1 Timoteu 4:3 - MUKANDA USANDU WA ZAMBI 1975

³ Kakukanjisa kumbata, kakujilika kulia, chize Zambi hanatange hanga akwa kufuliela, waze akunyingika liakulu umwenemwene, akachitambule ni kusakwila.

Mukanda Wa Zambi 1970

³ Atu waze kaakukanjisa umbachiso ni kujilika kulia yuma yikwo. Alioze Zambi hanayilingi hanga atu akayilie. Akwa Kristu waze anyingika umwenemwene, maasakwila mba maayilia.

1 Timoteu 4:3 Iomraidhean Croise

Ubutukilo 9:3

Tushitu eswe akwenda ni mwono kumapwa kulia che, ngwe nakuhele mafwo a wisu chocho ngunakwehe yeswe.

Longeshi 5:18

Chize namona kupema ni kuwaha ngwami, Mutu akalie, akanwe, akawahe ni yipema ya kuhondangana chenyi cheswe chize anahondangana nacho kushi lia tangwa matangwa eswe a mwono uze Zambi hamwaha. Chihanda chenyi chenacho.

Daniel 11:37

Kechi kalemesa mazambi ja tulamba twenyi, chipwe usolo wa mapwo, chipwe kulemesa zambi niumwe, mumu makalinangamisa helu lia yuma yeswe.

Mateu 14:19

Wambile mbunga atwame ha mwambu, wanjile mbolo jitano ni yishi aali, nikuhetula meso jenyi kwilu, wawahishile mbolo, wajipalwile, wajihanyine kuli tumbaji, mba tumbaji ajihanyine ku mbunga.

Mateu 15:11

Hi chize ko muchinjila mu kanwa muchipihisa mutu; alioze chize muchituhuka mu kanwa, chino muchipihisa mutu.

Mateu 15:36

wanjile mbolo shimbiali ni e yishi; wasakwilile, wajipalwile, wajihanyine kuli tumbaji twenyi, ni tumbaji twenyi ajihanyine ku mbunga.

Luka 24:30

Muze te hatwama ku mesa hamwe no, wanjile mbolo, wayiwahishile; iye nikuyipalula waaheleyo.

Yoano 6:23

(Alioze mato akwo akatukile ku Taipiria, ahetele hakamwihi no homa haze alilile mbolo, muze te Mwene hasakwila):

Yilinga 27:35

Muze te hamba yino yuma, yanda mbolo, yasakwila kuli Zambi kumeso ja eswe; yayipatula, yaputuka kulia.

A-ROMA 14:17

mumu wanangana wa Zambi hi kulia ko, hi kunwa ko, alioze ululi, ni sambukila, ni uwahililo muli Spiritu Musandu.

A-ROMA 14:3

Yoze wakuli a, kanda alelesa yoze keshi kulia; ni yoze keshi kulia kanda apatwila yoze wakulia, mumu Zambi hanamutambula.

A-ROMA 14:6

Yoze malemesa tangwa, malilemesa kuli mwe Mwene; ni yoze malia, malia kuli mwe Mwene, mumu masakwila kuli Zambi; ni yoze keshi kulia, kuli mwe Mwene keshi kulia, masakwila kuli Zambi.

1 Korintu 6:13

Kulia ha jimo, ni jimo ha kulia: alioze Zambi kumakahwisa yeswe yiali. Alioze mujimba hi ha utanji ko, alioze hali Mwene, ni Mwene ha mujimba:

1 Korintu 7:28

Alioze kachi mumbata kachi kwavulumwineko; kachi mwana-pwo yoze kanda amumbata, maya ulo kachi kavulumwineko. Hindu waze ngwe wano kumakapwa ni luyinda ha mwono uno: alioze keke ngunanuvwila.

1 Korintu 8:8

Alioze kulia kuchishi kutuneha kumeso ja Zambi: chipwe kutushi kulia, kutushi kuhona; chipwe kachi mutulia kutushi kuhiana.

Kolosu 2:16

Niumwe kanda anupatwila kashika ha kulia, hanji ha kunwa, hanji ha kutwala ku tangwa lia chiwanyino, hanji kakweji mwaha, hanji tangwa lia Sambata.

Kolosu 3:17

Cheswacho munulinga, chipwe ha liji, chipwe ha chitanga, lingenu yuma yeswe mu jina lia Mwene Yesu, muli iye Sakwilenu kuli Zambi kanda mwe Tata.

1 Timoteu 2:4

yoze unazange atu eswe kulilamwina, akahete ku chinyingi cha umwenemwene.

1 Timoteu 4:4

Mumu chitanga cheswe cha Zambi kuchinapeme, kuchatambile kulituna nichimwe nyi machitambula ni kusakwila;

1 Timoteu 5:14

Kashika ngunazange twamishi a mapwo ni miaka yikepe akaye ulo, akaseme ana, akayule yuma ya mu zuwo, kanda akahana unjililo kuli mukwa kulimika akatúke.

Hebreu 13:4

Umbachiso akaulemese kuli eswe, ni muhela kanda akausela ku luchisa: mumu mapangala ni yitanji Zambi kumakaapatwila.

Hebreu 13:9

Kanda nuhungumioka ni longeso lieka ni lieka, lize kulialumbunukine; mumu chinawaha mbunge yikakole mu vumbi; hi mu kulia ko, mumu kuchafumbukile kuli waze endelemo.

1 Samuel 9:13

Ha kuheta mu chihunda munumuwana lume shimbu kanda achikanduka ku nangamo mukulia, mumu atu kechi kulia ndo meza, se iye kakuwahisa chitapo mba waze hanaalakenya malia. Kashika yénu, mumu ola yino yene munumuwana.