1 Timoteu 1:1 - MUKANDA USANDU WA ZAMBI 1975

¹ Yami Paulu, postolo wa Yesu Kristu, nikulita ni chiyulo cha Zambi Chilamwina chetu, ni cha Kristu Yesu, iye kutalatala chetu;

Mukanda Wa Zambi 1970

^1-2 Yami Paulu, ngunakusonekena yena Timoteu, mwanami wamwenemwene mu ufulielo. Zambi Chilamwina chetu ni Kristu Yesu, yoze twakusa mbunge, hanangwehe Shimbi ha kubwa kanganda. Tata Zambi ni Mwene wetu Kristu Yesu, akulweze utu ni keke, ni akwehe uhwimino.

1 Timoteu 1:1 Iomraidhean Croise

Miaso (Masamu) 106:21

Avulamine Zambi Chilamwina cho yoze walingile yuma yinene mu Engitu,

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 43:11

Yami, yami nguli mwe Yehova. Niumwe chilamwina keshiko shina yami mwene.

Izaya 43:3

Mumu nguli Yehova Zambi ye, mwe Musandu wa Izalele, Chilamwina che. Nahanyine Engitu kupwa ndando ya ukule we. Nakulanjile ni Etiopia ni Sepa.

Izaya 45:15

Pundu, yena Zambi ya Izalele, mwe Chilamwina, uli umwe Zambi wakuswama.

Izaya 45:21

Ambululenu chikuma chenu nukachilumbunune. Atwame punga. Yoze walwezele chuma chino kulu, iya? Yoze wachambulwilile ku miaka ya kushi, iya? Hi yami ko, Yehova? Kukushi nawa zambi mukwo shina yami mwene, Zambi ya ululi, Chilamwina; kukushi mukwo shina yami mwene.

Izaya 49:26

Waze anakupinjisa mungwalisa musunya wo ene. Kumakazengewa ni manyinga jo ene ngwe hanwa vinyu. Henaho atu eswe manyingika yami nguli Yehova, Chilamwina che, kanda Mukwa-Kukukula, kanda Mukwa-Ndundo wa Yakomba.

Izaya 60:16

Kumunukanwa yamwa ya mavungu, kumunukamwa ku mele ja mianangana. Kumunukanyingika, Yami Yehova nguli Chilamwina chenu, nguli Mukwa-Kunukula, Mukwa-Ndundo wa Yakomba.

Izaya 63:8

Mumu wambile ngwenyi, Pundu o atu jami, ana a malunga waze kechi kangwonga. Chocho walipwishile Chilamwina cho.

Hosea 13:4

Yami nguli Yehova Zambi yenu chize ku chifuchi cha Engitu. Kunwanyingikine Zambi niumwe shina yami, kukushi niumwe chilamwina shina yami wika.

Luka 1:47

Spiritu yami hiyinalikwiza muli Zambi Chilamwina chami.

Luka 2:11

Mumu musono, mu limbo lia David, Chilamwina kanasemuka kuli yenu, iye Kristu mwe Mwene.

Yilinga 9:15

Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele:

A-ROMA 1:1

Yami Paulu, ndungo ya Yesu Kristu, amutambikile postolo, amuselele ku sango lipema lia Zambi,

1 Korintu 1:1

Yetu, Paulu amutambikile postolo wa Yesu Kristu ku upale wa Zambi, ni ndumbu Sosetene,

1 Korintu 9:17

Mumu kachi mungulinga chino ku upale wa yami mwene, kachi mungupwa ni fweto: alioze kachi hi ku upale wa yami mwene ko, kanangukunjika uselo.

2 Korintu 1:1

Yetu, Paulu postolo wa Yesu Kristu ku upale wa Zambi, ni ndumbu Timoteu, Ku chikungulwila cha Zambi chize chili ku Korindu, hamwe ni asandu waze eswe ali mu chifuchi cha Akeya:

Galashia 1:1

Yami Paulu, postolo (hi wa kuli atu ko, hanji ku tachi ja mutu, alioze wa kuli Yesu Kristu, ni Zambi mwe Tata, yoze wamuhindwishile hakachi ka afu);

Galashia 1:11

Mumu ngunanunyingikisa, mandumbu, ha kutwala ku sango lipema lize nambujolele ngwami, Hi lia kulita ni atu ko.

Kolosu 1:27

Kuli ayo Zambi wafupile kulweza chize chapwa kulumbama cha uhenya wa chijimbikilo chino hakachi ka mavungu, chenacho Kristu muli yenu, che kutalatala cha uhenya.

2 A-TESALONIKA 2:16

Alioze Mwene wetu Yesu Kristu iye mwene, ni Zambi Tata yetu, yoze hanatuzange, yoze hanatwehe kulembejeka cha mutolo, ni kutalatala chipema ku vumbi,

1 Timoteu 1:12

Nakusakwilila yoze wakunguhashisa, iye Kristu Yesu Mwene wetu, mumu Wangumwene nguli wamwenemwene, hangusela ku uvumbiko;

1 Timoteu 2:3

Mumu chino chinawaha, chinapemena chikolo kuli Zambi Chilamwina chetu,

1 Timoteu 2:7

Ha chuma chino hanangusela mukwa kwambujola ni postolo (ngunahanjika umwenemwene, chahanjikile mahuza), nguli longeshi ya akwa mavungu mu Ufulielo ni umwenemwene.

1 Timoteu 4:10

Mumu ha chino, twakukilikita, no kakutuchoka, mumu twakutalatata hali Zambi ya mwono, iye mwe Chilamwina cha atu eswe, alioze kuhiana chikolo cha waze akufuliela.

Titu 1:3

aiioze ha miaka yalio, wasolwele liji lienyi mu sango lize angukunjikile, nikulita ni liji lia chiyulo cha Zambi Chilamwina chetu,

Titu 2:10

hi nikwiya ko, aiioze nikusolola kushishika cheswe chipema; hanga akawahise longeso lia Zambi Chilamwina chetu ha yuma yeswe.

Titu 2:13

nikutwaminyina kutalatala chize chawaha, ni usolokelo wa uhenya wa Zambi yetu munene kanda Chilamwina Yesu Kristu;

Titu 3:4

Alioze muze utu ni kufwila cha Zambi Chilamwina chetu chasolokele,

Titu 3:6

Yoze wamuzukwile wa kulumbama hali yetu kuli Yesu Kristu Chilamwina chetu,

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.

1 Petulu 1:3

Zambi kanda Tato ya Mwene wetu Yesu Kristu afumane, yoze nikulita ni keke yenyi yinji hanatuseme chaha, tukapwe ni kutalatala cha mwono, ku Uhindukilo wa Yesu Kristu hakachi ka afu,

2 Petulu 1:1

Yami Semone Petulu, ndungo kanda postolo wa Yesu Kristu, Kuli waze hanazuku Ufulielo ulemu wa kulita ni uze niwetu, ku ululi wa Zambi yetu kanda Chilamwina Yesu Kristu:

1 Yoano 4:14

Yetu hitunamono, twakushindakenya ngwetu, Mwe Tangi hanatumu mwe Mwana akapwe Chilamwina cha akwa hashi.

Yuda 1:25

Kuli Zambi umuwika, Chilamwina chetu, mu jina lia Yesu Kristu Mwene wetu, uhenya, ni ulamba, ni ndundo, ni yiyulo, yikapwe kushi ku miaka ya mutolo, ni haliapwila, ni ndo ku miaka ya mutolo. Amene.