1 Timoteu 1:4 - MUKANDA USANDU WA ZAMBI 1975

⁴ Chipwe kanda apanjika ku yishima yamokomoko, ni kujichika miya yize kuyishi songo, yenayo kuyakuneha mbandanga, alioze kuyishi kusenyesa kulutwe uselo wa Zambi, uze uli mu Ufulielo.

Mukanda Wa Zambi 1970

⁴ Alweze ngwe, alitwamine kulongesa atu yishima yo ya mahuza ni kuvulwoka majina anji a tushakulu two. Mumu yuma ngwe yino yakuneha pami jamokomoko. Yuma yino kuyishi kutunyingikisa manyonga a Zambi, waze tunanyingika ku ufulielo.

1 Timoteu 1:4 Iomraidhean Croise

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

Efesu 3:2

kachi nwevwile ha uselo wa vumbi lia Zambi uze hanangwehe hali yenu;

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

1 Timoteu 4:7

Alioze lituna yishima ya ujiluke ya mapwo a tushinakaji, Shinaho lifumbe mu uwayilo.

1 Timoteu 6:11

Alioze yena, mutu wa Zambi, China yino yuma; ukakaule ululi, ni uwayilo, ni Ufulielo, ni zango, ni utunu, ni kushimbika.

1 Timoteu 6:20

Timoteu, funga chize akukunjikile, ukalikondolole ku kumbambula chamokomoko cha ujiluke, ni kulimika cha yinyingi yize anayivuluka chocho ni mahuza;

2 Timoteu 2:14

Ewuhvise yino yuma ni kwaaha koki kumeso ja Mwene ngwe kanda akahangujola ha maliji, chize kuchishi kufumbuka nichimwe, kuchakulimbwisa waze akwivwa.

2 Timoteu 2:22

Alioze China usolo wa ukweze, ukakaule ululi, ni Ufulielo, ni zango, ni sambukila, hamwe ni waze akutambika hali Mwene ni mbunge yipema.

2 Timoteu 2:23

Alioze lituna yihula ya uhepuke ni yize kuyishi kulumbunuka, se unanyingika ngwe kuyakuneha ndombo.

2 Timoteu 4:4

Makatewulula matwi jo ku umwenemwene, makakondolokela ku yishima yamokomoko.

Titu 1:1

Yami Paulu, ndungo ya Zambi, kanda postolo wa Yesu Kristu, nikulita ni Ufulielo wa waze a kutongola kuli Zambi, nikulita ni yinyingi ya umwenemwene uze wakulita ni uwayilo;

Titu 1:14

kanda apanjika ku yishima yamokomoko ya A-Yunda, ni ku shimbi ja atu, aze akupiangula ku umwenemwene.

Titu 3:9

Alioze China kulihangujola cha uhepuke, ni kujichika miya, ni vunda, ni kulitachika cha kutwala ku shimbi, mumu kuyishi kufumbuka; yapwa yamokomoko.

Hebreu 13:9

Kanda nuhungumioka ni longeso lieka ni lieka, lize kulialumbunukine; mumu chinawaha mbunge yikakole mu vumbi; hi mu kulia ko, mumu kuchafumbukile kuli waze endelemo.

2 Petulu 1:16

Mumu kutwakawile yishima ya kutaka ni mana amokomoko, muze twanunyingikishine tachi ni kuheta cha Mwene wetu Yesu Kristu, aiioze twapwile yela ja ulamba wenyi.