1 Timoteu 1:9 - MUKANDA USANDU WA ZAMBI 1975

⁹ Nikunyingika chino, shimbi kayikolesele hali mukwa ululi, alioze ayikolesele hali yihulia ni akwa kulolema, ni yitanganyanyi ni yivulumunyi, ni akwa luchisa ni yijiluke, ni akwa kulamba atato, ni akwa kulamba anaye, ni yingalwe,

Mukanda Wa Zambi 1970

⁹ Chatutamba kunyingika ngwetu, Zambi kahanyine ko Shimbi mumu hali akwa ululi, alioze mumu hali atu wano: akwa kukolema Shimbi, ni yihulia, ni waze kaanyingikine Zambi, ni yivulumunyi, ni waze keeshi kufuliela ni keeshi kulemesa yuma ya Zambi, ni waze akushiha atato ni anaye, ni waze akushiha atu akwo,

1 Timoteu 1:9 Iomraidhean Croise

2 Samuel 16:11

David yamba kuli Abishai ni kuli tuvumbi twenyi eswe ngwenyi, Mwanami yoze wasemukine ku mujimba wami kanafupu kungushiha. Mba yono Ka-Mbenjamine aye, ngwami, mahiana. Mwechenu atuke, mumu Yehova hamutuminacho.

1 MIANANGANA 19:37

Mba kulutwe shimbu machiwayila mu zuwo lia zambi yenyi Nishoroko, anenyi Adramaleke ni Sharezere yamushiha ni katana. O yachinyina ku chifuchi cha Ararate, mba mwanenyi Ezare-Hadone yamuswana mu wanangana.

2 Sango Ja Mianangana 32:21

Mba Yehova yatuma mungelo akapatule yitakame akwa hamu eswe, ni tusongo, ni tupitau mu chilombo cha mwanangana wa Asuria. Chocho yahiluka ni sonyi ku chifuchi chenyi. Mba ha kuheta ku zuwo lia zambi yenyi, waze asemukine ku mujimba wenyi mwene yamushihilako ni katana.

Kutuhuka 20:13

Kanda ukashiha mutu.

Kutuhuka 21:14

Nyi mutu mavwila shili mwenyembo wenyi mukumushiha ni kalimbalimba, ukamuchize ku chilumbilo chami, akafwe.

Yishima 20:20

Mweswe matuka tato hanji naye, ndeya yenyi makayijimisa mu milima pwi.

Yishima 28:17

Mweswe yoze halitwika manyinga ja mutu mweswawo machinyina mu jondo; niumwe kanda amuchinda.

Yishima 28:24

Yoze makeya kuli tato hanji naye nikwamba ngwenyi, Chavulumwine; iye kapwa ngwe sepa lia chonwonyi.

Yishima 30:11

Kuchili chisemuko chakutukana atato; keshi kuwahisa anaye.

Yishima 30:17

Liso lize liakuyunga tato, Kakulelesa lufumbo wa naye; yikwakwalo a mu chikulo makalitombongona; ana ja pupa makalilia.

Jeremia 23:11

Ni profeta ni sasendote eswe ni aali yitanganyanyi. Chipwe mu zuwo liami hinawana ungulungulu wo. Chocho kanambe Yehova.

Ezekiel 21:25

Ni yena chingulungulu wa kulijilula, yena mulemu wa A-Izalele, tangwa he hiliaheta, mwaka wa kastigu ye yasula.

Alevi 20:9

Mweswawo matuka tato hanji naye akamushihe. Hatuka tato hanji naye, kashika manyinga jenyi akapwe hali iye mwene.

Mateu 10:21

Alioze mukulwana makakunjika mwanakwo ku kufwa, ni tato makunjika mwanenyi: ni ana makakatukila yisemi jo akaashihe.

A-ROMA 1:30

yilamikiji, akwa kuvwila kole Zambi, akwa kupopolola, akwa kulizelula, akwa kulizata, akwa kutomba yuma yipi, yihulia kuli yisemi jo.

A-ROMA 4:13

Mumu hi ku shimbi ko, chilakenyo chapwile kuli Apalahama, hanji ku munyachi wenyi, akapwe swana ya hashi, alioze ku ululi wa Ufulielo.

