1 Samuel 9:5 - MUKANDA USANDU WA ZAMBI 1975

⁵ Muze haheta ku chifuchi cha Zufu Saulu yamba kuli ngamba yoze anende nenyi, ngwenyi, Tuye ku mahietu kuchina tata malitwamina kunyongena yimbulu mba maputuka kutufupa yetu.

Mukanda Wa Zambi 1970

⁵ Muze haaheta mu chifuchi cha Zufu, Saulu yambila ngamba yenyi ngwenyi: “Tuhiluke ku mahietu. Nyi ka, tata malitwamina kunyonga yimbulu, mabutuka kulibikala hakutwala kuli yetu.”

1 Samuel 9:5 Iomraidhean Croise

Mateu 6:25

Kashika ngunambe kuli yenu ngwami, Kanda nulipikala ha mwono wenu, chize munulia, ni chize mununwa, chipwe ha mujimba wenu, chize munuzala. Mwono kuwahianyine kulia, nyi? Mujimba kuwahianyine mazalo, nyi?

Mateu 6:28

Mba kuchi te nunalipikala ha mazalo? Lilongesenu ku lirio ya mu yambu, ngwe chize muyitatuka; kuyishi kukilikita, chipwe kuyishi kuhosa:

Mateu 6:34

Kanda nulipikala kashika ha tangwa lia hamene: mumu tangwa lia hamene ni yipikalo yalio. Yipi ya tangwa lieswe muyilita ni lie tangwa.

Luka 12:11

Muze manuneha kumeso ja masunangonga ni mianangana ni akwa kuyula, kanda nulipikala ha chize numukumbulula, hanji chize munukamba:

Luka 12:22

Iye wambile kuli tumbaji twenyi ngwenyi, Kashika ngwami, Kanda nulipikala ha mwono wenu, chize munulia; chipwe ha mujimba, chize munuzala.

1 Samuel 1:1

Kwapwile umwe lunga wa Ramataime-Zofime mu chifuchi cha Eframe ku milundu, jina lienyi Elekana, mwana wa Jerohame, mwana wa Elihu, mwana wa Tohu, mwana wa Zufu, Ka-Eframe.

1 Samuel 10:2

Muze mukatuka kuli yami musono, muwana malunga aali ku fuka lia Rakele mu njiza ya Mbenjamine ku Zeleza. Mamba kuli yena ngwo, Yimbulu aze wayile nikufupa, hanaawane. Kumanyi tatenu hachiza mbunge e yimbulu haputuka kukunyongena yena, ngwenyi, Mwanami kuchi mungumulingila?