1 Yoano 1:2 - MUKANDA USANDU WA ZAMBI 1975

² (hanasolola mwono, mba hitunamono, twakushindakenya, tunanwambulwila mwono wa mutolo, yoze wapwile hamwe ni mwe Tata, hanamusolola kuli yetu);

Mukanda Wa Zambi 1970

² Muze mwono uno wasolokele, yituumona. Kashika tuli yela jawo, ni tunanwambulwila mwono wa miaka yeswe uze wabwile hamwe ni Tata, ni hanatusolwela wo.

1 Yoano 1:2 Iomraidhean Croise

Yoano 1:18

Niumwe wamwene Zambi niumwe mwaka; mwe Mwana wa wika, yoze uli mu kondo ya Tata, iye hanamusolola.

Yoano 1:4

Muli iye mwapwile mwono; ni mwono wapwile pangu lia atu.

Yoano 10:28

ngunaahe mwono wa mutolo; o kechi katoka nichimwe ndo ku miaka ya mutolo, mba niumwe kechi kaachangumuna ku kwoko liami.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Yoano 15:27

ni yenu nawa nwakushindakenya, mumu kunwapwa hamwe ni yami chize ku uputukilo.

Yoano 16:28

Nakatukile kuli Tata, hinguneza hashi; cheka nawa, munguhichika hashi, munguya kuli Tata.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 17:5

Haliapwila, nguchichimieke, Tata, hamwe ni yena ni uhenya uze napwile nawo hamwe ni yena, muze te hashi kanda hapwa.

Yoano 19:35

Yoze hanachimono hanashindakenya, ni Shindakenyo yenyi yamwenemwene: neye kananyingika kanambe chamwenemwene, hanga ni yenu nawa nukafulile.

Yoano 21:14

Chino che chisuho chamuchitatu Yesu walisolwele kuli tumbaji twenyi, muze te hahinduka hakachi ka afu.

Yoano 3:13

Mba niumwe wazezukile mwilu shina yoze wahulumukine mwilu, mwe Mwana Mutu, mwenawo mwilu mwali.

Yoano 7:29

Alioze ngunamunyingika; mumu kuli iye ngunakatuka, iye wangutumine.

Yoano 8:38

Nakuhanjika yuma yize hingunamono hamwe ni Tata; ni yenu nawa nwakulinga yuma yize nwevwile kuli tatenu.

Yilinga 1:22

putu ku upapachiso wa Yoano ndo ku tangwa lize amuchijile kuli yetu amutambule mwilu, chatamba umwe wa kuli wano akapwe chela hamwe ni yetu cha Uhindukilo wenyi.

Yilinga 10:41

hi kuli atu eswe ko, alioze kuli yela waze Zambi waatongwele kushi, yetu twalile, twanwine hamwe nenyi muze te hahinduka hakachi ka afu.

Yilinga 2:32

Yono Yesu, Zambi hanamuhindwisa, hali iye yetu eswe tuli yela.

Yilinga 3:15

Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela.

Yilinga 5:32

Ni yetu tuli yela ja yino yuma; ni Spiritu Musandu nawa, yoze Zambi hanahana kuli waze akumwononokena.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

Galashia 4:4

Alioze muze miaka yacha Zambi watumine Mwanenyi wa kusemuka kuli pwo, wa kusemuka kushi lia shimbi

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

2 Timoteu 1:10

Alioze haliapwila hanalisolola ku usolokelo wa Chilamwina chetu Yesu Kristu, yoze hanamanununa kufwa, hananeha ku pangu mwono kupola chakuhi mu sango lipema.

Titu 1:2

mukutalatala mwono wa mutolo, uze Zambi, yoze keshi mahuza, walakenyene ku miakulwila;

1 Petulu 5:1

Makulwana hakachi kenu, ngunaashinjila, yami nguli mukulwana-ni-mukwo, ni chela cha lamba lia Kristu, yami nawa nguli mukwa kulianyina ha uhenya uze himuusoloka:

1 Yoano 1:1

Yoze wapwile chize ku uputukilo, yoze Hitunamwivu, yoze hitunamumono ni meso jetu, yoze hitunamutale, ni moko jenu hitunamuvwavwata, ha kutwala ku liji lia mwono,

1 Yoano 2:25

Ni chino che chilakenyo chize hanatulakenya, te mwono wa mutolo.

1 Yoano 3:5

Ni yenu nunanyingika hanamusolola hanga akachize milonga, ni muli iye shili yakuhi niyimwe.

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.

1 Yoano 4:14

Yetu hitunamono, twakushindakenya ngwetu, Mwe Tangi hanatumu mwe Mwana akapwe Chilamwina cha akwa hashi.

1 Yoano 4:2

Ku chino nunanyingika Spiritu ya Zambi: Spiritu mweswawo matayiza ngwo, Yesu Kristu haneza mu musunya, iye wa kuli Zambi.

1 Yoano 5:11

Ni yino ye Shindakenyo ngwo, Zambi hanatwehe mwono wa mutolo; ni mwono uno uli muli Mwanenyi.

1 Yoano 5:13

Yino yuma hinasoneka kuli yenu hanga nukanyingike mwono wa mutolo nuli nawo, yenu nwakufuliela ku jina lia mwe Mwana Zambi.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.