1 Timoteu 2:9 - MUKANDA USANDU WA ZAMBI 1975

⁹ Chizechene nawa, mapwo aliwahise ni mazalo aze analite, ni kuhomboka ku meso ni mana; hi ni kuyinda cha kambu ko, hanji oru, hanji kakanga, hanji mahina ja ndando yikalu;

Mukanda Wa Zambi 1970

⁹ Ngunazange nawa ngwami, mapwo azale chize chinalite nikuhomboka ku meso ni mana, hi ni kambu ja utotombo ko, hanji oru, chibwe kaliki, hanji mahina a ndando yinji.

1 Timoteu 2:9 Iomraidhean Croise

Ubutukilo 24:53

Mwe ndungo yachiza yuma ya oru ni yuma ya prata ni mazalo, yayihana kuli Rebeka. Kuli ndumbwenyi ni naye yahana nawa upite wa ndando yinene.

1 MIANANGANA 9:30

Muze Jehu haheta ku Yezerele Jezebele yachivwa. Kashika yalipintala ku meso, yalulika mutwe wenyi yatalila ku njanela.

Estere 5:1

Ha tangwa liamuchitatu Estere yazala mazalo jenyi a wanangana; yamana mu yize ya muchima ya zuwo lia mwanangana hatalanganyi ni zuwo lia mwanangana. Mwanangana aye te kanatwama ha ngunja yenyi ya wanangana mu zuwo lia wanangana hatalanganyi ni chikolo cha zuwo.

Miaso (Masamu) 149:4

Mumu Yehova kakuwahilila ni atu jenyi. Kumapemesa yimbovu ni ulamwino.

Yishima 31:22

Kakulilingila tunyime a kuseleka; mazalo jenyi apwa a linyu ni hina lia ufungo.

Yishima 31:25

Kakulijika ni tachi ni ulemu; kakuseha ha kutwala ku miaka muyizaho.

Yishima 7:10

Mba kwatakanyine nenyi umwe pwo; ha mujimba wenyi kali ni mazalo a chikoi; mu mbunge yenyi kali ni kalimbalimba.

Izaya 3:16

Yehova wambile ngwenyi, Mumu mapwo a mu Zaione kanalizate nikwenda nikuzolola mikonga yo, nikutala ni kachikulula ku meso jo, nikuchichangila ha kwenda cho, ni ku molu jo kunjatangila,

Izaya 61:4

Makatunga nawa mazuwo a shakulu waze hanapuzuka, makatunga nawa yuma ya kushi yize hanonwona. Makalulika yihunda yize hiyinalumbuka, yuma ya kwonwona ku yisemuko yinji.

Jeremia 2:32

Te mwana-pwo mavulama yuma yenyi ya uhenya? Hanji ndungi mavulama mazalo jenyi? Hindu atu jami hananguvulama kwalula matangwa anji kuhiana.

Jeremia 4:30

Ni yena hakwenyeka kulu, kuchi chinalumbunuka unazala ngengu, ni kuliwahisa ni yuma ya oru, ni kutohesa meso je ni ulombo? Unaliwahisa mokomoko, mumu masepa je kanakulelesa, kanafupu kukushiha.

Mateu 11:8

Alioze yika nwayilile mukutala? Mutu unazala mahina a lefuna, nyi? Waze akuzala mahina a lefuna mapwa mu mazuwo ja mianangana.

1 Timoteu 2:10

alioze aliwahise ni yitanga yipema ngwe chinatambe mapwo akutayiza uwayilo wa Zambi.