1 Timoteu 3:4 - MUKANDA USANDU WA ZAMBI 1975

⁴ mukwa kuyula zuwo lienyi kanawa, ni ana jenyi akumuzeyela, keshi lwelia;

Mukanda Wa Zambi 1970

⁴ Chamutamba kunyingika kuyula zuwo lienyi kanawa, ni kuhombola ana jenyi ha kumwononokena ni vumbi lieswe.

1 Timoteu 3:4 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Yilinga 10:2

mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe.

Efesu 5:24

Alioze chizechene ngwe chikungulwila kuchakuzeya kuli Kristu, chocho nawa mapwo akazeye kuli akwo-malunga mu yuma yeswe.

Filipu 4:8

Ha yize yinasala, mandumbu, yeswayo yamwenemwene, yeswayo kuyishi lwelia, yeswayo ya ululi, yeswayo yitoma, yeswayo yatela kufwila, yewsayo ya lufuma mupema; kachi kuhiana chimwe, kachi uhaliso umwe, nyongenu ha yino yuma.

1 Timoteu 3:12

Kavumbi akapwe lunga lia pwo umuwika, kanayulu ana jo, ni mazuwo jo kanawa.

Titu 1:6

kachi umwe masamba ku kusuma cheswe, lunga wa pwo umuwika, kali ni ana a kufuliela, waze keshi kusumiwa ha kuhungumuka ni yipi, hanji kukolema.

Titu 2:2

Makulwana ja malunga akakeyele, keshi lwelia, akwa mana, angunu mu Ufulielo, mu zango, mu uhumikizo.

Titu 2:7

Ha yuma yeswe nikulilweza yena mwene ngwe chilweza cha yitanga yipema; ha kulongesa che ni kulweza ungunu, kushi lwelia,

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.