1 Timoteu 1:5 - MUKANDA USANDU WA ZAMBI 1975

⁵ Alioze songo lia shimbi ngwo, Zango lia ku mbunge yitoma, ni shimbi yipema ya mbunge: ni Ufulielo uze kuushi ulembekese.

Mukanda Wa Zambi 1970

⁵ Ngunazange atu alinge chino ngwami abwe ni zango lize liakutuhuka mu mbunge yitoma, ni ku manyonga abema, ni ku ufulielo wamwenemwene.

1 Timoteu 1:5 Iomraidhean Croise

Miaso (Masamu) 24:4

Yoze uli ni moko apema ni mbunge ya kulinanga. Yoze katwalile mbunge yenyi ku yuma yamokomoko; kalishingile ni mahuza.

Miaso (Masamu) 51:10

Zambi, tenga muli yami mbunge yipema. Lulika Spiritu ya kululama muli yami.

Jeremia 4:14

Yerusaleme, sanenu ku mbunge ungulungulu ukatuke, akanulamwine. Ndo mwiji muka manyonga jenu api matwama muli yenu?

Zefania 3:7

Nambile ngwami, Manguvwila woma, matayiza kumufumba, chocho chichi kamuteta kuma kwa kutwama chipwe namwaha kastigu. Alioze akalishile mbunge jo nikuchisa yitanga yo yeswe.

Mateu 12:35

Mutu mupema ku upite upema wa mbunge masolola yuma yipema: ni chingulungulu ku upite wa ungulungulu wa mbunge masolola yuma ya ungulungulu.

Mateu 5:8

Kawaha akwa kupema mu mbunge, mumu kumakamona Zambi.

Yilinga 15:9

kapwishile kulipalikila hakachi ketu ni ayo, alioze wapemesene mbunge jo ku Ufulielo.

Yilinga 23:1

Paulu, wahulikilile meso kuli akwa kuyula, wambile ngwenyi, Mandumbu, hingunende ni mbunge yeswe yipema kumeso ja Zambi ndo ku tangwa lino.

Yilinga 24:16

Ha chikuma chino yami nawa nakulifumba, hanga ngukapwe ni mbunge yize kuyishi chitalingiso kumeso ja Zambi ni atu.

A-ROMA 10:4

Mumu Kristu iye we umanunwino wa shimbi ha ululi kuli mweswe mafuliela.

A-ROMA 12:9

Zango likapwe kulishi ulembekese. Ivwenu lwaji ha ungulungulu; lalaminyenu ku yipema.

A-ROMA 14:15

Mumu kachi ha mukunda wa kulia ndumbwe mevwa kupiha, yena kwendele nawa mu zango. Kanda ulumbula ni kulia che yoze amufwilile Kristu.

A-ROMA 9:1

Ngunambe umwenemwene muli Kristu, chahanjikile mahuza, mbunge yami yakushindakenya hamwe ni yami muli Spiritu Musandu,

1 Korintu 13:1

Chipwe munguhanjika ni limi lia atu ni angelo, alioze chishi zango, mungupwa ngwe ngunga yakuhanjika nge-nge-nge, hanji mikosa ya kunjatangila.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

Galashia 5:22

Alioze mihuko ya Spiritu, zango, ni uwahililo, ni sambukila, ni kulihumikiza, ni utu, ni upeme, ni kushishika,

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Shimbi 10:12

Haliapwila, enu A-Izalele, Yehova Zambi yenu kuchi anafupu kuli yenu? Kanafupu nuvwile woma Yehova Zambi yenu ni kwenda mu majila jenyi eswe, nikumuzanga, nikuvumbika Yehova Zambi yenu ni mbunge jenu jeswe ni alma jenu jeswe,

1 Timoteu 1:18

Shimbi yino ngunakukunjikayo, mwanami Timoteu, nikulita ni uprofeto wa kutwala kuli yena, hanga ukase nawo jita yipema.

1 Timoteu 1:19

Ukakakaminye ku Ufulielo ni mbunge yipema; amwe se hanalichinjiyo, asakaminyine mu jila ha kutwala ku Ufulielo.

1 Timoteu 3:9

akwa kulalaminya ku chijimbikilo cha Ufulielo ni shimbi yipema ya mbunge.

2 Timoteu 1:3

Kakusakwila kuli Zambi, yoze nakumulingila chize kuli akaka, ni mbunge yipema, ngwe nakukuvulwoka ha kuliumba chami, ufuku ni mwalwa, nikulitwamina nichimwe.

2 Timoteu 1:5

ha kwiwuluka Ufulielo uze kuushi ulembekese, uze uli muli yena; uze wene watwamine hatangu muli kakenu Loye, ni muli noko Uhise mba ngunakunuka ngwami, Watwama muli yena nawa.

2 Timoteu 2:22

Alioze China usolo wa ukweze, ukakaule ululi, ni Ufulielo, ni zango, ni sambukila, hamwe ni waze akutambika hali Mwene ni mbunge yipema.

Titu 1:15

Kuli akwa kupema, yuma yeswe yipema; aiioze kuli akwa luchisa, ni waze keshi kufuliela, chuma chipema chakuhi nichimwe; aiioze ni kunyonga cho ni mbunge jo kujalichisa.

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

Hebreu 13:18

Tulembelenu; mumu tunakunuka mbunge yipema tuli nayo ha yuma yeswe, tunazange kwenda kanawa ha kutwala ku yuma yeswe.

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?

Tiangu (Jake) 4:8

Kundamenu kuli Zambi, iye kumakakundama kuli yenu. Pemesenu moko jenu, yenu yivulumunyi; tomesenu mbunge jenu, yenu akwa mbunge jiali.

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.

1 Petulu 3:16

Pwenu ni mbunge yipema: hanga ha chize manwamba chipi ngwe akwa kulinga yipi, akevwe sonyi, waze akusaula kwenda chenu chipema muli Kristu.

1 Petulu 3:21

Chenacho nawa ni Chizulie cha kulita haliapwila chinanulamwina, te upapachiso, hi kusano ko majilo a musunya akatuke, aiioze kutá cha mbunge yipema kuli Zambi, ku Uhindukilo wa Yesu Kristu;

1 Petulu 4:8

Kuhiana yuma yeswe pwenu nikulizanga umwe ni mukwo ni mukwo ni mbunge yeswe: mumu zango kuliakufuka milonga yinji:

2 Petulu 1:7

ha uwayilo wezenu kufwila cha mandumbu; ha kufwila cha mandumbu wezenu zango.

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.

1 Yoano 3:23

Ni yino ye shimbi yenyi, tukafuliele ku jina lia Mwanenyi Yesu Kristu, tukalizange umwe ni mukwo ni mukwo, chizechene ngwe hanatwehe shimbi.

1 Yoano 3:3

Ni mweswe uli ni kutalatala chino muli iye, kakulitomesa chizechene ngwe iye mutoma.