1 Timoteu 4:1 - MUKANDA USANDU WA ZAMBI 1975

¹ Alioze Spiritu kanambe pundu ngwenyi, Ha miaka ya kusuta, amwe makakatuka ku Ufulielo, nikupanjika kuli maspiritu a kupiangula, ni longeso lia andemoniu,

Mukanda Wa Zambi 1970

¹ Mwiku wa Linanga unahanjika pundu ngwenyi, ha miaka yakusula atu anji maakehuka ufulielo wo. Maakononokena mwiku wa mahuza, maakafunga longeso lia mwiku ubi.

1 Timoteu 4:1 Iomraidhean Croise

Ubutukilo 3:13

Mba Yehova Zambi yamba kuli pwo ngwenyi, Achi hiwalinga chika? Pwo yakumbulula ngwenyi, Mwe kapela wangwonganga mba nalianga.

1 Yitanga Ya Mianangana 13:18

Iye yamukumbulula ngwenyi, Ni yami nawa nguli profeta ngwe yena, mba umwe mungelo hangwamba ni liji lia Yehova ngwenyi, Munehe hamwe ni yena ku zuwo lie akalie mbolo akanwe meya. Alioze te kanamwongo.

Izaya 2:2

Muchiza kupwa ha matangwa a kusula mulundu wa zuwo lia Yehova maukolesa ukahiane milundu yeswe ha kusuha. Maunangamisa helu lia mindundena yeswe, mba mavungu eswe matalikisako.

Jeremia 23:26

Ndo mwiji muka mahuza matwama mu mbunge ja waze akuprofeteza mahuza; waze akuprofeteza yuma ya kwonga ya mu mbunge jo ene?

Jeremia 48:47

Hindu munguhilwisa nawa kuwaha cha Moape ha matangwa a kusula. Chocho kanambe Yehova. Ndo hano, we upatwilo wa Moape.

Jeremia 49:39

Hindu ha matangwa a kusula mungukahilwisa kuwaha cha Elame. Chocho kanambe Yehova.

Ezekiel 1:3

liji lia Yehova yiliza kuli sasendote Ezekiel mwana Buzi, mu chifuchi cha A-Kaletea ku lwiji Chebare. Kwoko lia Yehova liapwile hali iye kokwene.

Ezekiel 38:16

Mukeza kulimika ni atu jami A-Izalele, ngwe lelwa lia kufuka chifuchi. Ha matangwa a kusula mungukakukoka ulimike ni chifuchi chami hanga mavungu ukangunyingike muze mungukasolola usandu wami muli yena Ngoke kumeso jo.

Daniel 10:14

Haliapwila hineza ngukulumbunwine yize muyikawana atu je ha matangwa a kusula. Mumu usolwelo watwala ku matangwa aze meza kwiza.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Mika 4:1

Muchikapwa ha matangwa a kusula mulundu wa zuwo lia Yehova makaukolesa ngwe mulundu uze Wahiana kusuha. Makalinangamisa helu lia mindundena mba mavungu mazombokelamo.

Kwalula 24:14

Kumanyi, haliapwila munguya kuli atu jami: mungukulweza chize wano atu makalinga kuli atu je ha matangwa a kusula.

Mateu 18:7

Lamba kuli akwa hashi mumu ha yitalingiso! Mumu chatamba yitalingiso yikeze, hindu lamba kuli yoze mutu maneha chitalingiso.

Luka 17:1

Iye wambile kuli tumbaji twenyi ngwenyi, Kuchahashile kupwa shina yitalingiso muyiza; alioze lamba kuli yoze mayineha!

Yoano 16:13

Alioze muze iye, mwe Spiritu ya umwenemwene heza, makanusongwela mu umwenemwene weswe; mumu kechi kahanjika cha kuli iye mwene; alioze cheswacho mevwa, chenacho makachihanjika: iye makanwambulwila yuma yize muyizaho.

Yilinga 13:2

Shimbu machivumbika Mwene, nikulitwamina kulia, Spiritu Musandu wambile ngwenyi, Selenu kuli yami haliapwila, Mbarnavwe ni Saulu ha milimo yize hingunaatambikila.

