akwa kaleleso, komokenu, tokenu; mumu mungulinga chitanga ha matangwa jenu, chitanga chize kunuchi kachifuliela nichimwe, kachi umwe manwambulwilacho.

Yilinga 2:42

O anyongonwene mu longeso lia apostolo, nikuliendela, ni upatwilo wa mbolo, ni kulemba.

Yilinga 20:27

Mumu chalitwaminyine kwambujola kuli yenu mana eswe a Zambi.

Yilinga 4:20

mumu yetu kutwahashile shina kuhanjika yuma yize twamwene, twevwile.

A-ROMA 15:27

Ewa, hichinaawahila; o kanapu akwa makongo kuli ayo, mumu kachi akwa mavungu hanalianyina ni yuma yo ya uspiritu, chaatamba nawa kwalingila ni yuma yatwala ku mujimba.

1 Korintu 1:30

Alioze yenu nuli muli Kristu Yesu nikulita ni kulinga cha Zambi, yoze amupwishile kuli yetu, mana a kuli Zambi, ni ululi, ni usandu, ni ukule:

1 Korintu 1:9

Zambi keshi kwalumuka, kuli iye hananutambika ku kuliendela cha Mwanenyi Yesu Kristu Mwene wetu.

1 Korintu 15:1

Alioze ngunanunyingikisa, mandumbu, sango lipema lize nanwambujolele, lize nawa nwatambwile, mwenamo nawa nunamana;

2 Korintu 13:14

Vumbi lia Mwene Yesu Kristu, ni zango lia Zambi, ni kuliendela cha Spiritu Musandu chikapwe hamwe ni yenu eswe.

Efesu 3:6

Ngwo, Akwa mavungu kanapu maswana-ni-akwo, ni yihanda-ni-yikwo ya mujimba umuwika, ni akwa kuliangana-ni-akwo cha chilakenyo muli Kristu Yesu ku sango lipema.

Filipu 1:7

Chizechene ngwe chinangutela kunyonga chino hali yenu eswe, mumu nguli ni yenu mu mbunge yami; mumu chipwe mu makana jami, ha kufunga ni kukolesa sango lipema, yenu eswe nuli akwa kulianyina ni yami ha vumbi.

Filipu 2:1

Kashika kachi kuchili kulembejeka chimwe muli Kristu, kachi kusangulwisa chimwe cha zango, kachi kuliendela chimwe cha Spiritu, kachi mbunge yimwe ya keke,

Filipu 3:10

hanga ngukamunyingike, ni tachi ja Uhindukilo wenyi, ni kulikunda cha lamba lienyi, nikulifwa ni kufwa chenyi;

Kolosu 1:13

mwenawo hanatupulula ku chiyulo cha milima, hanatututulwila ku wanangana wa mwe Mwana wa zango lienyi.

1 Tesalonika 1:10

nikutwaminyina Mwanenyi ku malilu, yoze amuhindwishile hakachi ka afu, iye Yesu, yoze wakutupulula ku utenu uze muwizaho.

1 Timoteu 6:2

Ni waze apwa miata, akwa kufuliela, kanda aalelesa, mumu apwa mandumbu; alioze Shinaho akaalingile, mumu waze akutambula ye milimo yipema o akwa kufuliela-ni-akwetu kanaazange chikolo. Longesa yino yuma nikuyishinjila.

Hebreu 2:12

Ngwenyi, Mungukambujola jina lie kuli mandumbu jami, mukachi ka chikungulwila mungukemba uhaliso we.

Hebreu 3:1

Kashika, mandumbu asandu, akwa! kulianyina ha kutambika cha mwilu, Zewulenu mwe Postolo kanda mwe Sasendote mukwa lutwe wa kutayiza chetu, iye Yesu.

Hebreu 3:14

Mumu hitwapwa akwa kulianyina ni Kristu, kachi chamwenemwene mutulalaminya ku uputukilo wa ukolelo wetu wa ngú ndo ku songo.

1 Petulu 5:1

Makulwana hakachi kenu, ngunaashinjila, yami nguli mukulwana-ni-mukwo, ni chela cha lamba lia Kristu, yami nawa nguli mukwa kulianyina ha uhenya uze himuusoloka:

2 Petulu 1:16

Mumu kutwakawile yishima ya kutaka ni mana amokomoko, muze twanunyingikishine tachi ni kuheta cha Mwene wetu Yesu Kristu, aiioze twapwile yela ja ulamba wenyi.

1 Yoano 1:1

Yoze wapwile chize ku uputukilo, yoze Hitunamwivu, yoze hitunamumono ni meso jetu, yoze hitunamutale, ni moko jenu hitunamuvwavwata, ha kutwala ku liji lia mwono,

1 Yoano 1:5

Lino lie liji twevwile kuli iye, tunanwambulwilalio, ngwo, Zambi iye pangu, muli iye milima yakuhi niyimwe.

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.