1 Yoano 1:1 - MUKANDA USANDU WA ZAMBI 1975

¹ Yoze wapwile chize ku uputukilo, yoze Hitunamwivu, yoze hitunamumono ni meso jetu, yoze hitunamutale, ni moko jenu hitunamuvwavwata, ha kutwala ku liji lia mwono,

Mukanda Wa Zambi 1970

¹ Tunanusonekena hakutwala ku liji lia mwono, lize liabwile chize ku Ubutukilo wa yuma yeswe. Yitulivwa, yitulimona ni meso jetu, yitulitala, yitulivwavwata.

1 Yoano 1:1 Iomraidhean Croise

Izaya 41:4

Iya hamanununa nikulinga chuma chino, ni kusanyika yisemuko chize ku uputukilo? Yami, Yehova, mutangu, ni yami nguli hamwe ni asula, Yami Nguli.

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Luka 1:2

chizechene ngwe atukunjikileyo, waze apwile yela ni tulala twa lie liji, chize ku uputukilo,

Luka 24:39

Talenu moko jami ni molu jami, yami mwene: nguvwavwate, talenu; mumu mujimu keshi musunya ni yifwaha ngwe nunangumono nayo.

Yoano 19:35

Yoze hanachimono hanashindakenya, ni Shindakenyo yenyi yamwenemwene: neye kananyingika kanambe chamwenemwene, hanga ni yenu nawa nukafulile.

Yoano 20:27

Kulutwe lia chize yamba kuli Tomase ngwenyi, Neha munwe we, utale moko jami, neha kwoko lie, ulise mu lumbu liami: kanda upwa kushi Ufulielo, alioze pwako mukwa kufuliela.

Yoano 5:26

Mumu chizechene ngwe mwe Tata mwono akwete muli iye mwene, chocho nawa wahanyine kuli mwe Mwana nawa kupwa ni mwono muli iye mwene.

Yoano 8:58

Yesu wambile kuli ayo ngwenyi, Pundu, pundu, ngunambe kuli yenu ngwami, Muze te Apalahama kanda apwa, yami nguli.

Yilinga 1:3

kuli ayo nawa, walisolwele ni mwono ni yinyingi yinji, kulutwe lia lamba lienyi, nikumoneka kuli ayo makumi awana a matangwa, nikuhanjika yuma ya kutwala ku wanangana wa Zambi.

Yilinga 4:20

mumu yetu kutwahashile shina kuhanjika yuma yize twamwene, twevwile.

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

1 Yoano 4:14

Yetu hitunamono, twakushindakenya ngwetu, Mwe Tangi hanatumu mwe Mwana akapwe Chilamwina cha akwa hashi.

1 Yoano 5:7

Yoze wakushindakenya iye mwe Spiritu, mumu Spiritu iye umwenemwene.

Usolwelo 1:11

Unambe ngwo, Chize unamono, chisoneke mu mukanda, ukautume ku yikungulwila shimbiali: ku Efwesu, ni ku Semina, ni ku Perekamu, ni ku Tayatera, ni ku Sarte, ni ku Filadelfia, ni ku Laotisea.

Usolwelo 1:8

Yami nguli mwe Alfwa ni mwe Omega, chocho anambe Mwene Zambi, yoze kwali, yoze wapwile, yoze meza kupwa, mwe Mukwa-Ndundo-Jeswe.

Usolwelo 19:13

Iye kanazala hina lia kuchupika mu manyinga: ni jina lienyi lize anamuvuluka ngwo, Lie Liji lia Zambi.

Usolwelo 2:8

Kuli mungelo wa chikungulwila cha ku Semina Soneka ngwe, Yino yuma kanambe mwe mutangu, mwe kasula-songo, yoze wapwile mufu wahindukile ni mwono cheka nawa, ngwenyi,