Yilinga 17:18

Alioze amwe a kuli akwa mana jo, A-Epikuria ni A-Stoiku atakanyine nenyi, ambile ngwo, Yono mukwa kumbambula kuchi mamba? Akwo ambile ngwo, Kanasoloka ngwe mukwa kwambujola mazambi ja yilambala; mumu wapwile nikwambujola sango lipema lia Yesu ni Uhindukilo.

Yilinga 20:23

shina Spiritu Musandu kakungushindakenya chikolo mu membo eswe, ngwenyi, Malenge ni luyinda yinakutwaminyina.

Yilinga 21:11

Iye yeza kuli yetu, yanda muya wa Paulu, yalikasa moko jenyi ni molu jenyi mwene, yamba ngwenyi, Chocho anambe Spiritu Musandu ngwenyi, Chocho A-Yunda a mu Yerusaleme kumakasa mwenya muya uno, kumamukunjika ku moko ja akwa mavungu.

Yilinga 28:25

Muze kalitayile hakachi ko, akatukile; muze te Paulu hahanjika liji limuwika ngwenyi, Kanawa wahanjikile Spiritu Musandu kuli tulamba twenu ku kanwa iia profeta Izaia ngwenyi,

1 Korintu 10:20

Ahoze ngunambe ngwami, Yuma yize akwa mavungu akutambula yitapo, kakuyitambuta yitapo kuli andemoniu, hi kuli Zambi ko; mba chazangile yenu nuliendele ni andemoniu.

1 Korintu 11:19

Mumu chatamba kupwa kulihandununa nawa hakachi kenu, hanga waze maasela Shindakenyo yipema akasoloke hakachi kenu.

1 Korintu 12:11

alioze Spiritu umuwika kakulingisa yino yuma yeswe, nikwanyina kuli mutu ni mutu, chizechene ngwe mapala.

1 Korintu 2:10

Alioze Zambi hanayisolola kuli yetu ku tachi ja Spiritu: mumu Spiritu kakuhengula ha yuma yeswe, ewa, yuma yikalu ya Zambi.

2 Korintu 11:3

Alioze ngunevu woma, kuchina ku chuma chimwe, chizechene ngwe kapela wongele Eva ni kalimbavuli kenyi, chocho mapihisa manyonga jenu ku kutuwika cha mbunge ni kulinanga chize chili kuli Kristu.

Shimbi 32:29

Nyi kachi mana apwile no, kachi machisa chinyingi, kachi mamona kama songo lio.

Shimbi 4:30

Ha luyinda ni yuma yino yeswe muyinuwana ha matangwa a kusula, mba munukahiluka kuli Yehova Zambi yenu ni kupanjika ku liji lienyi,

Kolosu 2:18

Niumwe kanda anulimuna kwononona chenu, nikulengumuka ku mbunge yenyi ya kulikehesa, ni kuwayila cha angelo, nikupolongoza mu yuma yize hanamono, nikulifuza ni kunyonga chenyi cha musunya.

2 Timoteu 3:13

Alioze yingulungulu ni akwa kwonga kumakapiha kuhiana, nikupiangula, nikupianguka.

2 Timoteu 4:4

Makatewulula matwi jo ku umwenemwene, makakondolokela ku yishima yamokomoko.

Tiangu (Jake) 3:15

Mana ano hi mana a kuhulumuka kwilu ko, aiioze a hashi, a musunya, a Ndiapu.

1 Petulu 1:20

Amunyingikine chamwenemwene shimbu kanda asela fundamentu ya hashi, aiioze hanamusolola ha kusula songo lia miaka mumu hali yenu.

2 Petulu 2:1

Alioze kwapwile aprofeta a kwonga nawa hakachi ka atu, chizechene ngwe hakachi kenu nawa kumukukapwa alongeshi a kwonga, ku tenga kumakaneha longeso lia kuhandununa lia kwonwona, nikulikala chipwe Mwata yoze waalanjile, ni kuneha hali ayo ene kwonwona cha susumuku.

2 Petulu 3:3

Chuma chitangu nyingikenu ha matangwa a kusula, akwa kukekuna kumakeza ni kukekuna, nikwenda nikulita ni usolo wo ene.

1 Yoano 2:18

Yenu ana, haliapwila ye ola ya kusula: ngwe nwevwile ngwo, Mukwa kulimika ni Kristu kumeza, chipwe haliapwila akwa kulimika ni Kristu anji haneza; ku chino tunanyingika haliapwila ye ola ya kusula.