A-ROMA 5:20

Achi, shimbi yanjilile hanga mulonga ukalumbame, alioze kuze shili yalumbamine, vumbi lialumbamine kuhiana chikolo.

A-ROMA 6:14

Mumu shili kuyichi kapwa ni chiyulo hali yenu: mumu kunwalingile kushi lia shimbi, alioze kushi lia vumbi.

Galashia 3:19

Mba shimbi yaka? Ayiwezele mumu ha Utanguko, ndo we munyachi muwiza, yoze amuhele chilakenyo; ayikolesele kuli angelo, mu kwoko lia chitakanyishi.

Galashia 5:18

Mumu kachi Spiritu manusongwela, hi nuli kushi lia shimbi ko.

Galashia 5:21

ni lufwachinda, ni ungalwe, ni kuzengewa, ni kuhungumuka ni yipi, ni yuma ya kulifwa ni yino; ha kutwala ku yiyo, ngunanwambulwila Shimbu-kanda, chizechene ngwe nanwambulwilile kulu, ngwami, Waze akulingalinga yuma ngwe yino kechi kahinga wanangana wa Zambi.

Galashia 5:23

ni kushimbika, ni kusúla; kulimika ni yuma ngwe yino shimbi yakuhi niyimwe.

Shimbi 27:16

Kashingiwa mutu yoze malelesa tato hanji naye. Atu eswe até ngwo, Amene.

2 A-TESALONIKA 2:8

Hohene kumakasolola mwe chihulia, yoze Mwene Yesu makamulukisa ni mwiku wa mu kanwa lienyi; makamwenyeka ni kupanguka cha kuheta chenyi.

1 Timoteu 4:7

Alioze lituna yishima ya ujiluke ya mapwo a tushinakaji, Shinaho lifumbe mu uwayilo.

1 Timoteu 6:20

Timoteu, funga chize akukunjikile, ukalikondolole ku kumbambula chamokomoko cha ujiluke, ni kulimika cha yinyingi yize anayivuluka chocho ni mahuza;

2 Timoteu 2:16

Alioze China kumbambula chamokomoko cha ujiluke: mumu kumakasenya kulutwe ku utanganyanyi Wahiana.

2 Timoteu 3:2

Mumu atu kumakapwa akwa kulifwila ene, akwa kufwila mbongo, akwa kulizata, akwa kulizelula, akwa kushililika, keshi kwononoka kuli yisemi jo, akwa kaleleso, akwa luchisa,

Titu 1:10

Mumu kwali akwa kukolema anji, akwa kumbambula, ni akwa kwonga, ahiana hakachi ka akwa ungalami.

Titu 1:16

Kakwamba ngwo, Tunanyingika Zambi; aiioze ni yitanga kakulikata iye, akwa kuzelwokesa, yihulia; ha kutwala ku yitanga yeswe yipema yisáshili amokomoko.

Titu 1:6

kachi umwe masamba ku kusuma cheswe, lunga wa pwo umuwika, kali ni ana a kufuliela, waze keshi kusumiwa ha kuhungumuka ni yipi, hanji kukolema.

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.

Hebreu 11:31

Ku Ufulielo Rahape, chikoi, katokeleko hamwe ni waze kononokeneko, se watambwile ngendeshi ni sambukila.

Hebreu 12:16

kuchina chitanji umwe, hanji chijiluke, ngwe Esau, yoze ha kulia chimuwika walanjishile wata wenyi.

1 Petulu 2:7

Kuli yenu kashika, nwakufuliela, iye mulemu: alioze kuli waze keshi kwononoka, liwe lia lutwe lia mbango.

1 Petulu 3:20

waze ha shakulu kononokeneko, muze uhomboloji wa Zambi washimbwile ha matangwa ja Noe, shimbu machilulika ulungu, amuze akepe, te atu nake, aalamwinyine ku meya.

1 Petulu 4:18

Nyi kachi muchikapwa chikalu hali mukwa ululi kulilamwina, kulihi chitanganyanyi ni chivulumunyi makasoloka?

Yuda 1:15

mukulinga upatwilo hali eswe, mukukumika yitanganyanyi eswe ha yitanga yo yeswe ya utanganyanyi, yize alingile ni utanganyanyi, ni ha yuma yeswe yikalu yize yivulumunyi a utanganyanyi hanahanjika ya kulimika nenyi.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.