1 Timoteu 1:10 - MUKANDA USANDU WA ZAMBI 1975

¹⁰ ni yitanji, ni akwa utumwa, ni yikwachi, ni akwa mahuza, ni akwa kulishinga ni mahuza, nyi kachi muchipwa chuma chimwe chikwo cha kulimika ni longeso lingunu;

Mukanda Wa Zambi 1970

¹⁰ ni yitanji, ni akwa utumwa, ni akwa kukwata atu ha kuya ni kwalanjisa, ni akwa mahuza, ni akwa kulishinga ni mahuza, ni waze akulituna longeso liamwenemwene.

1 Timoteu 1:10 Iomraidhean Croise

Alevi 18:22

Kanda upomba ni lunga ukamutenge pwo. Acho chuma cha kuvwisa lwaji.

2 Timoteu 4:3

Mumu mwaka muukapwa muze kechi kulihumikiza ni longeso lingunu; alioze mapwa ni matwi a kuzwa, makalilunjikila alongeshi nikulita ni usolo wo ene.

A-ROMA 1:26

Ha chikuma chino Zambi waakunjikile ku kusasaminya cha sonyi: mumu mapwo jo alumwine chize chinate ni chisemewa mu chize kuchatele:

Usolwelo 21:27

Ni chuma cha luchisa, chipwe yoze wakulinga chizelwokeso, chipwe yoze wamutomba mahuza, kechi kanjilamo nichimwe: aiioze waze wika anaasoneka mu mukanda wa mwono wa mwe Mwana-panga.

1 Timoteu 6:3

Kachi umwe malongesa longeso lieka, keshi kutayiza ku maliji angunu, aze a Mwene wetu Yesu Kristu, ni ku longeso lize liakulita ni uwayilo;

Yuda 1:7

Chizechene ngwe Sondome ni Ngomora, ni membo a kwajingilika, se chizechene ngwe wano alitumbikilile ku utanji, nikukaula musunya weka, hanaasela ngwe chilweza, ha kwivwa upatwilo wa kahia ka mutolo.

Titu 1:9

mukwa kukakaminya ku liji liamwenemwene, lize liakulita ni longeso, hanga akahase kushinjila mu longeso lingunu ni kukumika akwa kuhamika nawa.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Hebreu 13:4

Umbachiso akaulemese kuli eswe, ni muhela kanda akausela ku luchisa: mumu mapangala ni yitanji Zambi kumakaapatwila.

Alevi 20:13

Nyi lunga mapomba ni lunga nikumutenga pwo, eswe aali halinga chuma cha kuvwisa lwaji. Kashika akaashihe. Manyinga jo akapwe hali ene.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.

2 Timoteu 1:13

Lalaminya ku cheseko cha maliji angunu aze hiunevu kuli yami, ni Ufulielo ni zango, yize yili muli Kristu Yesu.

Yoano 8:44

Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.

Kutuhuka 21:16

Yoze meya mutu nikumulanjisa, hanji mamuwana nenyi, akamushihe lume.

Ubutukilo 19:5

Yatambika kuli Lote ngwo, Malunga aze ezanga kuli yena ha ufuku kulihi ali? Utuneheno haze tukalimone no.

Titu 1:13

Shindakenyo yino yamwenemwene. Ha chikuma chino, ukaakumike chikolo, hanga akapwe angunu mu Ufulielo,

Kutuhuka 20:7

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Usolwelo 18:13

ni kanela, ni mulungo, ni insensu, ni yitumbo ya vumba lipema, ni libano, ni vinyu, ni maji, ni wunga wa kufufunuka, ni tiliku, ni yimuna, ni mapanga; ni tuvwalu, ni matemba, ni mijimba, ni alma ja atu.

Zakaria 8:17

kanda nulitakila chipi mu mbunge jenu umwe kulimika ni mukwo; kanda nuzanga shingo lia mahuza. Mumu Yehova kanambe ngwenyi, Yino yeswe yangupihila.

Hosea 10:4

Kakuhanjika maliji amokomoko; kakukolesa usendo ni mashingo keshi tachi, kashika upatwilo kuwakusoloka ngwe yiputa ya utende mu mihanga ya mu minda.

Shimbi 24:7

Kachi mawana mutu uneyi umwe wa kuli usoko wenyi, wa A-Izalele, mamupwisa ngwe ndungo, hanji mamulanjisa; mwe mwiji afwe. Chocho munukatwisa che chipi mukachi kenu.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Zakaria 5:4

Yehova-wa-Tujita kanambe ngwenyi, Munguutuma mba muunjila mu zuwo lia mwiji, ni mu zuwo lia mukwa kulishinga ni mahuza ni jina liami, mba muutwama mu zuwo lienyi nikulilia lieswe, ni mitondo ni mawe.

Ubutukilo 40:15

Mumu angwiyile ku chifuchi cha A-Hepreu. Chipwe kuno chalingile nichimwe chakungu-neha muno mu wina.

Ubutukilo 37:27

Tumulanjisenu kuli A-Ishemali alioze kanda tumushiha yetu mumu iye mwanakwetu, musunya wetu. Mba ana-akwo yapanjika kuli iye.

1 Timoteu 4:6

Kachi muwiwulula mandumbu yino yuma, kachi mukapwa kavumbi mupema wa Kristu Yesu, wa kuhoka ni, maliji a Ufulielo, ni a longeso lipema, lize hiunakaula ndo haliapwila.