1 Yoano 4:6

Yetu tuli a kuli Zambi: yoze wakunyingika Zambi kakutwivwa; yoze hi wa kuli Zambi ko keshi kutwivwa. Ku chino tunanyingika Spiritu ya umwenemwene, ni Spiritu ya kupiangula.

Yuda 1:18

ngwe ambile kuli yenu ngwo, Ha mwaka wa kusula kumukukapwa akwa kukekuna, waze akwenda nikulita ni usolo wo ene wa utanganyanyi.

Yuda 1:4

Mumu amwe atu aliombele nikunjila ku tenga, waze ku shakulu aavulukile Shimbu-kanda ha uhiso uno, yitanganyanyi, waze akwalumuna vumbi lia Zambi ujila, kakulikata Mwata wetu umuwika, kanda Mwene wetu Yesu Kristu.

Usolwelo 13:14

Iye yapiangula akwa hashi mumu ha yilayi yize amuhele mukulinga kumeso ja mwe ngongo; nikwamba kuli akwa hashi akatange kaponya kuli ngongo, yoze uli ni mbandu ya katana Watwamine ni mwono.

Usolwelo 16:14

Mumu o maspiritu ja ndemoniu, nikulinga yilayi; waze akutuhuka nikuya kuli mianangana ja yifuchi yeswe ya hashi, mukwakungulula ku jita ya tangwa linene lia Zambi ya Ndundo-Jeswe.

Usolwelo 18:2

Iye wakololokele ni liji lia ngolo ngwenyi, Babilonia hiyapuzuka, hiyapuzuka, hiyapwa muma mwa kutwama mwa andemoniu, ni zuwo lia ususu lia maspiritu eswe a luchisa, ni zuwo lia ususu lia tujila eswe a luchisa ni tujila eswe api.

Usolwelo 18:23

Ni pangu lia ndeya kulichi kapanguka nawa nichimwe muli yena; ni liji lia sandungi ni lia ndungi kechi kalivwa nawa nichimwe muli yena; mumu akwa kutalikila je apwile mahando ja hashi; mumu ni yipandapanda ye apiangwile mavungu eswe.

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.

Usolwelo 2:11

Yoze uli ni matwi, evwe chize anambe Spiritu ku yikungulwila. Yoze makumba kechi kalemana nichimwe ku kufwa chamuchiali.

Usolwelo 2:17

Yoze uli ni matwi, evwe chize anambe Spiritu ku yikungulwila. Yoze makumba, mungukamwaha yimwe ya ku maná ya kuhengama: mungukamwaha lukumbo mutoma, ni ha lukumbo jina liaha linasonewa, lize niumwe manyingika shina yoze malitambula.

Usolwelo 2:29

Yoze uli ni matwi, evwe chize anambe Spiritu ku yikungulwila.

Usolwelo 2:7

Yoze uli ni matwi, evwe chize anambe Spiritu ku yikungulwila. Kuli yoze makumba, mungukamwaha mukulia ku mutondo wa mwono uze uli mu Paraisu ya Zambi.

Usolwelo 20:10

Ni Ndiapu yoze waapiangwile amunyashine mu Chitende cha kahia ni fundanga, muze ali nawa ngongo ni profeta wa kwonga; kumakaamwesa lamba mwalwa ni ufuku ndo ku miaka yeswe ya mutolo.

Usolwelo 20:8

makatuhuka mukupiangula mavungu waze ali ku mbango jiwana ja hashi, Ngoke ni Mangoke, mukwakungulula ku jita: ha kwaalula kanapu ngwe masekeseke a ku kalunga-lwiji.

Usolwelo 3:13

Yoze uli ni matwi, evwe chize anambe Spiritu ku yikungulwila.

Usolwelo 3:22

Yoze uli ni matwi, evwe chize anambe Spiritu ku yikungulwila.

Usolwelo 3:6

Yoze uli ni matwi, evwe chize anambe Spiritu ku yikungulwila.

Usolwelo 9:20

Mba masalila ja atu aze kaashihile ni lamba lino, kalikonyekeneko ha yitanga ya moko jo, hanga kechi kawayila andemoniu, ni mahamba ja oru, ni ja prata, ni ja kengelia, ni ja mawe, ni ja mitondo; waze kahashileko chipwe kumona, chipwe kwivwa, chipwe kwenda: