1 Timoteu 3:1 - MUKANDA USANDU WA ZAMBI 1975

¹ Liji lino liamwenemwene ngwo, Kachi umwe mafupa milimo ya kalayi, kachi mazanga milimo yipema.

Mukanda Wa Zambi 1970

¹ Lino liji liamwenemwene ngwo, nyi mutu manyonga kubwa kalayi wa Chikungulwila, kanazange milimo yibema.

1 Timoteu 3:1 Iomraidhean Croise

Yishima 11:30

Mihuko ya akwa ululi yapwa ngwe mutondo wa mwono; ni mukwa mana kakukoka mbunge ja atu.

Luka 15:10

Chizechene ngwami, Uwahililo kuuli kumeso ja angelo ja Zambi ha chivulumunyi umuwika yoze malikonyeka.

Yilinga 1:20

mumu chinasonewa mu mukanda wa Masamu ngwo, Chihela chenyi chikapwe cha hululu, kanda akatwamamo niumwe; ni mukwo akatambule chitwamo chenyi.

Yilinga 20:28

Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene.

A-ROMA 11:13

Mumu ngunahanjika kuli yenu, nuli akwa mavungu, mumu te yami nguli postolo wa mavungu, ngunachichimieka uvumbiko wami;

Efesu 4:12

kululika asandu ha milimo ya uvumbiko, mukukolesa mujimba wa Kristu,

Filipu 1:1

Yetu, Paulu ni Timoteu, ndungo ja Kristu Yesu. Kuli asandu muli Kristu Yesu, waze atwama mu Fwilipu, hamwe ni tulayi ni tuvumbi:

1 Tesalonika 5:14

Alioze tunaliumbu kuli yenu, mandumbu, nukakanyamise yilumbuke, sangulwisenu akwa ulenda ku mbunge, kolesenu akwa kulela, lihumikizenu ni eswe.

1 Timoteu 1:15

Liji lino liatela kufuliela, linatambe kutá cheswe, ngwo, Kristu Yesu wejile hano hashi mukulamwina yivulumunyi; hakachi ko, yami nahiana.

1 Timoteu 4:9

Liji lino liamwenemwene, linatambe kutá cheswe.

2 Timoteu 2:11

Liji lino liamwenemwene ngwo, Mumu kachi twafwile hamwe nenyi, kachi mutukapwa ni mwono hamwe nenyi.

Titu 1:7

Mumu chatamba kalayi, se iye kaselo ka Zambi, akapwe keshi kapalia; hi mukwa pami ko, hi chitenu ko, hi mukwa kuzwela ko ku vinyu, hi mukwa kumbufula ko, yoze keshi chipululu cha upite wa sonyi;

Titu 3:8

Liji lino liamwenemwene. Ha kutwala ku yino yuma ngunazange ukalishinjike, hanga waze hanafuliela kuli Zambi, akase mbunge kulalaminya ku yitanga yipema. Yino yuma yinapeme, yakufumbula atu.

Hebreu 12:15

Talenu kanawa kuchina mapwa umwe wakuhona vumbi lia Zambi, kuchina muji umwe wa usasu muze wasoka, muunupinjisa, ni anji malichisa nawo;

1 Petulu 2:25

Mumu yenu nwapwile nikupianguka ngwe mapanga, aiioze haliapwila hinunahilukila kuli Kafunga, Kalayi ka mbunge jenu.

1 Petulu 4:15

Alioze niumwe wa kuli yenu, kanda akamona lamba ha mulonga wa ungalwe, hanji mwiji, hanji mukwa kulinga yipi, hanji mukwa kusunga ku yuma ya mbala.

1 Petulu 5:2

ngwami, Fungenu mbunga ya mapanga a Zambi, yize yili hakachi kenu, pwenu tulayi, hi ha kuzangisa ko aiioze mumu nunazange: chipwe hi mukufumbuka ko ku upite wa sonyi, aiioze mumu ha zango.